Mumbai Cruise Drug Case क्रूझ ड्रग्ज पार्टी: नवाब मलिक NCBबाबत आज करणार नवा गौप्यस्फोट!


हायलाइट्स:

  • एनसीबीची आणखी एक पोलखोल करणार राष्ट्रवादी.
  • मंत्री नवाब मलिक गुरुवारी घेणार पत्रकार परिषद.
  • क्रूझ पार्टीवरील कारवाई बोगस असल्याचा मलिकांचा दावा.

मुंबई: क्रूझवरील ड्रग्ज पार्टी प्रकरणी एनसीबीने केलेली संपूर्ण कारवाईच बोगस असल्याचा दावा करून खळबळ उडवून देणारे राष्ट्रवादी काँग्रेसचे मुख्य राष्ट्रीय प्रवक्ते आणि राज्याचे अल्पसंख्याक मंत्री नवाब मलिक आज पुन्हा एकदा पत्रकार परिषद घेऊन एनसीबीबाबत नवा गौप्यस्फोट करणार आहेत. ( Nawab Malik Vs Ncb Latest News )

वाचा: आर्यनला दिलासा नाही; जामीन अर्जावरील सुनावणी तहकूब

बेलार्ड इस्टेट येथील नवीन राष्ट्रवादी भवन येथे आज सकाळी ११ वाजता नवाब मलिक यांची पत्रकार परिषद होणार आहे. ‘एनसीबीची आणखी एक पोलखोल’ या विषयावर ही पत्रकार परिषद असेल असेल राष्ट्रवादीकडून सांगण्यात आले आहे. त्यामुळे नवाब मलिक हे नवा कोणता गोप्यस्फोट करतात, याकडे सर्वांचे लक्ष लागले आहे. याप्रकरणावरील मलिक यांची ही तिसरी पत्रकार परिषद आहे. एनसीबीने क्रूझवर टाकलेला छापा बोगस होता. क्रूझवरून कोणत्याही प्रकारे ड्रग्ज सापडलेले नाही. ड्रग्ज साठ्याचे फोटो एनसीबी कार्यालयातील आहेत. अभिनेता शाहरुख खान याचा मुलगा आर्यन खान याला पद्धतशीरपणे यात गोवण्यात आले आहे. शाहरुखला टार्गेट करायचे हे आधीच ठरले होते आणि त्यानुसार पुढे संपूर्ण कारवाई केली गेली, असे अनेक दावे नवाब मलिक यांनी याआधी केलेले आहेत. भाजप पदाधिकारी मनीष भानुशाली आणि फसवणुकीचे गुन्हे दाखल असलेला व स्वत:ला खासगी गुप्तहेर म्हणवणारा किरण गोसावी हे दोघे कारवाईत एनसीबी अधिकाऱ्यांसोबत कसे काय सहभागी झाले होते?, असा गंभीर सवालही मलिक यांनी विचारला होता.

वाचा: गडकरींची ‘ती’ सूचना ठाकरे सरकारने लगेच ऐकली; समितीही नेमली!

एनसीबीने क्रूझवरून एकूण ११ जणांना ताब्यात घेतले होते. त्यातील ३ जणांना नंतर सोडण्यात आले. त्यात भाजप युवा मोर्चाचे माजी अध्यक्ष मोहित कंबोज यांचा मेहुणा ऋषभ सचदेव याचा समावेश होता. भाजप नेत्यांचे फोन गेल्यानंतर त्याला सोडले गेले, असा आरोपही मलिक यांनी केला आहे. यावरून मलिक यांना कंबोज यांनी वकिलांकरवी नोटीसही धाडलेली आहे. दुसरीकडे दोनच दिवसांपूर्वी मलिक यांनी कंबोज आणि एनसीबीचे विभागीय संचालक समीर वानखेडे यांची भेट झाल्याचा दावा केला आहे. ७ ऑक्टोबर रोजी ही भेट झाली आणि त्याचे पुरावे मी देणार आहे, असे मलिक म्हणाले होते. त्याच पार्श्वभूमीवर मलिक यांची पत्रकार परिषद होत असल्याने मलिक याचा पुरावा म्हणून व्हिडिओ जारी करतील तसेच एनसीबीवर नव्याने आरोप करतील, असे बोलले जात आहे.

वाचा: राज्य महिला आयोगाच्या अध्यक्षपदी रुपाली चाकणकर?; लवकरच घोषणा



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: