WTC FINAL : चौथ्या दिवशी सामना कधी सुरु होऊ शकतो, जाणून घ्या अपडेट…


साऊदम्पटन : फायनलच्या चौथ्या दिवसाच्या सुरुवातीलाच पावसाचे आगमन झाले आहे. त्यामुळे आता सामना कधी सुरु होणार, याची उत्सुकता आता चाहत्यांना असेल. चौथ्या दिवशी सामना कधी सुरु होऊ शकतो, याबाबती अपडेट आता आली आहे.

काय आहे अपडेट, जाणून घ्या….
फायनल सुरु होण्यापूर्वीच हवामान खात्याने या सामन्यातील सहा दिवसांमध्ये काय होणार, याबाबतचे आपले मत व्यक्त केले होते. हवामान खात्याने सांगितल्याप्रमाणे पहिल्या दिवशी खेळ होऊ शकला नाही. पण सामन्याच्या दुसऱ्या आणि तिसऱ्या दिवशी चांगला खेळ झाला. आता सामन्याच्या चौथ्या दिवसाबाबत हवामान खात्याने काय सांगितले आहे, ते पाहुया. हवामान खात्याने चौथ्या दिवसाबाबत सांगितले होते की, ” सामन्याच्या चौथ्या दिवसाच्या सुरुवातीला पाऊस पडेल. त्यामुळे कदाचित या दिवसाचे पहिले सत्र होऊ शकणार नाही. पण पहिल्या सत्राच्या अखेरीस पाऊ थांबेल. त्यामुळे चौथ्या दिवशी दुसऱ्या सत्राचा खेळ होऊ शकतो.” त्यामुळे आज चौथ्या दिवशी चाहत्यांना क्रिकेटचा सामना दुसऱ्या सत्रात पाहायला मिळू शकतो. त्यामुळे दुसऱ्या सत्रात भारतीय संघ नेमका कशी गोलंदाजी करतो आणि न्यूझीलंडला किती धावांमध्ये सर्वबाद करतो, याकडे सर्वांचे लक्ष लागलेले असेल.

चौथ्या दिवशी पहिल्या आणि तिसऱ्या सत्राचा खेळ खराब होऊ शकतो. तर दुसऱ्या सत्रात देखील ढगाळ हवामान असेल. सामना सुरू होण्याआधी सकाळी पाऊस पडण्याची शक्यता आहे. सोमवारी सकाळी ६० टक्के पावसाची शक्यता आहे. स्थानिक वेळेनुसार सकाळी १० ते १२ या काळात पाऊस, त्यानंतर दुपारी एक ते तीन ढगाळ वातावरण आणि चार ते सहा यावेळेत पुन्हा पावसाची शक्यता आहे. त्यामुळे आता दुसऱ्या सत्राच्या खेळात भारतीय गोलंदाज कशी कामगिरी करतात, यावर सामन्याचे भवितव्य अवलंबून असेल. कारण पाऊस पडल्यावर वेगवान गोलंदजांना चांगली मदत मिळू शकते. त्यामुळे आता भारताच्या वेगवान गोलंदाजांवर संघाचे भवितव्य अवलंबून असेल. त्यामुळे मोहम्मद शमी, इशांत शर्मा आणि जसप्रीत बुमरा कशी कामगिरी करतात, याकडे सर्वांचे लक्ष असेल.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: