इंझमाम उल हकला हृदय विकाराचा झटका; रुग्णालयात दाखल


लाहोर: पाकिस्तान क्रिकेट संघाचा माजी कर्णधार इंझमाम उल हक याला हदय विकाराचा झटका बसला आहे. इंझमामला लाहोर येथील रुग्णालयात दखल करण्यात आले असून सोमवारी संध्याकाळी त्याच्यावर एजिोप्लास्टी करण्यात आली. गेल्या ३ दिवसांपासून इंझमामला बर वाटत नव्हते. त्याला छातीत दुखत होते.

क्रिकेट पाकिस्तानने दिलेल्या माहितीनुसार सोमवारी इंझमामला मायनल हार्ट अटॅक आला. त्यानंतर त्याच्यावर शस्त्रक्रिया करण्यात आली. सध्या त्याची प्रकृती स्थिर आहे.

वाचा-गुणवत्तेची कमी नाही, पण डोक वापरत नाही; सेहवागचा या खेळाडूला टोला

इंझमामचा समावेश पाकिस्तानच्या सर्वात यशस्वी कर्णधारांमध्ये होते. तो उत्तम फलंदाज होता. पाकिस्ताकडून त्याने ११९ कोसटीत ८ हजार ८२९ धावा केल्या. पाकिस्तानकडून कसोटी सर्वाधिक धावा करणाऱ्या फलंदाजांच्या यादीत तो तिसऱ्या स्थानावर आहे. त्याने २००७ साली आंतरराष्ट्रीय क्रिकेटमधून निवृत्ती घेतली. निवृत्तीनंतर तो प्रशिक्षक ते अन्य पदावर कार्यरत होता. २०१६ ते २०१९ या काळात तो पाकिस्तान संघाचा मुख्य निवड समिती प्रमुख होता. पाकिस्तानकडून ३७५ वनडेत इंझमामने ११ हजार ७०१ धावा केल्या आहेत. त्याने अफगाणिस्तानचे मुख्य प्रशिक्षक म्हणून देखील काम केले आहे.

इंझमामची प्रकृती बिघडल्यानंतर पाकिस्तानमधील अनेक क्रिकेट चाहत्यांनी सोशल मीडियावरून त्याच्या उत्तम आरोग्यासाठी शुभेच्य़ा दिल्या आहेत.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: