करोना लसीकरण वेगात; पण अमेरिकेने घेतलाय ‘याचा’ धसका !


हायलाइट्स:

  • करोनावर नियंत्रण मिळवण्यासााठी अमेरिकेत वेगाने लसीकरण सुरू
  • करोना महासाथीचा आजार पुन्हा जोर पकडण्याची भीती
  • अमेरिकन तज्ज्ञांनी घेतला डेल्टा वेरिएंटचा धसका

लंडन/वॉशिंग्टन: भारतात पहिल्यांदा आढळलेल्या करोनाच्या डेल्टा वेरिएंटचा धसका अमेरिकेने घेतला आहे. ब्रिटनमध्ये डेल्टा वेरिएंट फैलावल्यानंतर अमेरिकेतही हा वेरिएंट फैलावण्याचा धोका असल्याचे तज्ज्ञांनी म्हटले आहे. अमेरिकन सरकारचे मु्ख्य वैद्यकीय सल्लागार आणि संसर्ग रोग तज्ज्ञ डॉ. अँथनी फाउची यांनी याबाबत इशारा दिला आहे. करोनावर नियंत्रण ठेवण्यासाठी अमेरिका करत असलेल्या प्रयत्नांना डेल्टा वेरिएंट मोठा धोका ठरू शकतो, असा इशारा डॉ. फाउची यांनी दिला.

करोनाचा डेल्टा वेरिएंट वेगाने फैलावल्यास या वर्षाच्या अखेरीस अमेरिकेत पुन्हा एकदा बाधितांची संख्या मोठ्या प्रमाणावर वाढू शकते, असेही तज्ज्ञांनी म्हटले आहे. अमेरिकेत दर पाच बाधितांपैकी एकजणाचा संबंध डेल्टा वेरिएंटशी आहे. डेल्टा वेरिएंटमुळे ब्रिटन अडचणीत आला आहे. अल्फा वेरिएंटनंतर अमेरिकेत डेल्टा वेरिएंटच्या बाधितांची संख्या मोठी आहे.

Coronavirus updates करोना डेल्टा वेरिएंट ६० टक्के अधिक संसर्गजन्य; लशीच्या प्रभावात होतेय घट!

लशीचा डेल्टा वेरिएंटवर किती परिणाम? WHO ने दिली महत्त्वाची माहिती
अमेरिकन तज्ज्ञ डॉ. पीटर होटेज यांनी सांगितले की, डेल्टा वेरिएंट हा सगळ्या वेरिएंटमधील सर्वाधिक संसर्गजन्य आहे. ब्रिटनमध्ये काय परिस्थिती आहे, याची सगळ्यांना कल्पना आहे. त्यामुळे अमेरिकेत काय होईल, याची चिंता सतावत असल्याचे त्यांनी म्हटले. काही महिन्यांआधीच डेल्टा वेरिएंटचे बाधित अधिक असू शकतील अशी शक्यता सीडीसीचे संचालक डॉ. रोचेल्ले वालेन्सकी यांनी म्हटले.

वाचा:करोनाच्या डेल्टासह इतर वेरिएंटवरही ‘ही’ लस प्रभावी!

डॉ. फाउची यांनी सांगितले की, हा स्ट्रेन अधिक संसर्गजन्य आहे. डेल्टा वेरिएंट हा जगातील प्रमुख वेरिएंट होत असल्याचा इशारा जागतिक आरोग्य संघटनेने दिला. डेल्टा वेरिएंटची लागण झालेले रुग्ण आधीच्या रुग्णांपेक्षा अधिक गंभीरपणे आजारी होत आहेत.

वाचा: भारत सरकार-फायजरची चर्चा अंतिम टप्प्यात; लशीची ‘इतकी’ असणार किंमत?

दरम्यान, मास्क वापराचे निर्बंध हटवणाऱ्या इस्रायलमध्ये बाधितांची संख्या वाढू लागली आहे. डेल्टा वेरिएंटचा संसर्ग फैलावत असल्याचे म्हटले जात आहे. त्यामुळे मास्क निर्बंध हटवण्याचा निर्णय घेणाऱ्या इस्रायलची चिंता वाढली आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: