अजब! ‘हाय सिक्युरिटी झोन’मध्ये बाप-बेट्यानं गाडीत हेल्मेट घालून आठवडा काढला


हायलाइट्स:

  • एक व्यक्ती ४० वर्षीय तर दुसरा त्याचा मुलगा
  • दोघंही मानसिकदृष्ट्या आजारी असल्याचं समजतंय
  • एका अधिकाऱ्यावर बेजबाबदारपणासाठी निलंबनाची कारवाई

नवी दिल्ली : राजधानी दिल्लीच्या हाय सिक्युरिटी झोनमध्ये सुरक्षायंत्रणेचा ढिसाळ कारभार एका घटनेच्या निमित्तानं पुन्हा एकदा समोर आलाय. हाय सिक्युरिटी झोन असलेल्या लुटयन्स भागातील स्थित पाकिस्तान उच्चायोगाजवळ एका बाप-बेट्यानं गाडीतच जवळपास आठवडाभर व्यतीत केल्याचं समोर आलंय… तेही हेल्मेट घालून… आणि याचा सुरक्षायंत्रणेला आठवडाभर पत्ताही लागला नाही. यावरून या भागातील सुरक्षेचा अंदाज नागरिकांना येऊ शकेल. ही घटना समोर आल्यानंतर भागातील बीट अधिकारी नरसी राम यांना बेजबाबदारपणासाठी निलंबित करण्यात आलंय.

पाकिस्तान उच्चायोगाजवळ दोन जणांना गाडीसहीत ताब्यात घेण्यात आलंय. यातील एक व्यक्ती ४० वर्षांचा असून दुसरा त्याचा मुलगा असल्याचं समोर येतंय. प्राथमिकदृष्ट्या चौकशीनंतर हे दोघे मानसिकदृष्ट्या आजारी असल्याचं समजतंय. त्यामुळे, अद्याप या घटनेविरुद्ध कोणताही गुन्हा दाखल करण्यात आलेला नाही.

पाकिस्तान उच्चायोगासमोर जवळपास गेल्या सात दिवसांपासून भाड्यानं आणलेल्या एका कारमध्ये हे बाप – बेटे सुरक्षा यंत्रणांच्या नाकावर टिच्चून राहत होते. गाडीमध्ये दोघंही हेल्मेट घालून बसले होते.

PM Narendra Modi: ‘महाराष्ट्र, केरळमधील कोविड रुग्णसंख्या पाहता आत्मसंतुष्टतेला जागा नाही’
Ira Basu: माजी मुख्यमंत्र्यांची मेव्हणी रस्त्यावर बेवारस अवस्थेत आढळली, रुग्णालयात दाखल

गाडीत हेल्मेट घालून वावर

पोलिसांनी या दोघांना ताब्यात घेऊन त्यांची चौकशी करत असताना प्रश्नांची उत्तरं देणं दोघांनाही कठीण जात होतं. अजब – गजब उत्तरं ऐकून पोलिसांनी दोघांना अधिक चौकशीसाठी ताब्यात घेतलंय. गेल्या आठवडाभरापासून हा बाप – बेटा आपला अधिकांश वेळ गाडीतच घालवत होते. जवळपासच्या दुकानांतून खाण्या-पिण्याचं सामान ते आणत होतं.

अजब – गजब उत्तरं

पिता आपण वैज्ञानिक असल्याचं सांगत होता. आपण दोघंही अमेरिकेतून परत आलो असून आपल्या संपूर्ण शरीरभर मायक्रोचिप्स लावण्यात आल्याचं या दोघांनी पोलिसांसमोर म्हटल्यानं काही वेळ पोलिसही गोंधळात पडले होते. अमेरिका आणि भारताचे संबंध सुधारण्यासाठी एक याचिका दाखल करण्यासाठी आपण इथे आल्याचं दोघंही म्हणताना दिसत होते. गाडीत हेल्मेट घालण्याविषयी पोलिसांनी चौकशी केली तेव्हा हेल्मेट हटवताच आपल्या संपूर्ण शरीरात व्हायब्रेशन्स होत असल्याचं दोघंही म्हणताना आढळले.

हे दोघेही तामिळनाडूचे रहिवासी असल्याचं पोलीस तपासात समोर आलं. एका वरीष्ठ अधिकाऱ्यांनी दिलेल्या माहितीनुसार, या दोघांच्या मानसिक स्थितीची चाचणी केली जातेय. हे दोघे खरंच मानसिकदृष्ट्या आजारी आहेत का? याचा खुलासा मेडिकल रिपोर्टच्या आधारावर झाल्यानंतर पुढील कारवाई करण्यात येईल.

sansad tv : PM मोदी लाँच करणार नवी वाहिनी, काँग्रेस नेत्याचा धर्मासंबंधित कार्यक्रम, सूत्रांची माहिती
income tax : प्राप्तीकर विभागाच्या रडारवर ‘न्यूज लाँड्री’ आणि ‘न्यूज क्लिक’ वेबसाइट



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: