तालिबानने दिलेले आश्वासन पाळावे; भारताचे आवाहन


जिनिव्हा: अफगाणिस्तानमधील सध्याच्या परिस्थितीवर भारताने पु्न्हा एकदा चिंता व्यक्त केली आहे. एक शेजारचा देश आणि त्या देशातील नागरिकांचे मित्र असल्यामुळे आम्हाला अफगाणिस्तानमधील परिस्थितीबाबत चिंता वाटत असल्याचे संयुक्त राष्ट्र सुरक्षा परिषदेत भारताचे स्थायी प्रतिनिधी टी.एस. तिरुमुर्ती यांनी म्हटले.

तिरुमुर्ती यांनी म्हटले की, अफगाण मुलांचे स्वप्न पूर्ण करणे आणि अल्पसंख्यक नागरिकांच्या अधिकाराचे संरक्षण करायचे आहे. सर्व घटकांचा समावेश असलेली व्यवस्था तयार करावी आणि आंतरराष्ट्रीय स्वीकार्हता आणि मान्यता मिळू शकेल असे सरकार तयार करण्याचे आवाहन आम्ही करत असल्याचे त्यांनी म्हटले.

तालिबानच्या मंत्रिमंडळामुळे भारताच्या चिंतेत वाढ?
टी.एस. तिरुमुर्ती यांनी काबूल विमानतळावर झालेल्या दहशतवादी हल्ल्याबाबतही आपले मत मांडले. दहशतवाद अफगाणिस्तानसाठी गंभीर धोका असल्याचे काबूल विमानतळ हल्ल्यातून स्पष्ट होते. त्यामुळे तालिबानने दहशतवादाविरोधात दिलेले आश्वासन पूर्ण करण्याची आवश्यकता आहे.

अफगाणिस्तान आर्थिक अडचणीत; तालिबान सरकारला चीन देणार ‘इतकी’ मदत!
टी. एस. तिरुमुर्ती यांनी संयुक्त राष्ट्रात म्हटले की, मागील काही महिन्यांच्या काळात अफगाणिस्तानमध्ये नाट्यमय बदल पाहायला मिळाले आहेत. ऑगस्टमध्ये अफगाणिस्तान प्रकरणी सुरक्षा परिषदेत तीन वेळेस बैठक पार पडली. यामध्ये आम्ही काही चिंता व्यक्त केल्या होत्या. अफगाणिस्तानच्या भूमीचा वापर दहशतवादी कारवायांसाठी करू दिला जाणार नसल्याचे तालिबानने आश्वासन दिले आहे. त्यांनी हे आश्वासन पूर्ण करण्याची आवश्यकता असल्याचे भारताने म्हटले.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: