शतकानंतर पुण्याच्या ऋतुराजने सर्वांचे मन जिंकले; म्हणाला, टीम आधी मग…


अबुधाबी: आयपीएलच्या १४व्या हंगामात शनिवारी झालेल्या दुसऱ्या लढतीत राजस्थान रॉयल्सने चेन्नई सुपर किंग्जवर सात विकेटनी धमाकेदार विजय साकारला. चेन्नईने प्रथम फलंदाजी करत विजयासाठी १९० धावांचे आव्हान दिले होते. राजस्थानने ते ३ विकेटच्या मोबदल्यात फक्त १७.३ षटकात पार केले. या सामन्यात चेन्नईचा पराभव झाला असला तरी सलामीवीर ऋतुराज गायकवाडने शतकी खेळी केली.

वाचा- IPL मधून या खेळाडूंना लागणार टी-२० वर्ल्डकपचा ‘जॅकपॉट’

राजस्थान रॉयल्सने टॉस जिंकून प्रथम गोलंदाजीचा निर्णय घेतला होता. चेन्नईचा सलामीवीर ऋतुराज गायकवाडने या सामन्यात आयपीएलमधील पहिले शतक अखेरच्या चेंडूवर षटकार मारून पूर्ण केले. त्याने ६० चेंडूत ५ षटकार आणि ९ चौकारांसह नाबाद १०१ धावा केल्या. अखेरच्या दोन षटकात ऋतुराजला फलंदाजीची संधी मिळाली नाही. रविंद्र जडेजा आक्रमक फलंदाजी करत होता. पण २०व्या षटकातील अखेरचे दोन चेंडू त्याला मिळाले. पाचव्या चेंडूवर त्याला धाव करता आली नाही. पण सहाव्या चेंडूवर ऋतुराजने अफलातून षटकार मारला आणि शतक पूर्ण केले.

वाचा- IPL Playoffs: जागा १ दावेदार ४; जाणून घ्या प्रत्येक संघाचे प्लेऑफचे गणित

या खेळीनंतर समालोचक हर्षा भोगले यांच्याशी बोलताना ऋतुराज म्हणाला, मी १३-१४ षटकापर्यंत मैदानावर थांबण्याचा विचार करत होतो. जेणेकरून धावसंख्या मोठी उभी करता येईल. आम्ही सुरुवातीला १६० धावांचे लक्ष्य ठेवले होते. त्यानंतर १७० आणि मग १८०चा विचार केला. प्रत्यक्षाच १९० पर्यंत आम्ही मजल मारली. अखेरच्या काही चेंडूत ९५ धावांवर असताना जडेजाने तुला स्ट्राईक द्यावा असे वाटले नाही का? या प्रश्नावर ऋतुराजने दिलेल्या उत्तराने सर्वांचे मन जिंकले. तो म्हणाला, अजीबात नाही. सर्वात शेवटी संघाचा स्कोअर महत्त्वाचा असतो. आम्ही १९० पर्यंत गेलो. मला वाटते की वैयक्तीक धावसंख्या महत्त्वाची नसते. तुम्ही संघासाठी किती योगदान देता हे अधिक महत्त्वाचे ठरते. संघाचा विजय हाच मोठा असतो.

वाचा- IPLच्या इतिहासातील सर्वात मोठा विक्रम धोक्यात; या खेळाडूकडे सुवर्ण संधी


चेन्नईकडून जडेजाने १५ चेंडूत नाबाद ३२ धाववा केल्या. या शिवाय फाफ ड्युप्लेसिसने २५ तर मोईन अलीने २१ धावांचे योगदान दिले. सुरेश रैनाला तिसऱ्या क्रमांकावर पाठवण्यात आले तरी तो धावा करण्यात अपयशी ठरला. रायडू देखील दोन धावांवर बाद झाला.

विजयासाठी १९० धावांचे मोठे लक्ष्य घेऊन मैदानात उतरलेल्या राजस्थानला लुईस आणि यशस्वी जयसवालने स्फोटक सुरूवात करुन दिली. या जोडीने ५.१ षटकात ७७ धावा केल्या आणि विजयाचा पाया रचला. लुईस १२ चेंडूत २७ धावा करून बाद झाला. तर यशस्वीने २१ चेंडूत ५० धावा केल्या. त्यानंतर कर्णधार संजू सॅमसन (२४ धावा), शिवम दुबे (४२ चेंडूत ६४ धावा) यांनी राजस्थानला १८व्या षटकात विजय मिळवून दिला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: