p chidambaram : ‘जो गोव्याची निवडणूक जिंकेल तोच आगामी लोकसभा निवडणूकही जिंकेल’, चिदम्बरम यांचा दावा


पणजीः पुढच्या वर्षी ५ राज्यांच्या विधानसभा निवडणुका होत आहेत. उत्तर प्रदेश, पंजाब, उत्तराखंड, मणिपूर आणि गोवा यांचा यात समावेश आहे. या निवडणुकांसाठी केंद्रातील सत्ताधारी भाजपसह विरोधी पक्ष असलेल्या काँग्रेसनेही तयारी सुरू केली आहे. काँग्रेसचे वरिष्ठ नेते पी. चिदम्बरम ( p chidambaram ) आज गोव्यात होते. त्यांनी पणजीत पक्षाच्या निवडणूक प्रचार कार्यालयाचे उद्घाटन केले. तसंच कार्यकर्त्यांनाही संबोधित केले. गोव्याच्या आगामी विधानसभा निवडणुकीसह २०२४ ची निवडणूकही पक्ष जिंकेल, असा विश्वास पी. चिदम्बरम यांनी यावेळी व्यक्त केला. चिदम्बरम हे गोव्याचे काँग्रेसचे प्रभारी आहेत.

कार्यकर्त्यांनो, राजकीय इतिहास बघता एक महत्त्वाची बाब तुम्हाला सांगतो. जो कुणी गोव्याची निवडणूक जिंकतो, दिल्लीतही (लोकसभा निवडणूक) त्याचाच विजय होतो. काँग्रेसने २००७ मध्ये गोवा विधानसभा निवडणूक जिंकली होती. त्यानंतर २००९ ला झालेल्या लोकसभा निवडणुकीत काँग्रेसचा विजय झाला. दुर्दैवाने २०१२ मध्ये पक्षाचा गोवा विधानसभा निवडणुकीत पराभव झाला. आणि त्यानंतर २०१४ लोकसभा निवडणुकीतही पक्षाला पराभवाचा सामना करावा लागला. पक्षाच्या कार्यकर्त्यांनी २०१७ मध्ये परिश्रम घेत गोवा निवडणुकीत विजय मिळवला. पण आमदारांनी सरकार बनवण्याची संधी गमवली, असं पी. चिदम्बरम म्हणाले. यानंतर २०१९ च्या लोकसभा निवडणुकीत काँग्रेसचा पुन्हा पराभव झाला, असं चिदम्बरम यांनी काँग्रेस कार्यकर्त्यांना सांगितलं.

पुढच्या वर्षी (२०२२) होणाऱ्या गोवा विधानसभा निवडणुकीसाठी काँग्रेस विश्वासाने आणि धैर्याने पुढे जात आहे. यानुसार गोव्याची २०२२ ची विधानसभा निवडणूक आणि २०२४ ची लोकसभा निवडणूक काँग्रेसच जिंकेल, असा विश्वास चिदम्बरम यांनी व्यक्त केला. गोव्याच्या २०१७ च्या विधानसभा निवडणुकीत एकूण ४० जागांपैकी १७ जागा काँग्रेसने जिंकल्या होत्या. काँग्रेस सर्वात मोठा पक्ष ठरला होता. पण भाजपने काही प्रादेशिक पक्षांची आणि अपक्ष आमदारांची मोट बांधून सरकार स्थापन केलं. यानंतर अनेक आमदारांनी काँग्रेस सोडली. आता गोव्यात काँग्रेसचे फक्त ४ आमदार आहेत.

amit shah : ‘पाकिस्तानने सुधरावं अन्यथा पुन्हा सर्जिकल स्ट्राइक होईल’, अमित शहांचा जाहीर इशारा

इतिहास काँग्रेसने रचला आहे. आजच्या शुभ दिवसापासून आपण सरवात करत आहोत. आपल्या कार्यालयाचे उद्घाटन माजी मुख्यमंत्री प्रतापसिंह राणे यांनी केलं आहे. ते सोनेरी दिवस आठवा ज्यावेळी काँग्रेसची दिमाखात वाटचाल सुरू होती. उद्योग, शाळा-महाविद्यालये आणि रस्ते अशी विकासकामं केली, असं चिदम्बरम कार्यकर्त्यांना म्हणाले.

rajnath hails indira gandhi : ‘इंदिरा गांधींनी युद्धावेळी देशाचे नेतृत्व केले’, राजनाथ सिंहांनी केले कौतुक

आपण २०२२ मध्ये काँग्रेसचे ते सुवर्ण युग पुन्हा आणू. सर्वांनी विश्वासाने आणि धैर्याने पुढे जावं, असं आवाहन चिदम्बरम यांनी कार्यकर्त्यांना केलं. गोवा कुठल्याही आक्रमणकर्त्याची राजकीय वसाहत बनू शकत नाही. गोव्यावर गोव्याच्या लोकांचे राज्य असेल, असं चिदम्बरम म्हणाले. गोव्याचे माजी मुख्यमंत्री लुईझिन्हो फालेरो यांनी गेल्या महिन्यात काँग्रेस सोडून ममता बॅनर्जी यांच्या नेतृत्वाखालील तृणमूल काँग्रेसमध्ये प्रवेश केला. या पार्श्वभूमीवर चिदम्बरम बोलले. काँग्रेसने आपल्या नेत्यांचे चेहरे राज्यासमोर मांडले आहेत. येत्या काही दिवसांत पक्ष गोव्यावर शासन करण्यासाठी महिला, अनुसूचित जमाती, मच्छीमार समाज आणि दलितांसह अधिक युवा नेत्यांना समोर आणेल, असं काँग्रेसचे वरिष्ठ नेते पी. चिदम्बरम म्हणाले.

rahul gandhi : पेट्रोल-डिझेल दरवाढीवरून राहुल गांधींचा भाजपवर निशाणा; म्हणाले…



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: