अमेरिकेचे राष्ट्राध्यक्ष बायडन आणि PM मोदी यांची आज भेट; ‘या’ मुद्यांवर होणार चर्चा?


वॉशिंग्टन: अमेरिका दौऱ्यावर असलेले भारताचे पंतप्रधान नरेंद्र मोदी आज अमेरिकेचे राष्ट्राध्यक्ष जो बायडन यांची भेट घेणार आहे. राष्ट्राध्यक्षपदाची सूत्रे हाती घेतल्यानंतर जो बायडन आणि पंतप्रधान नरेंद्र मोदी यांच्यात ही पहिलीच प्रत्यक्ष भेट असणार आहे. याआधी दोन्ही नेत्यांमध्ये दूरध्वनीद्वारे चर्चा झाली आहे. भारतीय प्रमाणवेळेनुसार रात्री ८.३० वाजता ही बैठक होणार आहे.

सध्या जगात काही प्रमाणात राजकीय अस्थिरता निर्माण झाल्याचे चित्र आहे. चीनचे वाढते वर्चस्व, दहशतवादी संघटनांच्या कारवाया आदी पार्श्वभूमीवर अमेरिका-भारत भेटीवर जगाचे लक्ष लागले आहे.

PM मोदी आणि कमला हॅरिस यांची भेट ; करोना, लोकशाहीसह ‘या’ मुद्यांवर चर्चा
या मुद्यांवर चर्चा?

बायडन आणि मोदी यांच्या भेटीत परस्पर सहकार्यासह काही मुद्यांवर चर्चा होणे अपेक्षित आहे. यामध्ये सीमेपलिकडून होणारा दहशतवाद, जगभरात दहशतवादी संघटनांचे वाढते जाळे आणि प्रभाव, अफगाणिस्तानमधील सध्याची परिस्थिती, सुरक्षा आणि सहकार्य यांसह करोना महासाथीच्या आव्हानांवर चर्चा होण्याची दाट शक्यत आहे.

PM मोदींनी केले जपानच्या पंतप्रधानांचे कौतुक; डिजीटल पेमेंट, ५-जी वरही चर्चा
अमेरिकेच्या राष्ट्राध्यक्षपदाची सूत्रे हाती घेतल्यानंतर जो बायडन यांनी भारताचे पंतप्रधान नरेंद्र मोदी यांच्याशी दूरध्वनीवरून चर्चा केली होती. त्यानंतर काही परिषदांमध्ये दोन्ही नेते सहभागी झाले होते. मात्र, दोन्ही नेत्यांमध्ये ही पहिलीच बैठक आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: