मोठा निर्णय; दिग्गज खेळाडूची IPL संघातून हकालपट्टी


नवी दिल्ली: आयपीएलच्या १४व्या हंगामातील प्ले ऑफच्या शर्यतीतून बाहेर पडलेल्या सनरायझर्स हैदराबादने काल सोमवारी झालेल्या साखळी फेरीतील सामन्यात राजस्थान रॉयल्सचा सात विकेटनी पराभव केला. या हंगामातील त्याचा १० सामन्यातील हा दुसरा विजय ठरला आहे. चार गुणांसह ते गुणतक्त्यात अखेरच्या क्रमांकावर आहेत.

वाचा- सामना सुरू होण्याआधी मुंबई इंडियन्सला बसला आणखी एक धक्का; पाहा काय झाले

राजस्थान विरुद्धच्या सामन्यात हैदराबादने ऑस्ट्रेलियाचा स्फोटक सलामीवीर आणि संघाचा माजी कर्णधार डेव्हिड वॉर्नरला अंतिम ११ मध्ये स्थान दिले नाही. वॉर्नरच्या जागी इंग्लंडचा सलामीवीर जेसन रॉयला संधी दिली आणि त्याने ४२ चेंडूत ६० धावा केल्या. त्याने वृद्धिमान साहासह पहिल्या विकेटसाठी ५७ धावा केल्या. त्यानंतर १८.३ षटकात ३ विकेटच्या बदल्यात १६७ धावा करत विजय मिळवला. वॉर्नरला संघाबाहेर ठेवल्याने त्याचे चाहते नाराज झाले.

वाचा- मुंबई इंडियन्ससाठी आव्हान टीकवण्याची लढाई; आजपासून रोहितसाठी…

वॉर्नर संघात नाही पण तो मैदानात देखील दिसला नाही त्यावरून सोशल मीडियावर अनेकांनी प्रश्न विचारले. यावर वॉर्नरने सांगितले की, यापुढे आयपीएलमधील पुढील एकाही सामन्यात तो खेळताना दिसणार नाही. त्याने चाहत्यांना पाठिंबा असाच देण्यास सांगितले.

वाचा- इंझमाम उल हकला हृदय विकाराचा झटका; रुग्णालयात दाखल

वाचा- भारत टी-२० वर्ल्डकप संघात बदल करणार का? या खेळाडूंमुळे टेन्शन वाढले

लिलावात उतरणार

पुढील वर्षी आयपीएलसाठी मेगा ऑक्शन होणार आहे. अशाच अंदाज लावला जात आहे की तो ऑक्शनमध्ये उतरू शकतो. या हंगामातील पहिल्या सत्रात खराब कामगिरीमुळे हैदराबादने त्याला कर्णधारपदावरून दूर केले होते. अशात २०२२ मध्ये तो नव्या संघाकडून खेळताना दिसू शकतो. वॉर्नरने या हंगामातील ८ सामन्यात १९५ धावा केल्या आहेत. यात दोन अर्धशतक देखील आहेत. वॉर्नरच्या जागी हैदराबादचा संघ नव्या खेळाडूचा शोध घेत असल्याची चर्चा आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: