विराट कोहली खरच थकला आहे का; वर्कलोडचा कामगिरीवर परिणाम होतोय!


नवी दिल्ली: खरच विराट कोहलीचा वर्कलोड इतका वाढला आहे की त्याच्यावरील कर्णधारपदाचा भार कमी करावा. विराटला जी जबाबदारी महेंद्र धोनीकडून मिळाली होती ती आता त्याच्या कामगिरीवर परिणाम करत आहे. भारतीय संघाचे कर्णधारपद बदलण्याची चर्चा सुरू होणे ही गोष्ट वाटते तितकी सोपी नाही. या सर्वाची सुरूवात ऑस्ट्रेलिया दौऱ्यापासून झाली होती.

भारतीय संघाने नुकताच इंग्लंडचा दौरा केला. या दौऱ्यातील पाचवी कोसटी रद्द झाली असली तर भारताने मालिकेत २-१ अशी आघाडी घेतली होती. चौथ्या कोसटीत इंग्लंडला विजयासाठी २९१ धावांची गरज होती आणि भारताला १० विकेटची गरज, कर्णधार विराट कोहलीसाठी ही अग्निपरीक्षा होती. पण तो त्यात पास झाला. या विजयानंतर इंग्लंडचा माजी कर्णधार नासिर हुसैन आणि मायकल वॉन यांनी विराटचे तोडभरून कौतुक केले.

वाचा- पाकिस्तानला हाताशी धरून इंग्लंडने भारताला दिला मोठा झटका

कर्णधार म्हणून विराटचे सर्वजण कौतुक करत असताना अचानक नेतृत्व बदलाची चर्चा कशी काय सुरू झाली. यासाठी गेल्या ४८ तासातील घटनाक्रमावर नजर टाकावी लागले. भारताने टी-२० वर्ल्डकपसाठी संघ जाहीर केला. ही घोषणा करताना बीसीसीआयने कोहलीच्या डोक्यावर मेंटॉर म्हणून महेंद्र सिंह धोनीला आणून बसवले. विराटसाठी हा पहिला इशारा होता जेव्हा बीसीसीआयने अप्रत्यक्षरित्या मान्य केली की देशातील आणि जगातील महान फलंदाज विराट हा बोर्डाच्या नजरेत सर्वोत्तम कर्णधार नाही.

वाचा- Inside Story: रोहित शर्माकडे कर्णधारपद देण्यास कसा काय तयार झाला विराट कोहली

याआधी २०१४च्या इंग्लंड दौऱ्यात राहुल द्रविडला फलंदाजीचा सल्लागार म्हणून पाठवण्यात आले होते. पण यावेळीची घटना वेगळी आहे. टी-२० वर्ल्डकपनंतर मुख्य प्रशिक्षक रवी शास्त्री आणि अन्य सपोर्ट स्टाफचा करार संपणार आहे. हा करार पुन्हा केला जाईल याची आशा आता शिल्लक राहिली नाही. अशात बोर्डाने आजवरच्या इतिहास बदल स्प्लिट कर्णधाराचा एक मजबूत पर्याय निवडण्याचे ठरवले आहे.

सततच्या क्रिकेटमुळे कामगिरीवर परिणाम

विराट कोहली सात वर्षापासून भारतीय संघांचे नेतृत्व करत आहे. या काळात ऑस्ट्रेलिया, वेस्ट इंडिज, श्रीलंका येथे ऐतिहासिक कसोटी मालिका विजय मिळाले. एखाद मालिका वगळली तर विराटने संघाचे नेतृत्व केले. तिनही प्रकारच्या क्रिकेटमध्ये संघाचे नेतृत्व करणाऱ्या विराटवरील दबाव वाढत चालला आहे आणि त्याचा परिणाम फलंदाजीवर होत आहे. २०१८ साली विराटने १४ डावात १३३.५६च्या सरासरीने धावा केल्या. २०१९ मध्ये ५९.८६च्या सरासरीने, २०२० मध्ये ही सरासरी ४७.८८ वर आली आणि २०२१ मध्ये तर ४३ वर पोहोचली आहे.

वाचा- विराट कोहली विरुद्ध रोहित शर्मा: फक्त IPL नाही, वनडे आणि टी-२० मध्ये हिटमॅन भारी

कर्णधार म्हणून रोहितचे रेकॉर्ड चांगले

स्वत: विराटला देखील असे वाटते की त्याला फलंदाजीसाठी थोडा वेळ आणि गती देण्याची गरज आहे. २०२२ आणि २०२३ मध्ये भारताला दोन वर्ल्डकप खेळाचे आहेत. अशा परिस्थितीत विराटच्या बॅटमधून धावा येणे हे संघासाठी अधिक गरजेचे ठरते. विराटला अद्याप आयसीसीचे एकही विजेतेपद मिळवता आलेले नाही. विजयाच्या टक्केवारीचा विचार करता वनडेत ७०.४३ तर टी-२० मध्ये ६७.४४ अशी विराटची कामगिरी आहे. तर रोहित शर्माची टक्केवारी अनुक्रमे ८० आणि ७८.९४ इतकी आहे.

वाचा- विराट कोहली कर्णधारपद सोडणार का? BCCIने दिले उत्तर

रोहित शर्मा वेगाने पुढे जात आहे

इंग्लंडच्या दौऱ्यात रोहित शर्मा शानदार फॉर्ममध्ये होता. आतापर्यंत वनडे आणि टी-२०चा फलंदाज अशी ओळख असलेल्या रोहितने कसोटीतील चांगला सलामीवीर असा लौकिक मिळवला. ओव्हलमधील ऐतिहासिक विजय देखील रोहितच्या परदेशातील पहिल्या शतकामुळे शक्य झाला. मॅनचेस्टर कसोटी रद्द करण्याच्या चर्चेत रोहितचा सहभाग ही गोष्ट त्याची उंची वाढल्याकडे लक्ष वेधते. या शिवाय आयपीएमध्ये मुंबई इंडियन्सचा संघ रॉयल चॅलेंजर्स बेंगळुरूपेक्षा पुढे आहे हे सांगण्याची गरज नसावी.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: