Saki Naka Rape Case: साकीनाका बलात्कार प्रकरणी तपासाला मोठे यश; आयुक्तांनी दिली ‘ही’ माहिती


हायलाइट्स:

  • साकीनाका बलात्कार प्रकरणी तपासाला मोठे यश.
  • आरोपीने दिली गुन्ह्याची कबुली; अ‍ॅट्रॉसिटीचाही गुन्हा.
  • उत्तर प्रदेशमधील गुन्हेगारी पार्श्वभूमीही तपासणार.

मुंबई:साकीनाका बलात्कार प्रकरण समोर आल्यानंतर केवळ दहा मिनिटांत आरोपीच्या मुसक्या आवळण्यात पोलिसांना यश आले होते. याप्रकरणी पोलीस तपासाला वेग आला असून पोलीस आयुक्त हेमंत नगराळे यांनी आज पत्रकार परिषद घेत महत्त्वाची माहिती दिली. आरोपीने गुन्ह्याची कबुली दिली असून आरोपीवर अ‍ॅट्रॉसिटीचा गुन्हा दाखल करण्यात आला आहे व गुन्ह्यात वापरलेले शस्त्रही जप्त करण्यात आले आहे, असे नगराळे यांनी सांगितले. ( Hemant Nagrale On Saki Naka Rape Case )

वाचा: साकीनाका घटनेची तुलना ‘हाथरस’शी; शिवसेनेनं भाजपला दिलं ‘हे’ प्रत्युत्तर

मुंबईतील साकीनाका येथे १० सप्टेंबर रोजी एका ३२ वर्षीय महिलेवर टेम्पोत बलात्कार करण्यात आला व तिला अमानुषपणे मारहाण करण्यात आली होती. त्यानंतर पीडितेचा राजावाडी रुग्णालयात उपचारादरम्यान मृत्यू झाला होता. याप्रकरणी आरोपीला अटक करण्यात आली असून त्याला २१ सप्टेंबरपर्यंत पोलीस कोठडी देण्यात आली आहे. या प्रकरणी सुरू असलेल्या पोलीस तपासाबाबत हेमंत नगराळे यांनी आज माहिती दिली. आरोपीने आपला गुन्हा कबूल केला आहे. त्याच्याविरुद्ध सबळ पुरावे हाती लागले आहेत. गुन्ह्याचा घटनाक्रमही स्पष्ट झाला आहे. आमचा तपास येत्या महिनाभरात किंवा त्यापूर्वीच पूर्ण होईल, असे नगराळे यांनी सांगितले. आरोपीचे महाराष्ट्रात अद्याप कोणतेही क्रिमिनल रेकॉर्ड सापडलेले नाही. आता आम्ही उत्तर प्रदेशमध्ये आरोपीवर गुन्हे दाखल आहेत का याचा तपास करत आहोत, असे नगराळे म्हणाले.

वाचा: घोटाळ्याच्या आरोपानंतर पाटलांचा मुश्रीफांवर पलटवार; म्हणाले…

मुख्यमंत्री उद्धव ठाकरे, गृहमंत्री दिलीप वळसे पाटील, पोलीस महासंचालक तसेच अन्य अधिकारी यांची आज या घटनेच्या अनुषंगाने बैठक झाली. मुख्यमंत्र्यांनी पीडितेच्या कुटुंबीयांना २० लाखांची मदत जाहीर केली आहे, अशी माहितीही आयुक्तांनी दिली. राष्ट्रीय महिला आयोगाच्या सदस्यांशी तसेच राष्ट्रीय मागासवर्गीय आयोगाच्या अधिकाऱ्यांशीही चर्चा झाल्याचे नगराळे म्हणाले.

‘त्या’ विधानावर ठाम

‘प्रत्येक घटनेच्या ठिकाणी पोलीस हजर राहू शकत नाहीत’ असे विधान साकीनाका बलात्कार प्रकरणानंतर हेमंत नगराळे यांनी केले होते. त्यावर बरीच टीका झाली होती. त्याबाबत बोलताना, माझ्या विधानाचा चुकीचा अर्थ काढण्यात आला, असे नगराळे म्हणाले. पोलीस प्रत्येक घटनेच्या ठिकाणी हजर असू शकत नाहीत ही वस्तुस्थिती आहे पण पोलीस तिथपर्यंत पोहचणार हे मात्र निश्चित आणि म्हणूनच आम्ही १० मिनिटांत तिथे पोहचू शकलो व आरोपीला पकडू शकलो, असे नगराळे म्हणाले. मी माझ्या विधानावर ठाम असल्याचेही त्यांनी सांगितले.

वाचा: कोकणात राजकीय घडामोडींना वेग; नीलेश राणे कुडाळमधून विधानसभा निवडणूक लढवणार?



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: