India China: चिनी सैनी उत्तराखंडात घुसले… पूल उद्ध्वस्त केला आणि निघून गेले!


हायलाइट्स:

  • पूर्व लडाखनंतर उत्तराखंडातही तणावाची परिस्थिती
  • भारत – चीनी सैन्याचा आमना-सामना टळला
  • आयटीबीपी आणि भारतीय सेनेची भागावर नजर

नवी दिल्ली : भारत आणि चीन दरम्यान पूर्व लडाख भागात तणाव सुरू असतानाच चीनच्या ‘पिपल्स लिबरेशन आर्मी‘च्या (PLA) जवानांनी उत्तराखंडातही भारतीय सैन्याला आव्हान देण्यारं कृत्य केल्याचं समोर येतंय. चिनी फौजेच्या १०० हून अधिक सैनिकांनी आंतरराष्ट्रीय सीमा ओलांडत भारतात घुसखोरी केली. भारताकडून उभारण्यात आलेला एक नवा पूल उद्ध्वस्त करून हे सैन्य पुन्हा आपल्या क्षेत्रात निघून गेल्याची माहिती ‘इकोनॉमिक टाईम्स’नं दिलीय.

बाराहोती‘ भागातील घटना

अधिकाऱ्यांनी दिलेल्या माहितीनुसार, चीनलगत उत्तराखंडातील ‘बाराहोती’ भागात जवळपास १०० सैनिक दिसून आले. भारताच्या हद्दीतून परतण्यापूर्वी चिनी सैनिकांनी एका पुलाचं नुकसान केलंय. सूत्रांच्या माहितीनुसार, ‘तून-जून ला’ ओलांडत ५५ घोडे आणि १०० हून अधिक चिनी सैनिकांनी भारतीय हद्दीत ५ किलोमीटरहून पुढे प्रवेश केला होता. या बातमीला सरकारी अधिकाऱ्यांनीही दुजोरा दिला आहे.

भारतीय – चिनी सैनिकांचा सामना टळला

ही घटना ३० ऑगस्ट रोजी घडली. परंतु, या घटनेदरम्यान भारत आणि चीनचे सैनिक आमने-सामने उभे ठाकण्याचा प्रसंग टळला. भारतीय सैनिक घटनास्थळावर दाखल होईपर्यंत चिनी सैनिक माघारी परतले होते.

या भागात भारतीय सैनिक नव्हते. जवळपास तीन तास या भागात पाहणी करून आणि पूलांची नासधूस करून चिनी सैनिक परतले. स्थानिकांकडून या घटनेसंबंधी माहिती मिळताच आयटीबीपी आणि भारतीय सेनेचे अधिकारी घटनास्थळावर दाखल झाले. परंतु, एव्हाना चिनी सैनिकांनी हा भाग रिकामा केला होता.

Shahid Amrish Tyagi: जन्मानंतर १६ वर्षांनी पहिल्यांदाच मुलीनं पाहिला शहीद पित्याचा मृतदेह
कारगिलमध्येही अत्याधुनिक क्रीडा प्रशिक्षण केंद्र, केंद्रीय मंत्र्यांची घोषणा
चीनकडून उत्तराखंडातही घुसखोरीचा प्रयत्न

बाराहोती भागात याअगोदरही अनेकदा चीनकडून घुसखोरी करण्याचा प्रयत्न उघड झाला होता. सप्टेंबर २०१८ मध्ये चिनी सैनिकांनी इथं तीन वेळा घुसखोरी केली होती. १९५४ मध्ये याच भागात चिनी सौनिकांनी पहिल्यांदा घुसखोरी करत इतर भागांवर ताबा मिळवण्याचा प्रयत्न सुरू केला होता. त्याचाच प्रत्यय १९६२ च्या भारत-चीन युद्धात दिसून आला.

गेल्या काही वर्षांपासून चीनची नजर पुन्हा एकदा या भागाकडे वळलीय. गेल्या जुलै महिन्यात पीएलएकडून करण्यात आलेल्या घुसखोरीच्या प्रयत्नामुळे चिंतेत वाढ झाली होती. पूर्व लडाख भागातही तणावाचं वातावरण कायम आहे.

‘आयटीबीपी’ची नजर

बाराहोती टेकडी नंदा देवी नॅशनल पार्कच्या उत्तरेत स्थित आहे. गाडीद्वारे पोहचू शकणाऱ्या भागात पोहचल्यानंतर सैनिकांना इथून पुढचा प्रवास पायीच करावा लागतो. हे टेकडी जोशीमठाशी जोडली गेलेली आहे. उत्तराखंडात आयटीबीपीकडून वास्तविक नियंत्रण रेषेचा भाग असलेल्या जवळपास ३५० किलोमीटर लांब सीमेवर नजर ठेवली जाते.

Murder Mystery: आंतरराष्ट्रीय बायकरचा मृत्यू : सामान्य मृत्यू नाही तर हत्या, तीन वर्षानंतर खुलासा
Pfizer: कोव्हिड-१९ विरोधी तोंडावाटे घेता येणाऱ्या औषधाची चाचणी सुरू



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: