RR v SRH : संजू सॅमसनची वादळी फलंदाजी, राजस्थानचे हैदराबादपुढे मोठे आव्हान


आबुधाबी : राजस्थान रॉयल्सचा कर्णधार संजू सॅमसन आज भन्नाट फटकेबाजी करत असल्याचे पाहायला मिळाले. संजूच्या धडाकेबाज फलंदाजीच्या जोरावर राजस्थानला हैदराबादपुढे १६५ धावांचे आव्हान ठेवता आले. संजूने यावेळी ५७ चेंडूंत सात चौकार आणि तीन षटकारांच्या जोरावर ८२ धावांची वादळी खेळी साकारली.

राजस्थानच्या संघाने नाणेफेक जिंकत प्रथम फलंदाजी करण्याचा निर्णय घेतला आणि कर्णधार संजू सॅमसनने तो योग्य असल्याचे दाखवून दिले. पण राजस्थानची सुरुवात यावेळी चांगली झाली नाही. राजस्थानला दुसऱ्याच षटकात इव्हिन लुईच्या रुपात पहिला धक्का, बसला, लुईसला यावेळी सहा धावा करता आल्या. लुईल बाद झाल्यावर संजू मैदानात आला आणि त्याने सर्व चित्रच बदलून दिले. संजूने यावेळी सुरुवातीला यशस्वी जैस्वालबरोबर जोरदार फटकेबाजी केली. या दोघांनी दुसऱ्या विकेटसाठी ५६ धावांची भागीदारी रचली. यावेळी यशस्वी ३६ धावांवर आऊट झाला आणि ही जोडी फुटली. यशस्वी जबाद झाल्यावर संजू आणखीनच आक्रमक झाल्याचे पाहायला मिळाले. संजूने यावेळी हैदराबादच्या गोलंदाजांचा चांगलाच समाचार घेतला आणि आपले अर्धशतकही पूर्ण केले.

राजस्थानला यावेळी लायम लिव्हिंगस्टोनकडून फार मोठ्या अपेक्षा होत्या खऱ्या, पण तो चारच धावांवर बाद झाल्याचे पाहायला मिळाले. एकाबाजूने विकेट्स पडत असल्या तरी संजू डगमगला नाही. संजूने हैदराबादच्या गोलंदाजीवर आपला प्रहार सुरुच ठेवला होता. संजूने यावेळी अर्धशतकाबरोबरच आयपीएलमधील आपले ३ हजार धावाही पूर्ण केल्याचे पाहायला मिळाले. अखेरच्या षटकांमध्ये संजू अधिक आक्रमकपणे फलंदाजी करत असल्याचे पाहायला मिळाले. संजूच्या या फटकेबाजीच्या जोरावरच राजस्थानला हैदराबादपुढे मोठे आव्हान ठेवता आले.

राजस्थानसाठी हा सामना सर्वात महत्वाचा असेल. कारण राजस्थानला यावेळी प्ले-ऑफमध्ये पोहोचण्याची चांगली संधी आहे. त्यामुळे आजचा सामना जिंकल्यावर राजस्थानला दोन गुणांची कमाई करता येऊ शकते आणि गुणतालिकेत वरचे स्थान पटकावता येऊ शकते. दुसरीकडे सनरायझर्स हैदराबादच्या संघाचे आव्हान आता संपुष्टात आले आहे. त्यामुळे हैदराबादने हा सामना जिंकला तरी त्यांना कोणताच फरक पडणार नाही, कारण या स्पर्धेच्या प्ले-ऑफमध्ये ते पोहोचू शकणार नाही, हे आता स्पष्ट झाले आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: