IPL दुसरे सत्र सुरू होण्याआधी CSKला मोठा सेटबॅक, एक खेळाडू जखमी तर दुसरा….


दुबई: आयपीएलच्या १४व्या हंगामाचे दुसरे सत्र १९ सप्टेंबरपासून युएईमध्ये सुरू होणार आहे. या दुसऱ्या सत्राची सुरुवात चेन्नई सुपर किंग्ज आणि मुंबई इंडियन्स या संघात होणार आहे. महेंद्र सिंह धोनीच्या नेतृत्वाखाली खेळणाऱ्या सीएसके संघाला पहिल्या सामन्याआधी दोन मोठे धक्के बसले आहेत. फॉर्ममध्ये असलेला सलामीवीर फाफ डुप्लेसिसला दुखापत झाली आहे. तर इंग्लंडचा वेगवान गोलंदाज सॅम करन देखील पहिल्या सामन्याला मुकणार आहे.

वाचा-विराट कोहलीचे कौतुकास्पद काम; मुंबईकरांना अभिमान वाटेल

सॅम करन हा भारत आणि इंग्लंड यांच्यातील कसोटी मालिका खेळत होता. ते अद्याप युएईमध्ये दाखल झालेला नाही. सॅमला क्वारंटाइनच्या नियमामुळे मुंबई इंडियन्स विरुद्धच्या पहिल्या लढतीत खेळता येणार नाही. सॅम करन आज (बुधवार) जरी युएईमध्ये दाखल झाले तरी त्याला सहा दिवसांचे क्वारंटान कालावधी पूर्ण करावा लागणार आहे. यामुळे तो पहिल्या सामन्यासाठी उपलब्ध होणार नाही.

वाचा- अजिंक्य रहाणेला कधी संघाबाहेर करावे; माजी खेळाडूने सांगितली ही वेळ

CSKला बसलेला दुसरा झटका म्हणजे सलामीवीर फाफ डुप्लेसिसची दुखापत होय. कॅरेबियन प्रीमियर लीग स्पर्धेत फाफला दुखापत झाली आहे. यामुळे तो मुंबई इंडियन्स विरुद्धच्या पहिल्या लढतीत खेळू शकणार नाही असे दिसते. मंगळवारी झालेल्या CPLच्या सेमीफायनल सामन्यात फाफ खेळला नव्हता. त्याची दुखापत गंभीर असल्याचे दिसते. त्यामुळेच तो सलग दोन सामने खेळला नाही.

वाचा- RCB आणि विराटसाठी आनंदाची बातमी; या खेळाडूचे ४६ चेंडूत स्फोटक शतक

आयपीएलच्या १४व्या हंगामातील पहिल्या सत्रात चेन्नईने चांगली कामगिरी केली होती. त्यांनी ७ पैकी ५ सामन्यात विजय मिळून १० गुणांसह गुणतक्त्यात दुसरे स्थान मिळवले आहे.

वाचा- रवी शास्त्रीनंतर कोण? सौरव गांगुलीने घेतले या व्यक्तीचे नाव

पहिल्या सत्रात या दोन्ही खेळाडूंनी शानदार कामगिरी केली होती. फाफने ७ सामन्यात ६४च्या सरासरीने ३२० धावा केल्या होत्या. त्यात चार अर्धशतकांचा समावेश होता. त्याचा स्ट्राइक रेट १४५.४५ इतका होता. तर सॅम करनने ७ सामन्यात ५२ धावा आणि ९ विकेट घेतल्या होत्या.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: