Madhya Pradesh: पाऊस पडावा म्हणून… अल्पवयीन आदिवासी मुलींना गावात निर्वस्र फिरवलं!


हायलाइट्स:

  • मध्य प्रदेशातील दमोह जिल्ह्यातील घटना
  • बुंदेलखंड भागातील बनिया गावात ५ सप्टेंबर रोजी घडली घटना
  • कारवाई करण्यासाठी अधिकाऱ्यांनी व्यक्त केली अडचण

भोपाळ : अंधश्रद्धेच्या जोखडापायी लोक कोणत्या थराला जातील, ते काही सांगता येत नाही. मध्य प्रदेशातली दमोह जिल्ह्यातील एका गावात अशीच एक धक्कादायक घटना उघडकीस आलीय. दुष्काळग्रस्त भागात पावसानं हजेरी लावावी अशी आस बाळगणाऱ्या गावकऱ्यांनी देवाला खुश करण्यासाठी आदिवासी अल्पवयीन मुलींना निर्वस्त्र करून गावभर फिरवल्याचं समोर आल्यानंतर प्रशासनालाही धक्का बसलाय. ही घटना बुंदेलखंड भागातील बनिया गावात ५ सप्टेंबर रोजी घडली.

काय आहे अनिष्ठ प्रथा?

मिळालेल्या माहितीनुसार, स्थानिकांसाठी अशा घटना काही नवीन नाहीत. वरुण देवाला खुश करण्यासाठी अल्पवयीन मुली नग्न होऊन एका काठी आपल्या खांद्यावर घेऊन चालतात. या काठीला बेडकालाही बांधलं जातं. या मुलींसोबत महिलाही भजन गात गावातून चालत मंदिरात जातात. सोबतच या महिला गावकऱ्यांकडून धान्यही गोळा करतात. स्थानिक मंदिरात पोहचल्यानंतर भंडाऱ्यासाठी या धान्याचा वापर केला जातो.

Kerala: ऑनलाईन मित्रासाठी अल्पवयीन मुलीनं घरातून गायब केलं ७५ तोळे सोनं!
संघाची तालिबानशी तुलना : ‘जावेद अख्तर यांना अफगाणिस्तानात पाठवा’
आदिवासी मुलींवर निर्वस्र होण्याची जबरदस्ती?

स्थानिक पोलीस अधीक्षक डी आर तेनीवार यांनी पीटीआयशी बोलताना ही माहिती दिलीय. स्थानिक मान्यतेनुसार, मुलींना निर्वस्र करून गावभर फिरवल्यास पाऊस पडतो. पोलीस या घटनेची अधिक चौकशी करत आहेत.

कुटुंबांचाही प्रथेला पाठिंबा

मात्र, या घटनेवर कारवाई संदर्भात बोलताना प्रशासकीय अधिकाऱ्यांनी अडचण व्यक्त केलीय. आदिवासी मुलींना निर्वस्र होण्यासाठी जबरदस्तीनं भाग पाडलं असेल तर नक्कीच या प्रकाराविरोधात कारवाई केली जाईल. मात्र, संबंधित मुलींचे कुटुंबीयांचाही या प्रथेत समावेश होता. त्यामुळे, एकाही गावकऱ्यानं या प्रथेविरोधात तक्रार दाखल केलेली नाही. अशावेळी गावाकऱ्यांचं केवळ प्रबोधन करुन त्यांना या अंधश्रद्धेपासून दूर करण्यासाठी प्रयत्न केले जाऊ शकतात, असं जिल्हाधिकाऱ्यांनी म्हटलंय.

javed akhtar rss : ‘जावेद अख्तरांची पाळंमुळं दुबईत, RSS ला धोका समजतात’
भर रस्त्यात महिलेचं नाक कापलं; मुख्यमंत्र्यांच्या नावे फेसबुक पोस्ट लिहित पीडितेची आत्महत्या
एनसीपीसीआरचा हस्तक्षेप

नॅशनल कमीशन फॉर प्रोटेक्शन ऑफ चाइल्ड राईटस‘ (NCPCR) कडून एका पत्राच्या माध्यमातून दमोह जिल्हाधिकाऱ्यांनी या प्रकरणात कारवाई करण्याची मागणी करण्यात आलीय. दमोह जिल्ह्यात घडलेल्या या अमानवीय घटनेत कथितरित्या अल्पवयीन मुलींना निर्वस्र फिरताना पाहिलं गेलं. आदिवासी समाजाशी संबंधित या मुलींनी जवळच असलेल्या मंदिरात निर्वस्त्र देवीची प्रार्थनाही केली.

स्थानिक प्रशासनाकडून लवकरच एनसीपीसीआरला या घटनेसंबंधात एका अहवाल सोपवण्यात येईल, असं आश्वासन दमोह जिल्हाधिकारी एस कृष्णा चैतन्या यांनी दिलंय. यामध्ये अल्पवयीन मुलींच्या वयाची प्रमाणपत्र, इतर महत्त्वाची कागदपत्रं आणि प्रकरणाचा विस्तृत रिपोर्ट यांचाही समावेश असेल.

Karnal Kisan Mahapanchayat: हरयाणात खट्टर सरकारकडून आंदोलक शेतकऱ्यांच्या अडवणुकीचा प्रयत्न
afghan refugees : ‘कुठल्याही अफगाण नागरिकाला गृह मंत्रालयाच्या मंजुरीशिवाय भारत सोडण्यास सांगितलं जाणार नाही’





Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: