IPLमध्ये आज डबल धमाका; दिल्लीला धक्का देण्यासाठी राजस्थानकडे आहे हा खेळाडू


मकाय: आयपीएलच्या १४व्या हंगामातील दुसऱ्या सत्रात आजपासून (शनिवार) डबल हेडर म्हणजेच एका दिवशी दोन सामने सुरू होणार आहेत. आजची पहिली लढत दिल्ली कॅपिटल्सविरुद्ध राजस्थान रॉयल्स तर दुसरी लढत सनरायझर्स हैदराबाद विरुद्ध पंजाब किंग्ज यांच्यात होणार आहे.

वाचा- अव्वल स्थान आमचेच; IPLगुणतक्त्यात झाला मोठा फेरबदल

गुणतक्त्यात दुसऱ्या क्रमांकावर असलेल्या दिल्ली कॅपिटल्सची लढत पाचव्या स्थानावर असलेल्या राजस्थान रॉयल्सविरुद्ध होणार आहे. ही लढत दुपारी ३.३० वाजता अबुधाबीच्या शेख सुरू होईल. शेख जायेद स्टेडियमवर होणार आहे. याची नाणेफेक दुपारी ३ वाजता होईल. ही लढत स्टार स्पोर्ट्सवर आणि त्याचे लाईव्ह स्ट्रीमिंग हॉटस्टरवर पाहता येईल. दिल्लीचा संघ शानदार फॉर्ममध्ये आहे. त्यांनी ९ पैकी ७ लढतीत विजय मिळवला असून या उटल पहिल्या सत्रा प्रमाणेच राजस्थानचा संघ दुसऱ्या सत्रात देखील संघर्ष करताना दिसतोय. गेल्या सामन्यात त्यांनी थरारक विजय साकारला असला तरी अनेक चांगल्या खेळाडूंनी दुसऱ्या सत्रातून माघार घेतल्याने संघाच्या अडचणी कमी झाल्या नाहीत.

वाचा- विजयाचा जल्लोष केल्यानंतर भारताचा झाला पराभव; अशी झाली अफलातून मॅच

जोस बटलर, जोफ्रा आर्चर आणि बेन स्टोक्स यांनी माघार घेतल्याने राजस्थानचे मोठे नुकसान झाले आहे. दिल्ली विरुद्धच्या सामन्यात टी-२० मधील अव्वल गोलंदाज तबरेज शमसी याला संधी दिली जाऊ शकते. सलामीला यशस्वी जयसवाल आणि इव्हिन लुईस यांनी पंजाबविरुद्ध धमाकेदार फलंदाजी केली होती. मधळ्या फळीत संजू सॅमसन, लियाम लिव्हिंग्टोन आणि महिपाल लोमरोर हे देखील चांगल्या फॉर्ममध्ये आहेत. रियान परागकडून मोठ्या खेळीची अपेक्षा असेल.

वाचा- Video: वादळात धोनीने घेतली विराटची शाळा, IPLच्या मैदानावर वर्ल्डकपची तयारी

पंजाबविरुद्ध अखेरच्या षटकता कार्तिक त्यागीने ४ धावांचे संरक्षण केले होते. त्याने फक्त १ धाव देत २ विकेट घेतल्या होत्या. आजच्या सामन्यात दिल्लीचे पारडे जड असले तरी राजस्थान संघ त्यांना धक्का देऊ शकतो. दिल्लीने आज विजय मिळवल्यास त्यांना पुन्हा एकदा अव्वल स्थानी पोहोचण्याची संधी आहे. त्याच बरोबर ते प्लेऑफमधील स्थान पक्के करतील.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: