देशांत महामार्गांच्या निर्माणाचा धडाका, कुठे वनांची कत्तल तर कुठे टोलच्या दरांत वाढ


हायलाइट्स:

  • राष्ट्रीय महामार्गासाठी ५००० हून अधिक झाडांची कत्तल होणार?
  • यूपीतील यमुना एक्सप्रेस-वेच्या टोलमध्ये वाढ
  • रस्ते उभारणीसाठी नागरिक मोठी किंमत मोजणार?

नवी दिल्ली :नितीन गडकरी यांनी केंद्रीय रस्ते वाहतूक मंत्रीपदाचा पदभार महामार्ग निर्माणाचा धडाकाच सुरू केलाय. देशात अनेक महामार्गांचं काम मोठ्या जोषात सुरू आहे. परंतु, नवीन महामार्ग उभारणीची किंमत नागरिकांना वेगवेगळ्या पद्धतीनं चुकवावी लागणार का? असा प्रश्न उपस्थित होतोय. एकीकडे, दिल्ली – सहारनपूर महामार्गासाठी तब्बल ५००० हून अधिक झाडांची कत्तल होण्याची शक्यता निर्माण झालीय तर दुसरीकडे उत्तर प्रदेशातील ‘यमुना एक्सप्रेस वे प्राधिकरणा’कडून टोलची किंमत वाढवण्यात येत असल्याची घोषणा करण्यात आलीय.

दिल्लीनजिक ५००० झाडांची कत्तल?

पूर्व आणि उत्तर दिल्लीमध्ये सहा पदरी राष्ट्रीय महामार्ग निर्माणासाठी १४ हेक्टर परिसरात फैलावलेल्या पाच हजारहून अधिक झाडांची कत्तल होण्याची शक्यता आहे. राष्ट्रीय महामार्गाच्या निर्माणासाठी तब्बल ५१०४ झाडं कापून दुसऱ्या ठिकाणी वृक्षारोपन करण्याचा प्रस्ताव मांडण्यात आलाय.

अधिकाऱ्यांनी दिलेल्या माहितीनुसार, भारतीय राष्ट्रीय महामार्ग प्राधिकरणानं (NHAI) सहा पदरी दिल्ली – सहारनपूर महामार्गासाठी १४.७५ किलोमीटर परिसरातील झाडं कापण्यासाठी दिल्ली वन विभागाकडून परवानगी मागितली आहे.

राष्ट्रीय महामार्ग १४८ डीएनडी महाराणी बागपासून जेतपूर – जोड रस्त्यापर्यंत सहा पदरी महामार्गाच्या निर्माणासाठी ०.३५ हेक्टर वनजमिनीची परवानगी केंद्रीय प्राधिकरणानं मागितली आहे.

वन विभागाच्या एका अधिकाऱ्यांनी दिलेल्या माहितीनुसार, अक्षरधाम राष्ट्रीय महामार्ग – ९ जंक्शन आणि दिल्ली उत्तर प्रदेश सीमेवर स्थित या भागात तब्बल ५१०४ झाडं कापली जाऊ शकतात. निर्माण कार्यात निंब, पिंपळ, तुती यांसहीत १९१ झाडांना स्थानांतरीत करण्याचाही प्रस्ताव आहे.

Nitin Gadkari: मुंबई ते दिल्ली महामार्ग : सरकारला १२००० कोटींचं वार्षिक उत्पन्न
Nitin Gadkari: ‘यूट्यूब’ व्हिडिओद्वारे महिन्याला लाखोंची कमाई, नितीन गडकरींचा खुलासा

वन विभागाकडून देण्यात आलेल्या माहितीनुसार, या झाडांमध्ये अशोक, पिंपळ, निलगिरी, कडुनिंब अशा अनेक औषधी वनस्पतींचाही समावेश आहे. काही महिन्यांपूर्वी करण्यात आलेल्या निरीक्षणात वापरकर्त्या एजन्सीनं मोजणीदरम्यान काही झाडांची गणती टाळली होती. आता मोजणीत या झाडांचा पुन्हा एकदा विचार करण्यास सांगण्यात आलंय. वन अधिकाऱ्यांच्या म्हणण्यानुसार, राष्ट्रीय महामार्ग प्राधिकरणाकडून प्रतिपूरक वनरोपणासाठी अद्याप जमीन उपलब्ध करून देण्यात आलेली नाही.

भारतमाला परियोजनेच्या पहिल्या टप्प्याचा एक भाग असलेल्या संबंधीत सहा पदरी महामार्गासाठी तब्बल १५०० कोटी रुपयांचा खर्च अपेक्षित आहे. हा देशातील दुसऱ्या क्रमांकाचा सर्वात मोठा महामार्ग ठरू शकतो. याद्वारे ५० हजार किलोमीटटर महामार्ग तयार करण्यात येणार आहे.

Nitin Gadkari: ‘मुख्यमंत्री’ पदावरून केंद्रीय मंत्री नितीन गडकरींचा आपल्या पक्षाला टोला
वाहनांमध्ये भारतीय वाद्यांचे हॉर्नप्रकरणी नितीन गडकरींना नोटीस
यमुना एक्सप्रेसवेच्या टोलच्या किंमतीत वाढ

उत्तर प्रदेशातील यमुना एक्सप्रेस-वे प्राधिकरणाकडून टोलच्या किंमतीत वाढ करण्यात येत असल्याची घोषणा केलीय. बस, ट्रक, एलसीव्ही आणि एमएव्ही, एससीएम अशा व्यावसायिक वाहनांना आता या मार्गावरून प्रवास करण्यासाठी अधिक किंमत मोजावी लागणार आहे. १६५ किलोमीटर लांब यमुना एक्सप्रेस-वेवर जेवर, मथुरा आणि आग्रा असे तीन टोल प्लाझा लागतात. या टोल प्लाझावरून प्रवास करण्यासाठी व्यावसायिक वाहनांना १५ रुपये अधिक मोजावे लागतील. शनिवारी रात्रीपासून ही वाढ लागू करण्यात आलीय.

Cyclone Gulab: ‘गुलाब’ चक्रीवादळात आंध्राचे काही मच्छिमार बेपत्ता, शोध सुरू
PM मोदींची धडक पाहणी! नव्या संसद भवनच्या बांधकामाच्या ठिकाणी पोहोचले



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: