सोने-चांदीमध्ये मोठी घसरण ; सलग दुसऱ्या दिवशी सोन्याचा भाव गडगडला


हायलाइट्स:

  • कमॉडिटी बाजारात सलग दुसऱ्या दिवशी सोन्याच्या किमतीत घसरण झाली आहे.
  • आज मंगळवारी सोन्याच्या किमतीत १२० रुपयांची घट झाली.
  • सोन्याच्या किमतीवर आठवड्याच्या सुरुवातीपासून दबाव असल्याचे दिसून आले होते.

मुंबई : कमॉडिटी बाजारात सलग दुसऱ्या दिवशी सोन्याच्या किमतीत घसरण झाली आहे. आज मंगळवारी सोन्याच्या किमतीत १२० रुपयांची घट झाली. त्याआधीच्या सत्रात सोने ७९ रुपयांनी स्वस्त झाले होते. आज चांदी देखील ५०० रुपयांनी स्वस्त झाली आहे.

बिटकॉइन आणि सोलाना तेजीत ; जाणून घ्या कोणत्या डिजिटल करन्सी महागल्या
सध्या मल्टी कमॉडिटी एक्सचेंजमध्ये १० ग्रॅम सोन्याचा भाव ४७३२५ रुपये आहे. त्यात १०० रुपयांची घसरण झाली आहे. तत्पूर्वी आज सकाळच्या सत्रात सोन्याचा भाव ४७३०५ रुपयांपर्यंत खाली गेला होता. सध्या एक किलो चांदीचा भाव ६४६८० रुपये आहे. त्यात ६१२ रुपयांची घसरण झाली आहे.

बँंक आॅफ महाराष्ट्रच्या कर्मचाऱ्यांमध्ये असंतोष; सर्व संघटनांनी दिली तीव्र आंदोलनाची हाक
सोन्याच्या किमतीवर आठवड्याच्या सुरुवातीपासून दबाव असल्याचे दिसून आले होते. एमसीएक्सवर सोमवारी सोन्याचा भाव ७९ रुपयांनी कमी झाला होता. बाजार बंद होताना सोने प्रती १० ग्रॅम ४७४४५ रुपयांवर स्थिरावला होता. कालच्या सत्रात चांदीमध्ये मात्र वाढ झाली होती. चांदीचा भाव १२१ रुपयांनी वाढला आणि तो ६५३३० रुपयांवर स्थिरावला होता.

इंधन दर ; जाणून घ्या आजचा तुमच्या शहरातील पेट्रोल आणि डिझेलचा भाव
दरम्यान, सणासुदीच्या पार्श्वभूमीवर मागणी वाढल्याने आठवड्याच्या शेवटच्या सत्रात सोने आणि चांदीमध्ये मोठी वाढ झाली होती.एमसीएक्सवर शुक्रवारी सोन्याचा भाव ४७४८७ रुपयांवर बंद झाला. त्यात ४९६ रुपयांची वाढ झाली. तत्पूर्वी सोन्याचा भाव ४७८९५ रुपयांपर्यंत वाढला होता. सोन्याबरोबरच चांदीमध्ये मोठी वाढ झाली आहे. एक किलो चांदीचा भाव ६५१५४ रुपयांवर स्थिरावला होता. त्यात तब्बल १८६९ रुपयांची वाढ झाली होती.

‘प्राप्तिकरा’तील ‘हटके’ तरतुदींचा आधार
Goodreturns या वेबसाईटनुसार आज मंगळवारी मुंबईत २२ कॅरेट सोन्याचा भाव ४६४१० रुपये इतका आहे. २४ कॅरेटचा भाव ४७४१० रुपये झाला आहे. त्यात सोमवारच्या तुलनेत १२० रुपयांची घसरण झाली. आज दिल्लीत २२ कॅरेट सोन्याचा भाव ४६५५० रुपये इतका झाला आहे. २४ कॅरेटसाठी सोन्याचा भाव ५०७९० रुपये आहे.

आज चेन्नईत २२ कॅरेटसाठी ४४७४० रुपये तर २४ कॅरेट सोन्याचा भाव ४८८१० रुपये आहे. त्यात ५० रुपयांची घसरण झाली. कोलकात्यात आज २२ कॅरेट सोन्याचा भाव ४६८५० रुपये असून २४ कॅरेट सोन्याचा भाव ४९५५० रुपये आहे. त्यात १०० रुपयांची घसरण झाली आहे.

जागतिक कमॉडिटी बाजारात स्पॉट गोल्डचा भाव ०.२ टक्क्यांनी वधारून १८२६.७५ डॉलर झाला. फेडरल रिझर्व्हने बॉण्ड खरेदीच्या उपक्रमाला विराम देण्याचे ठरवले आहे. अमेरिकन अर्थव्यवस्था करोना संकटातून सावरली असल्याने आता व्याजदर वाढीसाठी योग्य वेळ असल्याचे फेडरल रिझर्व्हने मागील बैठकीत म्हटलं होते. त्यामुळे जागतिक बाजारात सोन्याच्या किमतीत वाढ झाली असल्याचे कमॉडिटी विश्लेषकांचे म्हणणे आहे. चांदीचा भाव ०.४ टक्क्यांनी वधारून तो २४.७६ डॉलर प्रती औंस झाला.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: