IPL 2021चा दुसरा टप्पा: ५ मोठ्या विक्रमांवर दिग्गजांची नजर


नवी दिल्ली: आयपीएल २०२१च्या दुसऱ्या सत्राला सुरुवात होण्यास तीन दिवसापेक्षा कमी कालावधी शिल्लक आहे. सर्व संघ जोरदार तयारी करत आहे. पहिल्या सत्रात दिल्ली कॅपिटल्स आणि पंजाब किंग्ज हे दोन संघ वगळता सर्वांनी सात सामने खेळले आहेत. स्पर्धेतील सर्व आठ संघांना अद्याप प्लेऑफ मध्ये जाण्याची संधी आहे. यामुळेच सर्व खेळाडूंनी पक्की तयारी सुरु केली आहे.

वाचा- लैंगिक शोषणाची साक्ष देताना ढसाढसा रडल्या खेळाडू; फक्त डॉक्टर नाही तर…

आयपीएलच्या या दुसऱ्या सत्रात असे काही खेळाडू आहेत जे मोठे विक्रम नावावर करू शकतील. १९ सप्टेंबरपासून सुरू होणाऱ्या या दुसऱ्या सत्रात होऊ शकतील अशा ५ विक्रमांवर एक नजर टाकूया…

वाचा- Breaking News: रवी शास्त्री राजीनामा देणार; मुदत वाढवण्याची BCCIची विनंती फेटाळली

१) अमित मिश्रा- दिल्ली कॅपिटल्सकडून खेळणाऱ्या अमितला दुखापतीमुळे पहिल्या सत्रात खेळता आले नाही. पण आता दुसऱ्या सत्रात अमितला आयपीएलच्या इतिहासातील सर्वात मोठा विक्रम मोडण्याची संधी आहे. आयपीएलमध्ये मुंबई इंडियन्सकडून खेळणाऱ्या लसित मलिंगाने सर्वाधिक विकेट घेतल्या आहेत. पण त्याने आता निवृत्ती घेतल्याने मिश्राला मलिंगाचा विक्रम मोडण्यासाठी फक्त ५ विकेटची गरज आहे. मिश्राने आतापर्यंत १५४ सामन्यात १६६ विकेट घेतल्या आहेत.

वाचा- भारतीय संघाला मोठा धक्का; महत्त्वाची मालिका स्थगित केली

२) भुवनेश्वर कुमार आणि आर अश्विन- या दोन्ही गोलंदाजांना आयपीएलमध्ये दीडशे विकेट पूर्ण करण्यासाठी ११ बळींची गरज आहे. आयपीएलमध्ये आतापर्यंत अशी कामगिरी फक्त चार गोलंदाजांनी केली आहे. यात अमित मिश्रा, पीयुष चावला, डेवेन ब्राव्हो आणि हरभजन सिंग यांचा समावेश आहे.

वाचा- IPL 2021चे नवे वेळापत्रक; कधी, कुठे होणार सामने आणि Live online streaming

३) शंभर विकेटवर नजर- आयपीएलमध्ये असे दोन गोलंदाज आहेत ज्यांना १०० विकेट पूर्ण करण्याची संधी आहे. २०२१च्या हंगामातील सर्वात महाग गोलंदाज क्रिस मॉरिसला १०० विकेट पूर्ण करण्यासाठी ६ तर अक्षर पटेलला १४ विकेटची गरज आहे.

वाचा- Video: अखेरच्या चेंडूवर थरारक विजय; टी-२० लीगला मिळाला नवा विजेता

४) पोलार्डला शतकाची संधी- मुंबई इंडियन्सकडून खेळणार वेस्ट इंडिजचा कायरन पोलार्ड आयपीएलमध्ये कॅचचे शतक पूर्ण करण्यास ८ कॅचची गरज आहे. सर्वाधिक कॅचचा विक्रम चेन्नई सुपर किंग्जच्या सुरेश रैनाच्या नावावर आहे. त्याने १०४ कॅच घेतले आहेत. आता रैनानंतर अशी कामगिरी पोलार्ड करेल का याकडे सर्वांचे लक्ष असेल.

५) हर्षल पटेलची नजर ब्राव्होवर- आयपीएलच्या एका सत्रात सर्वाधिक विकेट घेण्याचा विक्रम डेवेन ब्राव्होच्या नावावर आहे. त्याने २०१३ साली १८ सामन्यात ३२ विकेट घेतले होते. हर्षलने या हंगामात ७ सामन्यात १७ विकेट घेतल्या आहेत. आता या सत्रात त्याला ब्राव्होचा विक्रम मोडण्याची संधी आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: