सण-उत्सवांमध्ये वैयक्तिक कर्ज घेताय? मग या गोष्टी ठेवा लक्षात


हायलाइट्स:

  • तुम्ही तुमच्या दैनंदिन कामांमध्ये अडकता आणि कर्जाची परतफेड (रिपेमेंट ऑफ पर्सनल लोन) करणे विसरून जाता.
  • एकापाठोपाठ एक तुम्ही अधिक रिपेमेंट करण्याचे विसरू शकता.
  • काही गोष्टी समजून घेण्याअगोदरच तुम्हाला वैयक्तिक कर्ज थकबाकीदार (पर्सनल लोन डिफॉल्टर) म्हणून लेबल लावले जाते.

नवी दिल्ली : जेव्हा तुम्ही कोणाकडून वैयक्तिक कर्ज घेता, तेव्हा तुम्ही मान्य केल्याप्रमाणे कर्ज फेडण्यासाठी आपोआप कायदेशीर करार करता. लोक कर्ज फेडतात, पण कधीकधी असे होऊ शकते की, तुम्ही ते वेळेवर परत करू शकत नाही. तुम्ही तुमच्या दैनंदिन कामांमध्ये अडकता आणि कर्जाची परतफेड (रिपेमेंट ऑफ पर्सनल लोन) करणे विसरून जाता. एकापाठोपाठ एक तुम्ही अधिक रिपेमेंट करण्याचे विसरू शकता. काही गोष्टी समजून घेण्याअगोदरच तुम्हाला वैयक्तिक कर्ज थकबाकीदार (पर्सनल लोन डिफॉल्टर) म्हणून लेबल लावले जाते.

देशात कोळसा संकट; मुकेश अंबानींचा मोठा डाव,३ दिवसांत ४ विदेशी कंपन्यांवर मिळवला ताबा
तुम्ही कधी असा विचार केला आहे का की, जेव्हा तुम्ही तुमच्या कर्जाचा हप्ता एक किंवा दोनदा परत करू शकत नाही, तेव्हा काय होते? त्यासाठी पर्सनल लोन डिफॉल्टचा तुमच्यावर आणि तुमच्या क्रेडिट हिस्ट्रीवर कसा परिणाम होतो हे जाणून घेणे महत्त्वाचे आहे. स्मार्ट कॉईनचे सीईओ आणि सह-संस्थापक रोहित गर्ग यांनी याबाबत सविस्तर माहिती दिली आहे.

कर्ज थकबाकीदार कोणाला म्हणतात?
जर तुम्ही ठरलेल्या तारखेला हप्ता भरण्यास विसरलात, तर ते तुम्हाला डिफॉल्टर बनवणार नाही, पण जर तुम्ही एकापाठोपाठ एकापेक्षा जास्त ईएमआय भरले नाहीत, तर तुम्हाला कर्ज देणारी बँक तुम्हाला डिफॉल्टर म्हणून रिपोर्ट करू शकते. काही बँका किंवा एनबीएफसी (NBFC) तुम्हाला परतफेड करण्यासाठी थोडा वेळ देतात. पण तुमच्याकडून विलंब शुल्क म्हणून एक विशिष्ट रक्कम देखील घेतात. यामुळे तुम्हाला तुमची क्रेडिट स्थिती सुधारण्याची संधी मिळते.

टाटा मोटर्सचा शेअर सुस्साट! गाठला वर्षभराचा उच्चांक, हे आहे त्यामागचे खरे कारण
जर ईएमआय न भरता आल्यास काय होते?
जर तुम्ही तुमच्या ईएमआय (EMI) ची परतफेड केली नाही, तर तुमच्या क्रेडिट स्कोअरवर आधी परिणाम होईल. सर्व बँका आणि एनबीएफसी (NBFCs) सिबिल (CIBIL) आणि इक्विफॅक्स (Equifax) सारख्या क्रेडिट ब्युरोला नॉन-पेमेंटची तक्रार करतील. त्यानंतर तुमचा सिबिल स्कोअर कमी होईल आणि भविष्यात तुम्हाला कोणत्याही प्रकारचे क्रेडिट/कर्ज मिळवणे कठीण होईल. यामुळे तुमची आर्थिक चिंता वाढेल. कारण बँक लेट फी, दंड, कायदेशीर खर्च इत्यादी खर्च अनिश्चित कर्जाच्या शिल्लकमध्ये जोडते. त्यामुळे तुम्ही घेतलेल्या कर्जाच्या तुलनेत परतफेडीची रक्कम जास्त होते.

सोने महागले ; आज कमॉडिटी बाजारात झाली मोठी वाढ , चांदीपण वधारली
सह-स्वाक्षरीकर्त्यावरही परिणाम होईल का?
जर तुम्ही सह-स्वाक्षरीकर्ता किंवा वैयक्तिक कर्जाचे हमीदार असाल, तर वेळेवर न भरल्यास तुमच्या क्रेडिट स्कोअरवरही परिणाम होईल. याव्यतिरिक्त, कर्जाची रक्कम वसूल करण्यासाठी सावकार आणि वसुली एजंटकडून कॉल येत राहतील.

बँका किंवा NBFC कायदेशीर कारवाई करू शकतात का?
जर बँक किंवा एनबीएफसी तुमच्याकडून मिळणारी रक्कम वसूल करण्यात अपयशी ठरले, तर ते पैसे वसूल करण्यासाठी कायदेशीर मार्गाने पुढे जाण्याचा निर्णय घेऊ शकतात. यामुळे तुमच्या अडचणींमध्ये भर पडेल, कारण बँक गृहीत धरते की, त्यांचे काही कर्ज डिफॉल्ट होतील. त्यामुळे त्यांच्याकडे विधी विभाग तयार असतो. तर तुमच्याकडे अशी कोणतीही तयारी नसते.

तुमचे वैयक्तिक कर्ज डिफॉल्ट झाले तर तुमच्याकडे काय पर्याय आहेत?
जर तुम्ही वेळेवर पेमेंट करण्यास सक्षम नसाल, तर परिस्थितीला सामोरे जाण्यासाठी तुम्ही काही पावले उचलू शकता. सर्वप्रथम, तुम्हाला ज्यांनी कर्ज दिलं आहे, त्यांच्याशी बोला. तुमच्या कर्ज देणाऱ्या संस्थेशी संपर्क साधा आणि डिफॉल्टचे कारण स्पष्ट करा. ते तुमच्या दोघांच्या फायद्याचा एखादा पर्याय सांगू शकतात. तुम्ही परतफेड करण्यासाठी कर्जदाराला तुम्हाला अधिक वेळ देण्याची विनंती करू शकता. तरीही काही झालं नाही, तर तुम्ही बँकेकडून सेटलमेंटची विनंती करू शकता. तुम्ही तुमचे उत्पन्न वाढवण्याचे किंवा खर्च कमी करण्याचे मार्ग शोधा. अधिक पैसे कमवण्यासाठी काही अल्पकालीन नोकरी किंवा स्वतंत्र प्रकल्प एक्सप्लोर करा. जर हा पर्याय नसेल, तर नियोजन करा आणि तुमच्या मासिक खर्चात कपात करा.

डिफॉल्टर म्हणूनही ग्राहकांना काही अधिकार मिळतात का?
बँका आणि इतर वित्तीय संस्था भारतीय रिझर्व्ह बँक (RBI) द्वारे नियंत्रित केल्या जातात. त्यामुळे बँका त्यांच्या ग्राहकांच्या प्रतिबद्धतेच्या संहितेचा एक भाग म्हणून सर्वोत्तम पद्धतींना समर्पित असतात. या कायद्यानुसार, बँक किंवा बँकांनी निवडलेले वसुली एजंट तुम्हाला धमकावू शकत नाहीत किंवा तुम्हाला त्रास देऊ शकत नाहीत. जर तुम्हाला बँकेच्या वतीने कोणी धमकी दिली, तर तुम्ही त्याबद्दल तक्रार करू शकता. रिझर्व्ह बँक देखील अशा बँकांवर कारवाई करते.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: