सोनं-चांदी झालं स्वस्त ; ‘या’ कारणाने सोने-चांदीच्या किमतीत झालीय घसरण


हायलाइट्स:

  • पितृपक्ष सुरु झाल्यानंतर सोने आणि चांदीची मागणी कमी झाली आहे.
  • अमेरिकेच्या मध्यवर्ती बँकेने नुकत्याच झालेल्या बैठकीत पतधोरण बदलले नसले.
  • मात्र अपेक्षेपेक्षा लवकर आर्थिक पाठबळ काढून घेण्याची योजनेचा स्पॉट सोन्याच्या किंमतींवर परिणाम दिसून आला.

मुंबई : पितृपक्ष सुरु झाल्यानंतर सोने आणि चांदीची मागणी कमी झाली आहे. शुक्रवारी सोने आणि चांदीच्या किमतीत घसरण झाली आहे. शुक्रवारी मल्टी कमॉडिटी एक्सचेंजमध्ये सोने ४६००० रुपयांखाली घसरले. चांदीमध्येदेखील मोठी घसरण झाली.

बँंक ग्राहकांनो इकडे लक्ष द्या! १ ऑक्टोबरपासून हा नियम बदलणार
एमसीएक्सवर शुक्रवारी बाजार बंद होताना सोन्याचा भाव प्रती १० ग्रॅम ४५९९५ रुपयांवर स्थिरावला. त्यात ६१ रुपयांची घसरण झाली. त्याआधी तो ४५७८७ रुपयांपर्यंत खाली घसरला होता. एक किलो चांदीचा भाव ५९९२० रुपयांवर बंद झाला. त्यात ८६९ रुपयांची घसरण झाली आहे. याआधी गुरुवारी बाजार सुरु होताच सोने आणि चांदीमध्ये मोठी पडझड झाली होती. सोने ३३२ रुपयांनी तर चांदी ६८० रुपयांनी स्वस्त झाले होते. मल्टी कमॉडिटी एक्सचेंजमध्ये १० ग्रॅम सोन्याचा भाव ४६३२५ रुपये तर एक किलो चांदीचा भाव ६०५०० रुपयांपर्यंत खाली आला होता.

पुढील महिन्यात २० दिवस बँंकांना सुट्टी; महाराष्ट्रात किती दिवस बँंका राहणार बंद, जाणून घ्या
Goodreturns या वेबसाईटनुसार आज रविवारी मुंबईत २२ कॅरेट सोन्याचा भाव ४५२४० रुपये इतका आहे. २४ कॅरेटचा भाव ४६२४० रुपयांवर स्थिर आहे. आज दिल्लीत २२ कॅरेट सोन्याचा भाव ४५३५० रुपये इतका झाला आहे. २४ कॅरेटसाठी सोन्याचा भाव ४९४८० रुपये आहे. आज चेन्नईत २२ कॅरेटसाठी ४३५७० रुपये तर २४ कॅरेट सोन्याचा भाव ४७५३० रुपये आहे. कोलकात्यात आज २२ कॅरेट सोन्याचा भाव ४५९०० रुपये असून २४ कॅरेट सोन्याचा भाव ४८६०० रुपये आहे.

वित्तीय सेवा क्षेत्रात गुंतवणुकीची संधी; ‘आदित्य बिर्ला सनलाइफ एएमसी’चा आयपीओ जाहीर
अमेरिकेच्या मध्यवर्ती बँकेने नुकत्याच झालेल्या बैठकीत पतधोरण बदलले नसले, तरी अपेक्षेपेक्षा लवकर आर्थिक पाठबळ काढून घेण्याची योजनेचा स्पॉट सोन्याच्या किंमतींवर परिणाम दिसून आला. गुरुवारी स्पॉट गोल्ड १.३ टक्क्यांहून अधिक घसरून प्रति औंस १७४२.६ डॉलरवर बंद झाला. फेडरल रिझर्व्हचे अध्यक्ष जेरोम पॉवेल यांनी नमूद केले की, अमेरिकेची अर्थव्यवस्था मजबूत होत राहिल्यास ते येत्या वर्षात व्याजदरात वाढ करू शकतात. व्याजदर वाढल्यास सराफामध्ये गुंतवणुकीच्या संधीकडे कल वाढेल.

तब्बल ९ वर्षांनंतर टाटा समूहाला मिळाले ‘हे’ कंत्राट; रतन टाटा म्हणाले…
बेरोजगारांसाठीचा भत्ता मिळावा यासाठी अमेरिकन नागरिकांची संख्या अनपेक्षित वाढल्याचा परिणामी अमेरिकन डॉलर वधारल्या गेला तर सोन्यातील घसरण मर्यादीत राहिली. चीनच्या मालमत्ता विकासक एव्हरग्रांडेच्या जागतिक अर्थव्यवस्थेवरील कर्जसंकटाबाबत कंपनीने कर्जरोख्यांवरील व्याजातून परतफेडीच्या घोषणेसह जागतिक अर्थव्यवस्थेवर होणारा परिणाम कमी झाल्यानंतर सोन्यावरही काही दबाव जाणवला. यूएस फेडने धोरणात बदल केला नसला तरी पुढील काही महिन्यांत आक्रमक दृष्टिकोनामुळे संकेत कदाचित सोन्याच्या किंमतींवर अवलंबून राहतील.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: