chennai super kings win: चेन्नई सुपर किंग्जचा थरारक विजय, प्ले ऑफमध्ये दिमाखदार प्रवेश


अबुधाबी: ऋतुराज गायकवाड आणि फाफ डुप्लेसिस यांनी रचलेल्या पायाचा कळस रविंद्र जडेजाने चढवत चेन्नई सुपर किंग्जला शानदार विजय मिळून दिला. आयपीएलच्या १४व्या हंगामात रविवारी झालेल्या सामन्यात चेन्नईने कोलकाता नाईट रायडर्सचा ३ विकेटनी पराभव केला. या विजयासह चेन्नईने प्ले ऑफमधील स्थान निश्चित केले. त्याच बरोबर गुणतक्त्यात पुन्हा एकदा अव्वल स्थान मिळवले. चेन्नईचे १० सामन्यातील ८ विजयसह १६ गुण झाले आहेत.



वाचा- Video : झुलन गोस्वामीने रचला इतिहास; असा पराक्रम करणारी ती जगातील पहिली गोलंदाज

विजयासाठी १७२ धावांचे लक्ष्य घेऊन मैदानात उतरलेल्या चेन्नईला सलामीवीर ऋतुराज गायकवाड आणि फाफ डुप्लेसिस यांनी शानदार सुरूवात करून दिली. या दोघांनी कोलकाताच्या गोलंदाजांचा चांगला समाचार घेतला. फिरकीपटू वरुण चक्रवर्ती असो की जलद गोलंदाज ऋतुराजने सर्व गोलंदाजांविरुद्ध धावा केल्या. ही जोडी शतकी भागिदारी करेल असे वाटत असताना आंद्रे रसेलने ऋतुराजला ४० धावांवर बाद केले. त्याने २८ चेंडूत २ चौकार आणि ३ षटकारांसह ४० धावा केल्या. त्यानंतर आलेल्या मोईन अलीने फाफसह धावांची गती कमी होऊ दिली नाही. या दोघांनी संघाचे शतक पूर्ण करून दिले.

वाचा- अखेरच्या चेंडूवर पराभव; चॅम्पियन कर्णधाराचा संघ प्लेऑफ शर्यतीतून बाहेर

१२व्या षटकात प्रसिद्ध कृष्णाने फाफला ४३ धावांवर बाद केले. फाफच्या जागी आलेला अंबाती रायडू १० धावांवर बाद झाला. १७व्या षटकात मोठा शॉट खेळण्याच्या प्रयत्नात मोईन अली बाद झाला. त्याने २८ चेंडूत ३२ धावा केल्या. तर १८व्या षटकात रैना धावबाद झाला. तेव्हा चेन्नईला विजयासाठी १७ चेंडूत ३० धावांची गरज होती आणि मैदानात कर्णधार धोनीसह रविंद्र जडेजा मैदानात होते. वरुणने धोनीला बोल्ड केले.

वाचा- ‘माझी बायको मला CSKची जर्सी घालू देत नाही’; RCBच्या फॅनची तक्रार

अखेरच्या १२ चेंडूत चेन्नईला २६ धावांची गरज होती. मैदानात जडेजा आणि सॅम करन होते. प्रसिद्ध कृष्णाच्या १९व्या षटकात एकापाठोपाठ एक असे दोन षटकार आणि दोन चौकार मारून पारडे चेन्नईच्या बाजूला झुकवले. १९व्या षटकात २२ धावा वसूल केल्या. अखेरच्या षटकात चेन्नईला विजयासाठी ४ धावांची गरज होती. पहिल्याच चेंडूवर सॅम करन बाद झाला. त्याच्या जागी आलेल्या शार्दूलला दुसऱ्या चेंडूत धाव घेता आली नाही. तिसऱ्या चेंडूवर त्याने ३ धावा घेतली. चौथा चेंडूवर जडेजाला धाव घेता आली नाही. तर पाचव्या चेंडूवर तो बाद झाला. त्यामुळे विजयासाठी १ चेंडूत १ धावांची असे समीकरण झाले. सुनिल नारायणच्या अखेरच्या चेंडूवर दीपक चहरने एक धाव घेतली आणि विजयावर शिक्कामोर्तब केले. जडेजाने फक्त ८ चेंडूत २२ धावा केल्या.

वाचा- पराभवाची हॅट्रिक रोखण्यासाठी रोहित शर्मा घेणार मोठा निर्णय

त्याआधी नाणेफेक जिंकून फलंदाजीचा निर्णय घेतलेल्या केकेआरची सुरुवात खराब झाली. पहिल्या षटकात सलामीवीर शुभमन गिल ९ धावांवर धावबाद झाला. वेंकटेश अय्यर आणि त्याच्या एक चोरटी धाव घेण्यात गैरसमज झाला आणि अंबाती रायडूने अप्रतिम थ्रो करत गिलची विकेट घेतली. त्यानंतर सहाव्या षटकात शार्दूल ठाकूरने अय्यर बाद करून केकेआरला दुसरा धक्का दिला.

वाचा-Video: संघाबाहेर असलेल्या खेळाडूने घेतला सनसनाटी कॅच; होत आहे कौतुक

अय्यरच्या जागी आलेला कर्णधार इयान मॉर्गन आणि राहुल त्रिपाठी मोठी धावसंख्या उभारतील असे वाटत असताना जोश हेजलवुडच्या गोलंदाजीवर फाफने सीमा रेषेवर मॉर्गनचा अफलातून कॅच घेतला. मॉर्गन फक्त ९ धावा करू शकला. त्यानंतर १३व्या षटकात रविंद्र जडेजाने चांगली फलंदाजी करणाऱ्या राहुल त्रिपाठीची बोल्ड घेतली. राहुलने ३३ चेंडूत ४५ धावा केल्या. केकेआरची अवस्था ४ बाद ८९ अशी असताना मैदानात नितिश राणा आणि आंद्रे रसेल हे दोन फलंदाज होते. या दोघांनी धावसंख्या वाढवण्याचा प्रयत्न केला पण चेन्नईच्या गोलंदाजांनी फार धावा दिल्या नाहीत.

शार्दूलने १७व्या षटकात धोकादायक रसेलची बोल्ड घेतली. त्याने १५ चेंडूत २० धावा केल्या. अखेरच्या काही षटकात दिनेश कार्तिक आणि नितिश राणा यांनी केकेआरला आव्हानात्मक धावसंख्येपर्यंत पोहोचवले. अखेरच्या षटकात हेजलवुडने कार्तिकला २६ धावांवर बाद केले.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: