अमेरिकेच्या नॅसडॅकवर बंपर नोंदणी; ‘या’ उद्योजकाने ५०० भारतीय कर्मचाऱ्यांना क्षणात करोडपती बनवले


हायलाइट्स:

  • गिरीश मातृभूतम यांच्या फ्रेशवर्क्स इंकने नॅसडॅक इंडेक्सवर त्यांच्या इश्यू किमतीपेक्षा २१ टक्के प्रीमियमवर एन्ट्री घेतली.
  • यासह, कंपनीचे मार्केट कॅप १२ अब्ज डॉलरवर पोहोचले आहे.
  • फ्रेशवर्क सार्वजनिक झाल्यामुळे कंपनीचे भारतातील ५०० कर्मचारी करोडपती झाले आहेत.

पुणे : बिझनेस सॉफ्टवेअर फर्म फ्रेशवर्क्स इंकने (Freshworks Inc) बुधवारी (२२ सप्टेंबर) अमेरिकन एक्सचेंज नॅसडॅक (NASDAQ) वर धमाकेदार एन्ट्री केली. यावेळी कंपनीने आपल्या ५०० कर्मचाऱ्यांना करोडपती बनवले. यापैकी ६९ करोडपती हे ३० वर्षांखालील आहेत. नॅसडॅक (NASDAQ) वर सूचीबद्ध होणारी ही भारतातील पहिली सॉफ्टवेअर एज सर्व्हिसेस (SaaS) आणि युनिकॉर्न कंपनी आहे. गिरीश मातृभूतम यांच्या या कंपनीच्या शेअर्सनी नॅसडॅक इंडेक्सवर त्यांच्या इश्यू किमतीपेक्षा २१ टक्के प्रीमियमवर एन्ट्री घेतली. यासह, कंपनीचे मार्केट कॅप १२ अब्ज डॉलरवर पोहोचले आहे.

LICने जारी केली महत्वाची सूचना; पॉलिसी धारकांनो वाचा सविस्तर बातमी
५०० कर्मचाऱ्यांना बनवलं करोडपती
फ्रेशवर्क्सचे दोन तृतीयांश कर्मचारी भागधारक आहेत. कंपनीचे सहसंस्थापक आणि मुख्य कार्यकारी अधिकारी गिरीश मातृभूतम म्हणाले की, ज्यांनी कंपनी बनवण्यासाठी रात्रंदिवस मेहनत घेतली, त्यांना बक्षीस मिळाले पाहिजे. फ्रेशवर्क सार्वजनिक झाल्यामुळे कंपनीचे भारतातील ५०० कर्मचारी करोडपती झाले आहेत. त्यामधील ६९ जण हे ३० वर्षांपेक्षा कमी वयाचे आहेत. भारताऐवजी अमेरिकेत कंपनी लिस्ट करण्याबाबत ते म्हणाले की, फ्रेशवर्क्स ही स्थापनेपासूनच एक जागतिक कंपनी आहे. १२० हून अधिक देशांमध्ये या कंपनीचे ग्राहक आहेत आणि कंपनीचा सर्वाधिक महसूल हा अमेरिकेतून येतो.

सेन्सेक्सची भरारी ; ९५० अंकाची उसळी, गुंतवणूकदारांची तीन लाख कोटींची कमाई
कर्मचाऱ्यांना महत्त्व
दिग्गज क्रिकेटपटू रविचंद्रन अश्विनला दिलेल्या मुलाखतीत मातृभूतम म्हणाले की, मी कोणत्याही व्यावसायिक कुटुंबातून येत नाही. माझे वडील बँकेत काम करत होते. मी स्वतः एका सॉफ्टवेअर कंपनीत काम केले आहे. म्हणूनच सामान्य कर्मचाऱ्याची स्वप्ने मला चांगली समजतात. मी माझ्या बायकोला सांगितले की, मी माझ्यासाठी बीएमडब्ल्यू खरेदी करण्यासाठी ही कंपनी सुरू करत नाही, पण प्रत्येक कर्मचाऱ्याकडे बीएमडब्ल्यू असणे आवश्यक आहे. स्वप्न पाहणे ही यशाची पहिली पायरी आहे. कंपनीच्या सर्व कर्मचाऱ्यांना यशाचे श्रेय देताना ते म्हणाले की, कर्मचाऱ्यांच्या योगदानाबद्दल मी त्यांचा आभारी आहे. माझा विश्वास आहे की, फ्रेशवर्क्स बनवणं ही फक्त माझीच एकट्याची भूमिका नाही, आम्ही ती एकत्र बनवत आहोत.’

सोने-चांदीमध्ये मोठी घसरण; जाणून घ्या आजचा सोने-चांदीचा भाव
रजनीकांत यांचे चाहते
देशातील सर्वात यशस्वी सॉफ्टवेअर स्टार्टअप संस्थापकांपैकी एक असलेले मातृभूतम हे तमिळ सुपरस्टार रजनीकांत यांचे प्रचंड चाहते आहेत. जेव्हा जेव्हा रजनीकांत यांचा नवीन चित्रपट रिलीज होतो, तेव्हा ते चेन्नईतील आपल्या कर्मचाऱ्यांसाठी संपूर्ण थिएटर बुक करतात. रजनीकांत यांच्यावरील त्यांचं प्रेम यातून दिसून येतं. ते आपल्या व्यवसायाला पंख देण्यासाठी अमेरिकेत गेले असतील, पण रजनीकांत यांच्याबद्दल त्यांचा आदर अजूनही कायम आहे. त्यांनी आपल्या आयपीओ प्रोजेक्टला ‘सुपरस्टार’ असे नाव दिले आहे.

फ्रेशवर्कचा प्रवास
फ्रेशवर्क २०१० मध्ये सुरू झाले. मातृभूतम आणि शान कृष्णसामी यांनी क्लाउड आधारित ग्राहक सेवा सॉफ्टवेअरवर काम सुरू केले. आपल्या मित्रांमध्ये जी म्हणून प्रसिद्ध असलेल्या मातृभूतम यांनी शास्त्र विद्यापीठ, तंजावरमधून पदवी घेतल्यानंतर झोहो येथे काम केले. फ्रेशवर्क्सची स्थापना होईपर्यंत जगातील अनेक कंपन्या या क्षेत्रात दाखल झाल्या होत्या. त्यावेळी त्याच्या यशाबद्दल शंका घेतली जात होती.

२०११ मध्ये मिळाला पहिला निधी
फ्रेशवर्क्सला २०११ मध्ये पहिला निधी मिळाला. एक्सेल (Accel)ने यात १ दशलक्ष डॉलर्सची गुंतवणूक केली. त्याच वर्षी कंपनीला पहिला ग्राहकही मिळाला. फ्रेशवर्क्सने नंतर विक्री आणि सीआरएमसाठी त्यांच्या उत्पादनाची श्रेणी वाढवली. तसेच फ्रेशवर्क्सला फ्रेशडेस्क म्हणून पुनर्निर्मित करण्यात आले. २०२१मध्ये, त्यांची वार्षिक आवर्ती कमाई ४९ टक्क्यांनी वाढून ३०० दशलक्ष डॉलर इतकी झाली. यासह, त्यांनी स्टार्टअप्समध्ये गुंतवणूक करण्यासाठी एक फंड देखील तयार केला आहे.

कंपनी काय करते?
कंपनीचे व्यवसाय मॉडेल अपमार्केट विक्री आणि त्याच्या उत्पादनांवर आधारित आहे. या कंपनीने विक्री मॉडेलवर उत्तम काम केले आहे. फ्रेशवर्क्सच्या मते, बिझनेस सॉफ्टवेअर महाग आहेत आणि तसेच वापरण्यास सोपे नाहीत. फ्रेशवर्क्स रेडी-टू-गो सॉफ्टवेअर बनवते, जे वापरण्यास सोपे असतात. यासाठी, कंपनीने स्वतःचे कस्टमर केअर कॉल सपोर्ट देखील बनवले आहे, जिथे माहिती कधीही घेतली जाऊ शकते. या कंपनीची कार्यालये पॅरिस, नेदरलँड्स आणि फ्रान्ससारख्या देशांसह जगभरात पसरलेली आहेत. Steadview Capital, Essel, Capital G, Sequoia Capital, Tiger Global Management सारख्या कंपन्यांनी Freshworks मध्ये मोठ्या प्रमाणावर गुंतवणूक केली आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: