राहुल द्रविडकडे भारतीय संघाचे प्रशिक्षकपद; BCCIने दिला दुजोरा


मुंबई : आयसीसी टी-२० वर्ल्डकपनंतर न्यूझीलंडचा संघ भारत दौऱ्यावर येणार आहे. या मालिकेसाठी भारतीय संघासोबत प्रशिक्षक म्हणून राहुल द्रविड हे असतील अशी माहिती भारतीय क्रिकेट नियामक मंडळातील अधिकाऱ्यांनी दिली आहे. वर्ल्डकपनंतर सध्याचे कोच रवी शास्त्री यांचा कालावधी संपणार आहे.

वाचा-IPL फायनलमध्ये चेन्नई सुपर किंग्जचा पराभव निश्चित; या एका गोष्टीचे धोनीकडे उत्तर नाही

इनसाइडस्पोर्टने दिलेल्या वृत्तानुसार बीसीसीआयच्या एका वरिष्ठ अधिकाऱ्यांनी या वृत्ताला दुजोरा दिलाय. राहुल द्रविड हे कमीत कमी न्यूझीलंड दौऱ्यात संघाचे कोच असतील. यासंदर्भात बीसीसीआयने त्यांच्याशी संपर्क केलाय. जोपर्यंत आम्ही दक्षिण आफ्रिकेच्या दौऱ्यासाठी प्रशिक्षकाचा शोध घेत नाही तोपर्यंत त्याच्यावर ही जबाबदारी असेल.

वाचा-बाद झाल्यानंतर पुन्हा मैदानात आला आणि दोन षटकार मारले, पाहा काय झाले

न्यूझीलंडविरुद्धच्या मालिकेसाठी राहुल द्रविड प्रशिक्षक असतील. दरम्यानच्या काळात सीएसी नव्या प्रशिक्षकाचा शोध घेतील. राहुल द्रविड यांनी प्रशिक्षक पद स्विकारण्यास नदार दिला आहे. ते कुटुंबापासून जास्त दूर राहून काम करू शकणार नाहीत. याबाबत राहुल द्रविड यांनी त्यांची भूमिका स्पष्ट केलेली नाही. पण आमची आशा आहे की त्यांनी फार घाई करू नये, असे संबंधित अधिकाऱ्याने सांगितले.

वाचा- T20 WC 2021 : फटाके तर फोडू शकला नाही, मग आता टी.व्ही फोडा; भारत-पाक हाय होल्टेज सामन्याआधी

जर दक्षिण आफ्रिकेच्या दौऱ्यापर्यंत नवा प्रशिक्षक मिळाला नाही तर आम्ही त्यांना या पदावर आणखी काही वेळ राहण्याची विनंती करू. न्यूझीलंड दौऱ्यात राष्ट्रीय क्रिकेट अकादमीमधील स्टाफ राहुल सोबत असेल, असे अधिकाऱ्याने सांगितले. टी-२० वर्ल्डकपनंतर शास्त्रींसोबत गोलंदाजीचे प्रशिक्षक भरत अरुण आणि फिल्डिंग प्रशिक्षक आर श्रीधर यांचा कार्यकाळ संपणार आहे. शास्त्री २०१७ पासून संघाचे कोच आहेत. २०१९ मध्ये त्यांना मुदत वाढ मिळाली होती.

वाचा-IPLच्या इतिहासातील सर्वात थरारक ४ षटके; पुण्याच्या क्रिकेटपटूने केली कमाल



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: