इंधन महागले ; कच्च्या तेलातील दरवाढीची झळ, पेट्रोलियम कंपन्यांनी केली भाववाढ


हायलाइट्स:

  • आज शुक्रवारी देशभरात डिझेल २० पैशांनी महागले.
  • पेट्रोलचा भाव सलग १९ व्या दिवशी स्थिर आहे.
  • ब्रेंट क्रूडचा भाव ७७.२५ डॉलर प्रती बॅरल इतका वाढला.

मुंबई : कच्च्या तेलातील महागाईची झळ सोसत सलग १८ दिवस इंधन दरवाढ रोखून धरणाऱ्या पेट्रोलियम कंपन्यांनी आज मात्र डिझेलच्या किमतीत वाढ करण्याचा निर्णय घेतला. आज शुक्रवारी देशभरात डिझेल २० पैशांनी महागले तर पेट्रोलचा भाव सलग १९ व्या दिवशी स्थिर आहे.

आजच्या दरवाढीनंतर मुंबईत एक लीटर डिझेलचा भाव ९६.४१ रुपये झाला आहे. दिल्लीत डिझेल ८८.८२ रुपये झाला आहे. चेन्नईत ९३.६६ रुपये आणि कोलकात्यात डिझेलचा भाव ९१.७२ रुपये प्रती लीटर इतका आहे. भोपाळमध्ये डिझेलचा भाव ९७.६५ रुपये असून बंगळुरात डिझेल ९४.२७ रुपये आहे.

शेअर बाजारात दिवाळी! सेन्सेक्स प्रथमच ६० हजारांवर, गुंतवणूकदारांची जोरदार कमाई
देशभरात पेट्रोल मात्र स्थिर आहे. मुंबईत एक लीटर पेट्रोलचा भाव १०७.२६ रुपये आहे. दिल्लीत पेट्रोल १०१.१९ रुपये आहे. चेन्नईत पेट्रोलचा भाव ९८.९६ रुपये इतका आहे. कोलकात्यात एक लीटर पेट्रोल १०१.६२ रुपये झाला आहे. भोपाळमध्ये साध्या पेट्रोलचा भाव १०९.६३ रुपयांपर्यंत खाली आला आहे. बंगळुरात पेट्रोल १०४.७० रुपये झाले आहे.

अमेरिकेच्या नॅसडॅकवर बंपर नोंदणी; ‘या’ उद्योजकाने ५०० भारतीय कर्मचाऱ्यांना क्षणात करोडपती बनवले
दरम्यान, जागतिक कमॉडिटी बाजारात कच्च्या तेलातील तेजी कायम आहे. अमेरिकेत गुरुवारी बाजार बंद होताना ब्रेंट क्रूडचा भाव ७७.२५ डॉलर प्रती बॅरल इतका वाढला. त्यात १.०६ डॉलरची वाढ झाली. डब्ल्यूटीआय क्रूडचा भाव ७३.३० डॉलर झाला. त्यात १.०७ डॉलरची वाढ झाली. मेक्सिकोच्या आखातातील तेल उत्पादक काही युनिट्स या वर्षाच्या अखेरीस इडा चक्रीवादळामुळे झालेल्या नुकसानीमुळे ऑफलाइन राहतील, असा अंदाज व्यक्त करण्यात आला आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: