इराणचा एकमेव अणू ऊर्जा प्रकल्प अचानक बंद; मोसादची पुन्हा कारवाई?


तेहरान: इराणमधील एकमेव अणू ऊर्जा प्रकल्प अचानकपणे बंद करण्यात आला आहे. काही तांत्रिक समस्या उद्भभवल्यामुळे हा निर्णय घेण्यात आले असल्याचे अधिकृतपणे म्हटले गेले आहे. मात्र, अनेक चर्चा सुरू झाल्या आहेत. तांत्रिक बिघाडामागे इस्रायलची गुप्तचर संस्था मोसाद असल्याचे म्हटले जात आहे.

इराणच्या विद्ययुत कंपनीचे अधिकारी घोलामाली राखशानिमेहर यांनी सांगितले की, बुशहर येथील अणू ऊर्जा प्रकल्प बंद ठेवण्यात आला आहे. काही दिवस हा प्रकल्प बंद असणार आहे. पहिल्यांदाच हा प्रकल्प बंद ठेवण्याचा निर्णय घेण्यात आला. बुशहर येथील हा अणूऊर्जा प्रकल्प वर्ष २०११ मध्ये रशियाच्या मदतीने सुरू करण्यात आला होता.

वाचा: पंतप्रधान मोदींकडून इराणच्या नव्या राष्ट्रपतींचे अभिनंदन, म्हणाले…

बुशहर अणू प्रकल्प बंद झाल्यामुळे अनेक चर्चा सुरू झाल्या आहेत. इस्रायलची गुप्तचर संघटना मोसादमुळे हा अणू ऊर्जा प्रकल्प बंद केल्याच्या चर्चा आहेत. इराणच्या अणू कार्यक्रमाला इस्रायलकडून सातत्याने विरोध करण्यात येत आहे. इस्रायलचे पंतप्रधान नफ्ताली बेनेट यांनीदेखील इराणला अणू कार्यक्रमाच्या मुद्यावर इशारा दिला आहे.

वाचा: चीनच्या वरिष्ठ अणू शास्त्रज्ञाचा संशयास्पद मृत्यू

याआधीदेखील इराणच्या अणू प्रकल्पात अडथळे आणण्यात आले आहेत. काही महिन्यांआधी इराणच्या अणू केंद्रावर सायबर हल्ला झाला होता. त्यापूर्वी इराणचे अणू शास्त्रज्ञ मोहसिन फखरीजादेह यांची हत्या करण्यात आली होती. यामागे मोसादचा सहभाग असल्याचे संकेत मोसादचे माजी प्रमुख योसी कोहेन यांनी एका मुलाखतीत दिले होते.

वाचा: अफगाणिस्तानमध्ये घडामोडी; तालिबानकडून भारताला ‘हा’ प्रस्ताव!

अणू कार्यक्रमाचे अधिकारी महमूद जाफरी यांनी मार्च महिन्यात म्हटले होते की, या अणू प्रकल्प बंद करावा लागण्याची शक्यता आहे. अमेरिकेच्या निर्बंधामुळे प्रकल्पासाठी आवश्यक असणारे सुट्टे भाग आणि उपकरण खरेदी करण्यास इराणला असमर्थ आहे. रशियाकडून या प्रकल्पासाठी युरेनियमचा पुरवठा होतो. त्यावर संयुक्त राष्ट्राकडून देखरेख ठेवण्यात येते.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: