चीनमधील वीज संकट वर्षभर राहणार?; कोळशाच्या किंमतींनी वाढवली चिंता


बीजिंग: कोळशाच्या तुटवड्यामुळे वीज संकटाला सामोरे जाणाऱ्या चीनच्या अडचणी कमी होण्याची चिन्हे नाहीत. कोळशाची विक्रमी खरेदी केल्यानंतरही चीनमधील ऊर्जा निर्मिती केंद्रांना पुरेसा कोळसा मिळत नसल्याचे समोर आले आहे. वीज संकटामुळे चीनच्या अर्थव्यवस्थेवर गंभीर परिणाम होणार असल्याचे म्हटले जात आहे. सप्टेंबर महिन्यात चीनच्या एकूण कोळशा आयातीत ७६ टक्क्यांची वाढ दिसून आली.

कोळशाची किंमत वाढल्यामुळे चीन सरकारच्या चिंतेत वाढ झाली आहे. चीनमध्ये सध्या एक टन कोळशाची किंमत १६४० युआन ( जवळपास १९,१७२ रुपये) इतकी झाली आहे. कोळशाची किंमत ठरवणाऱ्या झेंग्झौ थर्मल कोल फ्युचर्सने बुधवारी १६४० युआन हा आकडा गाठला. एका वृत्तानुसार, चिनी वीज कंपन्या कोळशाच्या किंमतीनुसार आणि वीज मागणीनुसार वीज दर ठरवणार आहेत. याता मोठा फटका सामान्य ग्राहकांना बसणार आहे.

चीनमध्ये भीषण वीज संकट; कारखाने मॉल्स बंद, वीज वापरावर निर्बंध

यामुळे कोळशाचे गणित बिघडले

रॉयटर्सच्या वृत्तानुसार, चीनमधील प्रमुख कोळसा उत्पादक प्रांत शांक्सीमध्ये आलेल्या पुराचा फटका कोळसा उत्पादनाला बसला आहे. त्यामुळे वीज निर्मिती केंद्रांना कोळशाचा तुटवडा जाणवू लागला आहे. कोळशाचा तुटवडा लक्षात घेता वर्षभर वीज संकट कायम राहण्याची शक्यता आहे.

चीन सरकारने कोळसा उत्पादन वाढवण्यासाठी आणि औद्योगिक केंद्रांमध्ये वीज पुरवठा सुरळीत ठेवण्याच्या दृष्टीने काही पावले उचलली आहेत. चीन सरकारने परदेशातूनही कोळसा आयात करण्यास सुरुवात केली आहे. औष्णिक वीज केंद्रांना कोळशाची किंमत आणि मागणीच्या आधारे वीज दर ठरवण्यास परवानगी देण्यात आली आहे.

चीनची भारताला धमकी; युद्ध झाल्यास पराभवाचे तोंड पाहावे लागेल!

कोळसा उत्पादन वाढवण्याचे आदेश

चीनने कोळसा उत्पादन क्षेत्र असलेल्या शांक्सी आणि इनर मंगोलियामधील स्थानिक सरकारांनी कोळसा उत्पादन वाढवण्याचे २०० खाणींना आदेश दिले आहेत. मात्र, सातत्याने होत असलेल्या पावसामुळे ६० खाणींमध्ये पाणी भरले आहे. शांक्सी येथील एका अधिकाऱ्याने मंगळवारी सांगितले की पुरामुळे दरवर्षी ४८ लाख टन कोळसा उत्पादन क्षमता असणारी चार खाणी बंद आहेत.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: