bhupendra patel to be next CM of gujarat : भूपेंद्र पटेल होणार गुजरातचे नवे मुख्यमंत्री, लवकरच औपचारीक घोषणा होणार


गांधीनगरः भूपेंद्र पटेल हे ( bhupendra patel ) गुजरातचे नवे मुख्यमंत्री होणार आहेत. यासंदर्भात पक्षाकडून औपचारिक घोषणा केली जाणार आहे. गुजरात भाजपच्या विधिमंडळ पक्षाची बैठक आज गांधीनगरमध्ये झाले. विधिमंडळ पक्षाच्या बैठकीत एकमताने भूपेंद्र पटेल नेतेपदी ( bhupendra patel to be next CM of gujarat ) निवडले गेले. माजी मुख्यमंत्री विजय रुपानी यांनी भूपेंद्र पटेल यांचे नाव सुचवले. त्यावर भाजप आमदारांनी एकमत दर्शवलं आणि पक्षानेही शिक्कामोर्तब केलं. गुजरातमध्ये पुढच्या वर्षी विधानसभा निवडणूक होणार आहे.

सत्ता स्थापनेचा दावा करण्यासाठी आम्ही ६ वाजता राज्यपालांना भेटणार आहोत. नव्या मुख्यमंत्र्यांच्या नियुक्तीसंदर्भात राज्यपालांची भेट घेणार आहोत, अशी माहिती केंद्रीय मंत्री आणि भाजप नेते भूपेंदर यादव यांनी दिली. भूपेंद्र पटेल हे सक्षम नेते आहेत. गुजरातच्या आगामी विधानसभा निवडणुकीत त्यांच्या नेतृत्वात लढवून भाजपचा विजय होईल, असं माजी मुख्यमंत्री विजय रुपानी म्हणाले.

भूपेंद्र पटेल यांची गुजरात भाजपच्या विधिमंडळ पक्षाने म्हणजे आमदारांनी एकमताने निवड केली आहे. अतिशय योग्य निर्णय झाला आहे, असं केंद्रीय मंत्री प्रल्हाद पटेल यांनी भूपेंद्र पटेल यांच्या निवडीनंतर सांगितलं.
विजय रुपानी यांनी शनिवारी मुख्यमंत्रीपदाचा राजीनामा दिल्यानंतर गुजरातचे नवे मुख्यमंत्री कोण असणार? यावरून तर्कवितर्क लढवले जात होते. पण भाजपने चर्चेत असलेल्या नावांना फाट देत सर्वांना धक्का देणारा निर्णय घेतला. गुजरात भाजपच्या विधिमंडळपक्षाने भूपेंद्र पटेल यांची मुख्यमंत्रीपदाचीसाठी निवड केली आहे. भूपेंद्र पटेल हे घाटलोडिया मतदारसंघाचे आमदार आहेत.

subramanian swamy : PM मोदीही माणूसच आहेत, त्यांच्याकडून चूक होऊ शकतेः सुब्रमण्यन स्वामी

गुजरातच्या माजी मुख्यमंत्री आनंदीबेन पटेल ज्या मतदारसंघातून निवडून येत होत्या त्याच घाटलोडिया मतदारसंघातून भूपेंद्र पटेल हे निवडणून आले आहेत. भूपेंद्र पटेल हे आनंदीबेन पटेल यांचे निकटवर्तीय मानले जातात. तसंच माजी मुख्यमंत्री विजय रुपानी यांनी विधिमंडळ पक्षाच्या बैठकीत भूपेंद्र पटेल यांच्या नावाचा प्रस्ताव मांडला. यानंतर केंद्रीय मंत्री नरेंद्र सिंह तोमर यांनी भूपेंद्र पटेल यांच्या नावाची घोषणा केली.

यूपीतील योगी सरकारने जाहिरातीसाठी कोलकात्यातील पूल आणि बिल्डींगचा फोटो चोरला!

विजय रुपानी यांनी मुख्यमंत्रीपदाचा राजीनामा दिल्यानंतर उपमुख्यमंत्री नितीन पटेल यांचे नाव आघाडीवर होते. मुख्यमंत्रीपदाचे ते प्रबळ दावेदार मानले जात होते. लोकप्रिय, अनुभवी आणि सर्वांना सोबत घेऊन पुढे जाणारा नेता मुख्यमंत्री व्हावा, असं नितीन पटेल यांनी भाजपच्या विधिमंडळ पक्षाचा बैठकी पूर्वी म्हटलं होतं. मला मुख्यमंत्री केले जाणार, असं मीडिया रिपोर्ट्समधून सांगण्यात येतंय. पण मुख्यमंत्री कोण होणार हे भाजप नेतृत्व ठरवणार आहे, असं नितीन पटेल यांनी बैठकी पूर्वी म्हटलं होतं.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: