telangana police : बलात्कार प्रकरणातील आरोपीचा मृत्यू? हैदराबाद पोलिसांना सोशल मीडियातून ‘सॅल्यूट’!


हैदराबादः हैदराबादमध्ये एका ६ वर्षांच्या मुलीवर बलात्काराची घटना घडल्यानंतर तेलंगणमध्ये जनतेत संतप्त भावना होत्या. नागरिकांच्या आंदोलनांसह सोशल मीडियातून आरोपीला कठोर शिक्षा देण्याची मागणी करण्यात आली. डिसेंबर २०१९ मध्ये हैदराबादच्या महिला डॉक्टरवर सामूहिक बलात्काराची घटना घडल्यानंतर चारही आरोपींचं एन्काउंटर झालं होतं. आता या घटनेतील आरोपीचा मृतदेह रेल्वे ट्रॅकजवळ आढळून आला. आरोपीने आत्महत्या केल्याचा संशय पोलिसांनी व्यक्त केला आहे. तर रेल्वे ट्रॅकजवळ आरोपीचा मृतदेह आढळल्याचं पोलिस महासंचालकांनी म्हटलं आहे. यानंतर सोशल मीडियावर सैदाबाद आणि तेलंगण पोलिस ट्रेंडमध्ये आले. मागच्या वेळी चकमकीत आरोपींना ठार मारणाऱ्या पोलिसांचं फुलांचे हार घालून आणि फुलांचा वर्षाव करत जोरदार स्वागत करण्यात आलं होतं. यावेळीही नागरिक सोशल मीडियावर पोलिसांना सलामी देत आहेत.

सैदाबाद ट्विटर ट्रेंडमध्ये

#Saidabad #telanganapolice और #SaidabadIncident ट्विटरवर ट्रेंड होत आहे. या घटनेवरून सोशल मीडियावर प्रतिक्रिया येत आहेत. दोन घटना. दिशा एन्काउंटर आणि राजू सुसाइड. अपेक्षा आहे या घटनांमुळे बदल होईल आणि भविष्यात आशा गुन्ह्यांना आळा बसेल, असं वैभव कौशिक नावाच्या एका युजरने ट्वीटरवर म्हटलं.

‘एन्काउंटरची निंजा टेक्निक’

कोर्ट बलात्काऱ्याला फाशी देऊ शकत नसेल तर पोलिसांनी हे काम केलं पाहिजे. योग्यवेळी कारवाई केल्यानेच न्याय मिळतो, असं संकेत मुंडे नावाच्या एका युजरने म्हटलंय. ‘निंजा टेक्निक ऑफ एन्काउंटर’, असं साहिल सिंह नावाच्या युजरने ट्वीट केलं आहे.

हैदराबादमधील बलात्कारातील आरोपीचा मृतदेह रेल्वे ट्रॅकवर आढळून आला. आपल्या सरकारांनी काळजीपूर्वी जनतेच्या प्रतिक्रियेचा अभ्यास करून आत्मनिरीक्षण केले पाहिजे. दिल्लीतील निर्भयाच्या दोषींना फासावर लटकवण्यात सात वर्षांहून अधिक काळ लागला. न्यायिक विलंब कमी व्हायला हवा. कठोर आणि वेगाने शिक्षा दिल्यास कायद्याचा भीती निर्माण होईल, असं अलख अलोक श्रीवास्त यांनी म्हटलंय.

Hyderabad Rape and Murder: चिमुरडीवर बलात्कार प्रकरणातील आरोपीचा मृतदेह रेल्वे रुळावर आढळला

डीजीपींचे ट्वीट- शरीरावरील खुणांवरून आरोपीची ओळख

तेलंगणच्या पोलिस महासंचालकांनी आपल्या अधिकृत ट्विटर हँडलवरून आरोपीचा मृतदेह आढळून आल्याचा दुजोरा दिला. लहान मुलीवरील बलात्कार आणि हत्येतील आरोपीचा रेल्वे ट्रॅकजवळ मृतावस्थेत आढळून आला. हे ठीकाण घानपूर पोलिस ठाण्याअंतर्गत येतं. शरीरावरील खुणांवरून आरोपीची ओळख पटली, असं त्यांनी सांगितलं. आरोपीच्या शरीरावर टॅटूचे निशाण होता. तसंच घटनेनंतर आरोपी फरार होता आणि त्याची माहिती देणाऱ्याला पोलिसांनी १० लाखांचे बक्षीस जाहीर केले होते.

Rajasthan Police Sex Scandal: ‘सेक्स स्कँडल’ समोर आल्यानंतर दोघांवर ‘पोक्सो’ अंतर्गत कारवाई

तेलंगणचे मंत्री चामाकुरा मल्ल रेड्डी यांनी दोन दिवांपूर्वीचं आरोपीचे एन्काउंटर करण्याबाबत वक्तव्य केलं होतं. आरोपीला पकडून गोळ्या घालू, असं ते म्हणाले होते. हैदराबादच्या सैदाबादमध्ये गेल्या आठवड्यात ६ वर्षांच्या मुलीवर बलात्कार करून तिची हत्या करण्यात आली होती.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: