अफगाणिस्तानच्या मुद्यावर पंतप्रधान मोदींचे भाष्य, म्हणाले…


न्यूयॉर्क: पंतप्रधान नरेंद्र मोदी यांनी संयुक्त राष्ट्र महासभेच्या ७६ व्या सत्राला संबोधित करताना अफगाणिस्तानच्या मुद्यावर भाष्य केले. अफगाणिस्तानमध्ये तालिबानने सत्ता हाती घेतल्यानंतर पंतप्रधान मोदींनी थेट भाष्य केले नव्हते अथवा भूमिका जाहीर केली नव्हती. पंतप्रधान नरेंद्र मोदी यांनी आज संयुक्त राष्ट्राच्या आमसभेत अफगाणिस्तानवर भाष्य करताना पाकिस्तानवरही नाव न घेता हल्ला केला.

पंतप्रधान नरेंद्र मोदी यांनी संयुक्त राष्ट्राच्या आमसभेतील भाषणात म्हटले की, आज जगासमोर प्रतिगामी विचार आणि दहशतवादाचा मोठा धोका आहे. या कठीण परिस्थितीत संपूर्ण जगाला वैज्ञानिक आधारावर असलेला तर्कशुद्ध विचार आणि विकासाचा मुद्दा आधार बनवावा लागणार आहे. दहशतवादाचा राजकीय शस्त्र म्हणून वापर करणाऱ्या देशाने एक बाब लक्षात घ्यावी की या भस्मासूराचा धोकाही त्यांना असणार आहे.

UNGA: करोना, लसीकरण, दहशतवाद…पंतप्रधान मोदी यांच्या भाषणातील मुख्य मुद्दे
अफगाणिस्तानच्या भूमीचा वापर दहशतवादासाठी, दहशतवादी कारवाया करण्यासाठी होऊ नये असेही पंतप्रधान मोदी यांनी म्हटले. अफगाणिस्तानमधील महिला, अल्पसंख्याक समुदायाच्या भवितव्याबाबत पंतप्रधान मोदींनी चिंता व्यक्त केली. अफगाणिस्तानमधील महिला, अल्पसंख्याक घटकांना मदतीची आवश्यकता असल्याचे त्यांनी म्हटले.

Live Updates PM Modi in UNGA दहशतवादाचा भस्मासूर तुमच्यावर उलटेल; पंतप्रधान मोदींचा पाकला इशारा
आत्मनिर्भर भारताचा उल्लेख

पंतप्रधान मोदी यांनी म्हटले की, जागतिक अर्थव्यवस्था अधिक वैविध्यपूर्ण असली पाहिजे हे करोना महासाथीच्या आजारामुळे जगाला उमजले आहे. आमचे आत्मनिर्भर भारत हे अभियानही याच भावनेतून प्रेरित आहे. भारतीय स्वातंत्र्याला ७५ वर्ष पूर्ण होत असताना आम्ही भारतीय विद्यार्थ्यांनी तयार केलेले ७५ उपग्रह अंतराळात सोडणार आहोत, असेही पंतप्रधान मोदी यांनी म्हटले.

हिंदी-पॅसिफिक महासागरात चीनला वेसण घालणार; ‘क्वाड’ गटाचा निर्धार!

पाकिस्तानला धक्का; तालिबान मुद्यावरून ‘सार्क’ची बैठक रद्द
करोना लस

पंतप्रधान नरेंद्र मोदी यांनी आपल्या भाषणाच्या सुरुवातीला करोना महासाथीच्या आजारामुळे निधन झालेल्यांना श्रद्धांजली वाहिली. पंतप्रधान मोदी यांनी भारताकडून जगातील इतर देशांनाही लस पुरवठा केल्याचा उल्लेख आपल्या भाषणात केला. पंतप्रधान मोदी यांनी आंतरराष्ट्रीय लस उत्पादक कंपन्यांना भारतात लस उत्पादित करण्याचे आवाहन केले. भारताने जगातील पहिली डीएनए लस विकसित केली असल्याची माहिती त्यांनी दिली. ही लस १२ वर्षांपेक्षा अधिक वयाच्या व्यक्तींना देण्यात येणार असल्याचे म्हटले. भारतात कोविन डिजीटल प्लॅटफॉर्मच्या मदतीने कोट्यवधी नागरिकांना लस देण्यात येत असल्याचेही त्यांनी म्हटले.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: