वडील बाद झाल्यावर मुलाला राग अनावर झाला; पाहा काय केले


नवी दिल्ली: आयपीएलच्या १४व्या हंगामाचा दुसरा टप्पा युएईमध्ये सुरू आहे. प्ले ऑफमध्ये स्थान मिळवण्यासाठी प्रत्येक संघ विजय मिळवण्याचा प्रयत्न करत आहे. काल झालेल्या दुसऱ्या लढतीत विराट कोहलीच्या रॉयल चॅलेंजर्स बेंगळुरूने रोहित शर्माच्या मुंबई इंडियन्सचा पराभव केला.

वाचा- Video: खराब फॉर्ममुळे निराश झालेल्या मुंबई इंडियन्सच्या फलंदाजाच्या मदतीला आला विराट

मुंबई इंडियन्स आणि रॉयल चॅलेंजर्स या दोन्ही संघात स्टार खेळाडूंचा भरना आहे. एकापेक्षा एक अशा खेळाडूंचा समावेश असल्याने लढत देखील हायव्होल्टेज असते. दुबई आंतरराष्ट्रीय स्टेडिवर झालेला सामना पाहण्यासाठी खेळाडूंचे कुटुंबीय देखील उपस्थित होते.

आरसीबीकडून खेळणारा दक्षिण आफ्रिकेचा एबी डिव्हिलियर्सची पत्नी डेनियल आणि त्याची मुले देखील हा सामना पाहण्यासाठी आले होते. एबी जेव्हा फलंदाजीला आला तेव्हा पत्नी आणि मुलांनी त्याचे स्वागत केले.

वाचा- Explainer : मुंबई इंडियन्सला झालय तरी काय? यांच्यामुळे होतोय पराभव

मिस्टर ३६० डिग्री अशी ओळख असलेल्या एबीने १७व्या षटकात जसप्रीत बुमराहला एक षटकार आणि चौकार मारला. पण त्यानंतर बुमराहने त्याला बाद केले. एबीने ६ चेंडूत ११ धावा केल्या. एबी बाद झाल्याने त्याच्या मुलाला लाग आला आणि त्याने समोर असलेल्या खुर्चीवर हात जोराने आपटला. हे करताना त्याच्या हाताला दुखापत देखील झाली आणि तो रडू लागला. यावर आई डेनियलने त्याला जवळ घेतले. या घटनेचा व्हिडिओ सोशल मीडियावर व्हायरल होत आहे.

वाचा- CSKकडून खेळणाऱ्या क्रिकेटपटूची तडकाफडकी कसोटीतून निवृत्ती

वाचा – मुंबई इंडियन्सला अजूनही प्ले ऑफ गाठण्याची संधी आहे का? जाणून

आयपीएलच्या दुसऱ्या सत्रात एबीला आतापर्यंत मोठी धावसंख्या करता आलेली नाही. त्याने शून्य, १२, ११ अशा धावा केल्या आहेत. विराट त्याला खालच्या क्रमांकावर फलंदाजीला पाठवत असल्यावरून खुप चर्चा होत आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: