Shahid Amrish Tyagi: जन्मानंतर १६ वर्षांनी पहिल्यांदाच मुलीनं पाहिला शहीद पित्याचा मृतदेह


हायलाइट्स:

  • २४ ऑक्टोबर २००५ हिमालयात बर्फाच्या वादळानंतर नायक अमरीश त्यागी बेपत्ता झाले होते
  • १६ वर्षांत मुलीनं पहिल्यांदा आणि शेवटचं पित्याला पाहिलं
  • शहिदाला अखेरचा निरोप

गाझियाबाद : तब्बल १६ वर्षानंतर एक मुलगी आपल्या शहीद पित्याचा मृतदेह पाहत असताना तिच्या मनात काय सुरू असेल? याचा इतर जण केवळ अंदाज बांधू शकतात. हा क्षण जगलेली शहीद अमरीश त्यागी यांची मुलगी आपल्या पित्याचा मृतदेह तब्बल १६ वर्षानंतर पाहताना केवळ स्तब्ध राहिली. पित्याच्या मृत्यू झाला तेव्हा ती आईच्या गर्भात होती. शहिदाची पत्नीही आपल्या हिमालयाच्या बर्फात बेपत्ता झालेल्या पतीचा चेहरा पाहण्याची आस लावून बसली होती. तब्बल १६ वर्षानंतर या पत्नीला आपल्या शहीद पतीचा मृतदेह पाहायला मिळाला.

पुतण्यानं दिला मुखाग्नी

बिहार रेजिमेंटचे काही जवान शहीद अमरीश त्यागी यांचा मृतदेह घेऊन उत्तर प्रदेशातील हिसाली गावात पोहचले. सैन्य सन्मानासोबत शासकीय इतमामात शहीद अमरीश त्यागी यांच्या मृतदेहावर अंत्यसंस्कार पार पडले. त्यागी यांच्या मृतदेहाला पुतण्यानं मुखाग्नी दिला. शहिदाला अखेरचा सन्मानजनक निरोप देण्यासाठी उपस्थित झालेल्या गर्दीमुळे मेरठ महामार्गावर तब्बल तीन तास वाहतूक ठप्प झाली होती.

२००५ सालापासून अमरीश त्यागी बेपत्ता

हिसाली गावातील अमरीश त्यागी सेनेत ऑर्डिनन्स कोअरमध्ये नायक पदावर तैनात होते. १६ वर्षांपूर्वी आग्र्याहून हिमालयाच्या संतोपत टेकडीवर तिरंगा फडकावण्याच्या मोहिमेत ते सहभागी झाले होते. २४ ऑक्टोबर २००५ रोजी टेकडीवर तिरंगा फडकावून खाली परतत असताना त्यांच्या टीमला अचानक बर्फाच्या वादळाला सामोरं जावं लागलं. या वादळात अमरीश त्यागी यांच्यासहीत आणखीन तीन जवान बेपत्ता झाले होते. या घटनेनंतर सुरक्षादलाला तीन मृतदेह हाती लागले होते. मात्र, यावेळी सेनेच्या अनेक प्रयत्नानंतरही त्यांना अमरीश यांचा मृतदेह आढळला नव्हता.

Kahnmigar Glacier: ‘लाहौल-स्पीती’नजिक खंमीगर ग्लेशिअरमध्ये १४ ट्रेकर्स अडकले; थंडीनं दोघांचा मृत्यू

Indian Army: ​उरीमध्ये पाकिस्तानी दहशतवादी जिवंत सुरक्षादलाच्या हाती, १९ वर्षीय बाबर पाकिस्तानी नागरिक
२०२१ साली सापडला मृतदेह

२०२१ साली २३ सप्टेंबर रोजी सैन्याचं एक पर्वतारोही दल याच मार्गानं जात असताना त्यांना एके ठिकाणी बर्फात सैन्याच्या वर्दीतील एक मृतदेह आढळला. पर्वतारोही दलानं हा मृतदेह खाली आणत गंगोत्री पोस्टवर सेनेच्या ताब्यात सोपवला. तपासणीत हा मृतदेह २००५ साली बेपत्ता झालेल्या त्यागी असल्याचं समोर आलं.

बिहार रेजिमेंटच्या जवानांनी कुटुंबाकडे सोपवला मृतदेह

भारतीय सैन्याकडून याची माहिती अमरीश त्यागी यांच्या कुटुंबाला दिली. बिहार रेजिमेंटचे जवान हा मृतदेह घेऊन मुरादाबादला दाखल झाले. अर्थातच, १६ वर्षांत त्यागी यांच्या कुटुंबातील परिस्थितीही बदललेली आहे. अमरीश यांची आई विद्या देवी यांचा २०१९ साली मृत्यू झाला आहे. अमरीश त्यागी यांच्या मृत्यूनंतर काही वर्षांनी त्यांच्या पत्नीनं दुसरा विवाह केला आहे. अमरीश यांच्या मृत्यूची बातमी मिळाली तेव्हा त्यांची पत्नी गर्भवती होती. गर्भात असतानाच मुलीचं पितृछत्र हरवलं होतं. गेल्या १६ वर्षांत पित्याचा मृतदेह पाहू शकू, अशी तिची आशाही धूसर झाली होती. परंतु, इतक्या वर्षांनी पित्याचा मृतदेह पाहून मुलीनं आपल्या अश्रुंना वाट मोकळी करून दिली.

पत्नीला आत्महत्येसाठी प्रवृत्त करणारे अप्राकृतिक संबंध क्रूर गुन्हा : सर्वोच्च न्यायालय
दिल्ली हिंसाचार : सीसीटीव्ही फोडणं हादेखील कटाचा भाग, हायकोर्टाची टिप्पणी



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: