KKR vs DC 41st Match IPL 2021: कोलकाताच्या दिल्लीवरील विजयाने मुंबई इंडियन्सवर प्रेशर वाढले, आता हे काम करावे लागेल


शारजाह: आयपीएलच्या १४व्या हंगामात कोलकाता नाईट रायडर्सने दिल्ली कॅपिटल्सला धक्का देत या सत्रातील तिसऱ्या विजयाची नोंद केली. दिल्लीने प्रथम फलंदाजी करत विजयासाठी १२८ धावांचे लक्ष्य कोलकाताने ७ विकेटच्या बदल्यात पार केले. या विजयामुळे कोलकाताने गुणतक्त्यात १० गुणांसह चौथे स्थान आणखी भक्कम केले आहे. दिल्ली १६ गुणांसह दुसऱ्या स्थानावर कायम आहे. कोलकाताच्या या विजयामुळे मुंबई इंडियन्सचे टेन्शन वाढले आहे. आता त्यांना पंजाबविरुद्धच्या सामन्यात चांगल्या रनरेटसह विजय मिळवावा लागले. तरच ते चौथ्या स्थानावर पोहोचतील नाही तर पाचव्या स्थानावर समाधान मानावे लागेल.

वाचा- सामना सुरू होण्याआधी मुंबई इंडियन्सला बसला आणखी एक धक्का; पाहा काय झाले

विजयासाठी १२८ धावांचे लक्ष्य घेऊन मैदानात उतरलेल्या केकेआरची सुरूवात फार चांगली झाली नाही. संघाच्या २८ धावसंख्येवर वेंकटेश अय्यर बाद झाला. त्याने १४ धावा केल्या. त्याच्या जागी आलेला राहुल त्रिपाठी ९ धावा करून माघारी परतला. २ बाद ४३ धावसंख्येवरून सलामीवीर शुभमन गिल आणि नितिश राणा यांनी धावांचा वेग कमी न होऊ देता संघाचे अर्धशतक पूर्ण करून दिले. पण रबाडाने गिलला ३० धावांवर बाद करत कोलकाताला तिसरा धक्का दिला. त्यानंतर कर्णधार इयान मॉर्गनला अश्विनने शून्यावर बाद करून केकेआरची अवस्था ४ बाद ६७ अशी केली.

वाचा- हिटमॅन रोहित टी-२० मधील मोठ्या विक्रमाची संधी; कोणत्याही भारतीयाला जमले नाही

मॉर्गनच्या जागी आलेल्या दिनेश कार्तिकने राणाला सुरेख साध दिली. या दोघांनी पाचव्या विकेटसाठी २९ धावांची भागिदारी केली. ही जोडी विजय मिळवून देईल असे वाटत असतानाच कार्तिक १२ धावांवर बाद झाला. त्याला आवेश खानने बाद केले.त्यानंतर सुनिल नारायण आणि राणा या जोडीने संघाला विजयच्या जवळ पोहोचवले. सुनिलने १० चेंडूत २ षटकार आणि १ चौकारासह २१ धावा केल्या. विजयासाठी दोन धावांची गरज असताना टीम साऊदी बाद झाला. १९व्या षटकाच्या दुसऱ्या चेंडूवर राणाने चौकार मारला आणि विजय साकारला. राणाने २७ चेंडूत २ षटकार आणि २ चौकारासह नाबाद ३६ धावा केल्या.

वाचा- IPLमुळे सलून मालक झाला कोट्यधीश, चेन्नई v कोलकाता सामन्यात पाहा काय केले

त्याआधी केकेआरचा कर्णधार इयान मॉर्गनने टॉस जिंकून प्रथम गोलंदाजी करण्याचा निर्णय घेतला. पृथ्वी शॉ दुखापतीमुळे या सामन्यात खेळू शकला नाही. त्याच्या जागी ऑस्ट्रेलियाचा स्टीव्ह स्मिथ सलामीला आला. पण दिल्लीला चांगली सुरुवात मिळाली नाही. चांगल्या फॉममध्ये असलेला शिखर धवन २४ धावांवर बाद झाला. त्याच्या जागी आलेला श्रेयस अय्यरला फक्त १ धाव करत आली. २ बाद ४० अशी धावसंख्या असताना कर्णधार पंतने स्मिथसोबत चांगली भागिदारी केली. पण कोलकाताच्या गोलंदाजांनी ही भागिदारी मोठी होऊ दिली नाही. स्मिथला लॉकी फग्यूसनने ३९ धावांवर बाद केले. त्यापाठोपाठ हेटमायर ४ धावांवर माघारी परतला. तर ललित यादव आणि त्या पाठोपाठ अक्षर पटेल हे दोघे शून्यावर बाद झाले. यामुळे दिल्लीची अवस्था ६ बाद ९२ अशी झाली.

वाचा- मोठा निर्णय; दिग्गज खेळाडूची IPL संघातून हकालपट्टी

फलंदाजीसाठी अश्विन मैदानात आला त्याने पंत सोबत २४ धावा जोडल्या आणि तो देखील माघारी परतला. पंतला ३९ धावांवर धावबाद करून कोलकाताने अखेरचा अडथळा दुरू केला. दिल्लीला २० षटकात ९ बाद १२७ धाव करता आल्या. कोलकाताकडून फग्युसन, सुनिल नारायण आणि वेंकटेश अय्यर यांनी प्रत्येकी दोन तर पदार्पण करणाऱ्या टीम साऊदीने एक विकेट घेतली.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: