पाकिस्तानला हाताशी धरून इंग्लंडने भारताला दिला मोठा झटका


नवी दिल्ली: भारत आणि इंग्लंड यांच्यातील पाचवी आणि अखेरची कसोटी अखेरच्या क्षणी रद्द झाल्यानंतर इंग्लंडच्या ३ खेळाडूंनी आयपीएलच्या दुसऱ्या सत्रातून माघार घेतली होती. हे कमी म्हणून की काय आता इंग्लंड आणि वेल्स क्रिकेट बोर्डाने आणखी एक डाव खेळला आहे. या डाव त्यांनी पाकिस्तानला हाताशी घेतले आहे.

वाचा- विराट कोहली विरुद्ध रोहित शर्मा: फक्त IPL नाही, वनडे आणि टी-२० मध्ये हिटमॅन भारी

आयसीसी टी-२० वर्ल्डकप २०२१ मध्ये सहभागी होणाऱ्या सर्व खेळाडूंना आयपीएल २०२१च्या प्लेऑफ लढतीत खेळता येणार नाही, असा डाव इंग्लंडने रचला आहे. रिपोर्ट्सनुसार इंग्लंड बोर्डाने वर्ल्डकप संघात निवड झालेल्या सर्व खेळाडूंना पाकिस्तानविरुद्धच्या मालिकेत खेळण्याची सक्ती केली आहे. इंग्लंडचा संघ ९ ऑक्टोबर रोजी पाकिस्तानमध्ये पोहोचणार आहे. तर आयपीएलच्या प्लेऑफ लढती १० ऑक्टोबरपासून सुरू होणार आहेत. ईसीबीच्या या चालीमुळे बीसीसीआयला मोठा झटका बसण्याची शक्यता आहे.

वाचा- Inside Story: रोहित शर्माकडे कर्णधारपद देण्यास कसा काय तयार झाला विराट कोहली

इंग्लंड आणि पाकिस्तान यांच्यात दोन सामन्यांची टी-२० मालिका होणार आहे. ही लढत १४ आणि १५ ऑक्टोबर रोजी होईल. जर असे झाले तर आयपीएलमध्ये खेळणारे इंग्लंडचे १० खेळाडू पाकिस्तानला जातील. अशा परिस्थितीत जे संघ आयपीएलच्या प्ले ऑफमध्ये पोहोचतील त्याचे नुकसान होऊ शकते. इयान मोर्गन कोलकाता नाइट रायडर्सचा कर्णधार आहे. चेन्नई सुपर किंग्ज संघातील दोन खेळाडू सॅम करन आणि मोईन अली इंग्लंडचे आहेत. या दोन संघांना मोठा फटका बसण्याची शक्यता आहे.

वाचा- विराट कोहली कर्णधारपदाचा राजीनामा देणार? वनडे आणि टी-२०साठी

अखेरची कसोटी रद्द झाल्यानंतर डेव्हिड मलान (पंजाब किंग्ज), जॉनी बेयरस्टो (सनरायझर्स हैदराबाद) आणि क्रिस वोक्स (दिल्ली कॅपिटल्स) यांनी वैयक्तीक कारण देत आयपीएलमधून माघार घेतली.

वाचा- विराट कोहली कर्णधारपद सोडणार का? BCCIने दिले उत्तर



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: