‘कुणी तुमच्या खिशात पुडी टाकून तुम्हाला अटक करेल’; पवारांचा एनसीबीवर हल्लाबोल


हायलाइट्स:

  • शरद पवार यांचा केंद्र सरकारवर हल्लाबोल.
  • तपास यंत्रणांचा वापर राजकीय दृष्टीने होत आहे- शरद पवार.
  • एनसीबीची विश्वासार्हता काय आहे हे लोकांकडून समजले- पवार.

मुंबई: केंद्र सरकारच्या कार्यपद्धतीवर हल्लाबोल करताना राष्ट्रवादी काँग्रेसचे अध्यक्ष शरद पवार (Sharad Pawar) यांनी केंद्रीय तपास यंत्रणांच्या (central investigation agencies) विश्वासार्हतेवर प्रश्नचिन्ह उपस्थित केले आहे. तपास यंत्रणांच्या कार्यपद्धतीवर बोलताना त्यांनी अमली पदार्थ विरोधी विभागावर (NCB एनसीबी) हल्लाबोल केला आहे. पहिल्यांदा माझ्या हे लक्षात आलं की, एनसीबीच्या अधिकाऱ्यांचं मीडिया नियोजन एवढं चांगलं आहे हे मला कधी माहीत नव्हतं. त्यांचं मीडिया नियोजन चांगलं आहे. सतत काही गोष्टी सोडायच्या, आपण मराठीमध्ये याला पुड्या सोडणे म्हणतो, तशा पुड्या सोडल्यासारखं राजकारण करायचं आणि एकतर कुणाला तरी बदनाम करण्याचा प्रयत्न करायचा. धाकदपशा करायला सांगायचं, अशा शब्दात पवार यांनी एनसीबी आणि भाजपवर निशाणा साधला आहे. (sharad pawar raised question on reliability of central investigation agencies like ncb ed it)

‘कुणी तुमच्या खिशात पुडी टाकेल आणि…’

मुंबईत आयोजित पत्रकार परिषदेत पवार बोलत होते. एनसीबीच्या कार्यपद्धतीवर बोलताना पवार पुढे म्हणाले की. आज या यंत्रणांच्या बाबतीत लोकांमधील चर्चा मी ऐकतो आहे. लोक म्हणतात की लांब राहा यांच्यापासून. एखादा माणूस तुमच्या खिशात पुडी तुमच्या खिशात टाकेल आणि तुम्हाला अटक करून टाकेल. आज ही स्थिती आहे आणि अशी विश्वासार्हतेबाबतची बाब एनसीबीबाबत लोकांमध्ये ऐकायला मिळते. केंद्र सरकारची यंत्रणा या थराला पोहोचली आहे आणि त्यांच्याबद्दलचं जनमानसातलं हे चित्र असेल तर त्यासंबंधीच्या फोरमवर बोलावं लागेल, इथं बोलणं बरोबर नाही, असं पवार म्हणाले.

क्लिक करा आणि वाचा- मावळ घटनेला भाजप जबाबदार, लोकांच्या हे लक्षातही आलं: पवार

दोन वर्षे सरकार अस्थिर केल्यानंतर यंत्रणाचा वापर

यावेळी पवार यांनी केंद्रीय तपास यंत्रणांच्या माध्यमातून भाजप सत्तेचा राजकीय दृष्टीने गैरवापर करत असल्याचा घणाघात केला. केंद्र सरकारने राज्यातील तीन पक्षांना लक्ष्य केल्याचे दिसत आहे. केंद्रातील भाजपने महाराष्ट्रातील सरकार दोन वर्षे अस्थिर करण्याचा प्रयत्न केला. सरकारला लक्ष्य करत असताना त्याचा जो मुख्य घटक आहे त्याला थेट लक्ष करण्यापेक्षा त्या घटकाच्या जवळच्या लोकांवर केंद्र सरकारने लक्ष केंद्रित केल्याचे धोरण त्यांनी आखलेले दिसत असल्याचे पवार म्हणाले. माझ्या असे वाचनात आले की, अशोक चव्हाण यांच्या सहकाऱ्यांवर हल्ला झाला होता, मात्र अशोक चव्हाण यांच्यावर हल्ला झालेला नव्हता. अजित पवार यांच्यावर आयकर विभागाने थेट न जाता त्यांच्या जवळच्या लोकांना लक्ष्य केले आहे. मंत्री सुभाष देसाई यांच्या चिरंजीवांच्या जवळच्या लोकांना लक्ष्य करण्याचा प्रयत्न झालेला दिसतो.

क्लिक करा आणि वाचा- ‘मोदींच्या बदनामीचा सुनियोजित कट रचला जातोय’; भाजपचा आघाडीवर आरोप

देशमुखांच्या घरी पाचवेळा छापा हा विक्रमच- पवारांचा टोला

ज्यांच्यावर आरोप झाले ते अनिल देशमुखांची चौकशी सुरू आहे. मात्र ज्यांनी आरोप केले ते परमबीर सिंह हे कुठे गायब झाले माहीत नाही, असा टोलाही पवार यांनी लगावला. अनिल देशमुख यांच्या घरी पाच वेळा छापा टाकण्यात आला असून हा विक्रमच असल्याचा टोला त्यांनी लगावला.

सरकार अस्थिर करण्याचे प्रयत्न दोन वर्षं केल्यानंतर त्याच्या जवळच्या लोकांना या पद्धतीने नाउमेद करावं, भिती दाखवावी, हल्ले करावेत अशा प्रकारचे धोरण स्वीकारलेले दिसत आहे. ही भावना आमच्या तिन्ही सहकारी पक्षांमध्ये आहे. अशा गोष्टींची चिंता आम्हाला नाही, असे पवार म्हणाले.

क्लिक करा आणि वाचा- पाक, यूपीतील हॅकर्सनी केला पोलिस अधिकाऱ्याचा ईमेल हॅक; सरकारी खात्यांमध्ये खळबळ



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: