मायक्रोसॉफ्ट, अॅपलमध्ये गुंतवणूक संधी; आयसीआयसीआय प्रु. नॅसडॅक १०० इंडेक्स फंड खुला


हायलाइट्स:

  • आयसीआयसीआय प्रुडेन्शियल एमएफने नॅसडॅक १०० इंडेक्स फंड सादर केला आहे.
  • हा एक ओपन एंडेड इंडेक्स फंड आहे.
  • हा फंड २७ सप्टेंबर रोजी खुला झाला असून ११ ऑक्टोबर रोजी बंद होईल.
  • यात किमान १००० रुपयांची गुंतवणूक करता येईल.

मुंबई : देशातील अग्रणी म्युच्युअल फंड कंपनी आयसीआयसीआय प्रुडेन्शियल म्युच्युअल फंडाने नॅसडॅक १०० इंडेक्स फंड सादर केला आहे. हा एक ओपन एंडेड इंडेक्स फंड आहे. हा फंड जागतिक स्तरावर १०० पेक्षा जास्त मोठ्या गैर-वित्तीय कंपन्यांमध्ये गुंतवणुकीची संधी प्रदान करेल. हा नॅस्डॅक १०० इंडेक्सच्या परताव्याचा मागोवा घेईल.ही नवीन फंड ऑफर (एनएफओ) २७ सप्टेंबर रोजी खुली झाली असून ११ ऑक्टोबर रोजी बंद होईल. यात किमान १००० रुपयांची गुंतवणूक करता येईल.

इंटरनेट बँंकिंग कोलमडली; आयसीआयसीआय बँंक आणि ‘एसबीआय’च्या ग्राहकांना फटका
या फंडाच्या माध्यमातून फेसबुक, अॅपल, मायक्रोसॉफ्ट, अॅडोबसारख्या जगातील शीर्ष कंपन्यांच्या शेअर्समध्ये गुंतवणूक करता येईल. नॅसडॅक अमेरिकी शेअर बाजाराचा निर्देशांक आहे. याचा अर्थ असा की जर तुम्ही या फंडात गुंतवणूक केली तर हा फंड तुमचे पैसे जगातील १०० मोठ्या कंपन्यांच्या शेअर्समध्ये गुंतवेल. म्हणजेच, तुम्ही भारतात बसून जगातील या मोठ्या कंपन्यांच्या शेअर्समध्ये गुंतवणूक करून त्यातून नफा कमवू शकता.

दोन लाख कोटींचा चुराडा ; चौफेर विक्रीने शेअर बाजारात मोठी पडझड
आयसीआयसीआय प्रुडेन्शियलचे उत्पादन प्रमुख चिंतन हरिया यांनी सांगितले की, या फंडाचा उद्देश नॅसडॅक १०० इंडेक्सचा मागोवा घेऊन त्याची कामगिरी दाखविण्याचा आहे. नॅसडॅक १०० इंडेक्समध्ये प्रामुख्याने नाविन्यपूर्ण तंत्रज्ञान आणि कम्युनिकेशन्स सेवा असलेल्या कंपन्यांचा समावेश आहे. यातील अनेक कंपन्या आपल्या दैनंदिन जीवनाशी संबंधित आहेत. यामध्ये अॅपल, मायक्रोसॉफ्ट, फेसबुक, अल्फाबेट, नेटफ्लिक्स, स्टारबक्स आदी कंपन्यांचा समावेश आहे.

सोने-चांदी गडगडले ; सहा महिन्यांतील सर्वात कमी दरात मिळतंय सोने, जाणून घ्या भाव
नॅसडॅक १०० इंडेक्सने गेल्या २० वर्षांत चार पट वाढ केली आहे. जगभरातील शेअर बाजार दरवर्षी वेगळ्या पद्धतीने कामगिरी करतात. आंतरराष्ट्रीय बाजारपेठेमधील गुंतवणुकीतील वैविध्य गुंतवणूकदारांना चांगला परतावा देऊ शकते. विशेषतः अमेरिकन बाजारात गुंतवणूक करण्याचे अनेक फायदे आहेत. यामध्ये केवळ विकसित देश आणि परिपक्व बाजाराचाच फायदा मिळत नाही तर हा गुंतवणूकदारांना थीममध्ये गुंतवणुकीची संधीदेखील प्रदान करतो. यात क्लाउड कॉम्प्युटिंग, ई-कॉमर्स, कृत्रिम बुद्धिमत्ता आदी थीमचा समावेश असतो.

पेट्रोल-डिझेलचा भडका ;पेट्रोलियम कंपन्यांच्या दरवाढीने देशभरात इंधन महागले
नॅसडॅक १०० इंडेक्स टॉप सेक्टरचा विचार केल्यास यात आयटीचा वाटा ४४% आहे. कम्युनिकेशन सर्व्हिसेसचा वाटा २९% तर कन्झ्युमर सेक्टरचा वाटा १५% आहे. आघाडीच्या कंपन्यांमध्ये अॅपलचे वजन ११.३५%, मायक्रोसॉफ्टचे १०.१५%, अमेझॉनचे ७.६६%, अल्फाबेटचे ४.१८% आणि फेसबुकचे ४.०५% आहे.

नॅसडॅक १०० इंडेक्सने दिला २९ टक्के परतावा
अशा स्वरूपाच्या थीम्स भारतात मोठ्या प्रमाणावर उपलब्ध नाहीत. गेल्या ३ वर्षांतील आकडेवारी पाहिल्यास नॅसडॅक १०० इंडेक्सने २९.१% परतावा दिला आहे, तर समान कालावधीत निफ्टी ५० टीआरआयने केवळ १५.२% तर एसअँडपी ५०० टीआरआयने १९% परतावा दिला आहे. ५ वर्षांत निफ्टीने १८.८% तर नॅसडॅक १०० इंडेक्सने ३४.६% परतावा दिला आहे. दहा वर्षांत नॅसडॅक १०० इंडेक्सने ३१.२%, निफ्टी ५० टीआरआयने १३.६% आणि एसअँडपी ५०० टीआरआयने २३.३% परतावा दिला आहे. नॅसडॅक १०० इंडेक्स मुख्यतः लार्ज कॅप ग्रोथ इंडेक्स असतो.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: