nitin gadkari : नितीन गडकरी म्हणाले, ‘…मी सासऱ्यांच्या घरावर बुलडोझर चालवला होता’


सोहना, हरयाणाः दिल्ली ते मुंबई फक्त १२ तासांत प्रवास होणार आहे. हे स्वप्न नव्हे तर प्रत्यक्षात येणार आहे. याचं श्रेय केंद्रीय परिवहन मंत्री नितीन गडकरी आणि त्यांच्या टीमला जातंय. दिल्ली-मुंबई हा जगातील सर्वात मोठा एक्स्प्रेस वे ( (NH-148N) ) आहे. तोही १२ लेनचा बांधण्यात येणार आहे, अशी माहिती नितीन गडकरी यांनी आज दिली. हा एक्स्प्रेस वे हरयाणा, राजस्थान आणि गुजरातसह अनेक राज्यांतून जाईल. याचे काम वेगाने सुरू आहे. या रस्त्यामुळे राज्यांमधील नागरिकांच्या विकासात आणि समृद्धीत भर पडले, असं नितीन गडकरी म्हणाले.

दिल्ली-मुंबई एक्स्प्रेस वे हा ८० हजार ते १ लाख कोटी रुपयांच्या खर्चाचा आहे. हा एक्स्प्रेस वे २ वर्षांत बांधून पूर्ण होणार आहे. १ लाख कोटींच्या कामासाठी जर तीन ते साडेतीन वर्षे लागतील आणि दुसरीकडे २०० कोटींच्या कामासाठी १० वर्षे लागतील तर ही कौतुकाची बाब नाही. अशा कामांमुळे लाज वाटते, असं नितीन गडकरी म्हणाले.

नितीन गडकरींनी केली दिल्ली-मुंबई एक्स्प्रेस वेच्या कामाची पाहणी


‘शेतकऱ्यांनो जमीन विकू नका’

अमेरिकेचे रस्ते चांगले नाहीत, कारण अमेरिका श्रीमंत आहे. पण अमेरिका श्रीमंत आहे, कारण तिथले रस्ते सर्वात चांगले आहेत, हे मी माझ्या ऑफिसमध्ये लिहून ठेवलं आहे. हे अमेरिकेचे माजी अध्यक्ष जॉन केनडी यांनी म्हटलं होतं. रस्त्यांमुळे विकास होतो आणि समृद्धी येते. रस्ते बांधल्यानतंर जमिनीच्या किंमती वाढतात. आम्ही शेतकऱ्यांना बाजारभावापेक्षाही अधिक दीडपट किंमत दिली आहे. मी स्वतः शेतकरी आहे. आम्ही शेतकऱ्यांबाबत उदार धोरण राबत जमिनीची मोठी किंमत दिली आहे. यामुळे शेतकऱ्यांनी आपली जमीन विकू नये, हे माझं त्यांना आवाहन आहे. ती जमीन विकसित करण्यासाठी पुढे आल्यास तुम्हा अधिक पैसे मिळतील. शेतकरी श्रीमंत व्हावा, अशी माझी इच्छा आहे. पण आम्ही रस्ते बांधतो तेव्हा बिल्डर आणि डेव्हलपर आधीच जमीन विकत घेऊन ठेवतात. नंतर जमिनीची जी किंमत वाढते, त्याचा फायदा ते घेतात, असं नितीन गडकरी म्हणाले.

Gadkari inspects Delhi-Mumbai Expressway work progress in Gurugram

नितीन गडकरींनी हरयाणात दिल्ली-मुंबई एक्स्प्रेस वेच्या कामाची केली पाहणी

gujarat 24 ministers sworn in : भाजपचा धक्का; गुजरातच्या भूपेंद्र पटेल सरकारमध्ये सर्व २४ मंत्री नवीन, रुपानींच्या मंत्रिमंड

सासऱ्यांच्या घरावर बुलडोझर चालवला…

हरयाणातील सोहनामध्ये गडकरी बोलत होते. त्यांनी यांनी यावेळी एक किस्साही सांगितलं. माझं नुकतचं लग्न झालं होतं. तेव्हा रामटेकमधील आपल्या सासऱ्यांचं घर रस्त्याच्या मधोमध येत होतं. ही मोठी समस्या होती. नागरिकांना वाहतुकीत मोठे अडथळे येत होते. यावेळी पत्नीला न कळवताच आपण सासऱ्यांच्या घरावर बुलडोझर चालवला होता. हेच नेत्यांनी करायला हवं. अतिक्रमण वाचवण्याचं पाप नेत्यांनी करू नये, असं नितीन गडकरी म्हणाले.

Delhi-Mumbai Expressway work progress in Gurugram

दिल्ली-मुंबई एक्स्प्रेस वेचे काम हरयाणात वेगाने सुरू

Nitin Gadkari: वैष्णोदेवीच्या भक्तांसाठी केंद्रीय मंत्री नितीन गडकरींची नवी घोषणा

आम्ही काही दिवसांपूर्वी राजस्थानमध्ये रस्त्यावर हवाई दलाची विमानं उतरवली. हवाई दलाचं विमान त्या रस्त्यावर उतरलं. त्यावेळी संरक्षण मंत्री राजनाथ सिंह आणि हवाई दल प्रमुख भदोरिया यांच्यासह मीही विमानात होतो. रस्त्याच्या माध्यमातून जी एअर स्ट्रीप बनवली आहे, ती आपल्या जीवनातील सर्वात उत्तम एअर स्ट्रीप आहे, इतकं चांगलं लँडिंग झालं आहे, असं त्यावेळी हवाई दल प्रमुख भदोरिया म्हणाले. यामुळे आम्ही आपल्या कामात गुणवत्तेवर कायम लक्ष ठेवतो. कंत्राटदारांनाही स्पष्ट करतो. कामाच्या बदल्यात तुमच्याकडून कुठलेही पैसे किंवा लक्ष्मी दर्शन घेतलेले नाही. यामुळे कामही तितकेच चांगले झाले पाहिजे. आम्ही भ्रष्टाचारमुक्त आणि पारदर्शक काम करतो. तसंच वेळत आणि गुणवत्तापूर्ण काम करतो, असं नितीन गडकरींनी स्पष्ट केलं. रस्ते तर अनेक किलोमीटरचे बांधले. पण खराब काम करणाऱ्यांना अजिबात सहन करणार नाही. मग अधिकारी असो किंवा कंत्राटदार खराब काम केल्यास त्यांचा बँडबाजा वाजवणार हे निश्चित, असा इशाराही नितीन गडकरींनी यावेळी दिला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: