भारताचा माजी विकेटकीपर पार्थिव पटेलच्या वडिलांचे निधन, क्रिकेटपटू म्हणाला…


नवी दिल्ली: भारतीय क्रिकेट संघातील माजी विकेटकीपर आणि फलंदाज पार्थिव पटेलचे वडील अजयभाई बिपिनचंद्र पटेल यांचे रविवारी निधन झाले. वडीलांच्या निधनाचे वृत्त स्वत: पार्थिवने सोशल मीडियावरून दिली.

वाचा- CSK v KKR Playing XI: CSKची नजर प्लेऑफवर, धोनी संघात बदल करणार!

पार्थिवने इस्टाग्रामवर वडिलांचे फोटो शेअर करून निधनाची बातमी दिली. भारताकडून २५ कसोटी आणि ३८ वनडे खेळलेल्या पार्थिवच्या वडिलांच्या निधनाची बातमी समजल्यानंतर क्रिकेट विश्वात शोक व्यक्त केला जात आहे. भारताच्या अन्य क्रिकेटपटूंनी पार्थिवच्या वडिलांच्या निधनावर शोक व्यक्त केला आहे.

वाचा- Video: संघाबाहेर असलेल्या खेळाडूने घेतला सनसनाटी कॅच; होत आहे कौतुक


२०१९ साली पार्थिव पटेलच्या वडिलांना ब्रेन हॅमरेज जाले होते. तेव्हा तो आयपीएलमध्ये रॉयल चॅलेंजर्स बेंगळुरूकडून खेळत होता. पार्थिव भारतीय संघाकडून कसोटी खेळणारा सर्वात युवा खेळाडू आहे. त्याने १७व्या वर्षी आंतरराष्ट्रीय क्रिकेटमध्ये पदार्पण केले होते. पण तो नियमितपणे संघात स्थान टिकवू शकला नाही.

भारताकडून दोन टी-२० आंतरराष्ट्रीय लढती खेळणाऱ्या पार्थिवने २०२० साली सर्व प्रकारच्या क्रिकेटमधून निवृत्ती घेतली आहे. त्याने कसोटीत ९३४ तर वनडेत ७३६ धावा केल्या आहेत. निवृत्ती घेतल्यानंतर पार्थिवने समालोचक म्हणून काम सुरू केले होते. सध्या तो आयपीएल २०२१ मध्ये समालोचन करत आहे.





Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: