बँंक आॅफ महाराष्ट्रच्या कर्मचाऱ्यांमध्ये असंतोष; सर्व संघटनांनी दिली तीव्र आंदोलनाची हाक


हायलाइट्स:

  • प्रशासकीय बदल्यांचे परिपत्रक व्यवस्थापनाने त्वरित मागे घेण्याची मागणी
  • बँंकेच्या सर्व संघटनांनी एकत्र येऊन तीव्र आंदोलन छेडण्याचा निर्णय घेतला
  • सर्व संघटनांच्या वतीने ५ ते २० सप्टेंबर दरम्यान महत्त्वाच्या शहरातून संयुक्त सभेचे आयोजन

मुंबई : करोना महामारीच्या काळात हे व्यवस्थापन द्विपक्ष करारातील तरतुदी बाजूला सारून प्रशासकीय बदल्यांच्या बदल्या करून बँक आॅफ महाराष्ट्रमध्ये अस्थैर्य माजवण्याचा प्रयत्न सरकार करत आहे. यामुळे कर्मचाऱ्यांमध्ये संतापाची लाट उसळली असून महाबँक अवॉर्ड स्टाफच्या सर्व संघटनांनी एकत्र येऊन तीव्र आंदोलन छेडण्याचा निर्णय घेतला आहे.

सलग तिसऱ्या दिवशी उच्चांकी दौड ; सेन्सेक्स आणि निफ्टीची आगेकूच सुरूच
बँक ऑफ महाराष्ट्रातील सर्व कर्मचारी, अधिकारी, वरिष्ठ कार्यपालक सांघिक भावनेने काम करत अल्प काळात तोट्यातील बँकेला नफ्यातील बँकेत परावर्तित केले. रिझर्व बँकेने प्रॉम्प्ट करेक्टिव्ह ऍक्शन (Prompt Corrective Actions) च्या स्वरुपात लावलेल्या निर्बंधातून बाहेर पडणाऱ्या बँकेत महाबँक पहिली होती. आज महाबँकेचे नाव बँकिंग उद्योगातील एक उत्कृष्ट बँक म्हणून घेतले जाते. यापूर्वी १९९२-९३ ते ९४-९५ या काळात देखील बँकेला अशाच आव्हानात्मक परिस्थितीतून जावे लागले होते पण पूर्ण बॅंकिंग उद्योगासाठी आदर्श निर्माण केला होता.

रिझर्व्ह बँंकेची कारवाई ; मुंबईतील या सहकारी बँंकेला ५० लाखांचा दंड, हे आहे कारण
करोना संकटात एकीकडे बँकेचा व्यवसाय वाढला, नवीन शाखा उघडल्या गेल्या, नवीन सेवा बँकेने सुरू केल्या पण दुसरीकडे लिपिक कर्मचाऱ्यांची भरती मात्र केली नाही. वाढीव कर्मचारी सोडा मृत्यू, राजीनामा, निवृत्ती, पदोन्नती यामुळे निर्माण झालेल्या जागा देखील बँकेने भरल्या नाहीत हे खालील आकडेवारीवरून स्पष्ट होते.

इंधन दर ; जाणून घ्या आजचा तुमच्या शहरातील पेट्रोल आणि डिझेलचा भाव
बँकेचा ८७ वा वर्धापन दिन ” ग्राहक अभिवादन दिवस” म्हणून पाळणार आहोत, ज्या दिवशी शक्य त्या सर्व ठिकाणी ग्राहकाप्रती आपले ऋण व्यक्त करण्यासाठी “ग्राहक अभिवादन सभा” आयोजित केल्या जातील. सर्व संघटनांच्या वतीने ५ ते २० सप्टेंबर या कालावधीत सर्व महत्त्वाच्या शहरातून संयुक्त सभेचे आयोजन करण्यात येईल व कर्मचारी जागृती अभियान राबविण्यात येईल, आंदोलनाच्या यशस्वीतेसाठी सर्वांना सहभागी करून घेण्यात येईल.

‘प्राप्तिकरा’तील ‘हटके’ तरतुदींचा आधार
सर्व संघटनांच्या, सर्व सभासदांना या परिपत्रकाद्वारे आम्ही आवाहन करत आहोत की त्यांनी संपासह सर्व आंदोलन कार्यक्रम यशस्वी करण्यासाठी सर्वतोपरी प्रयत्न करावेत व असंवेदनशील व्यवस्थापनाची संवेदना जागी करावी. २८ सप्टेंबर रोजी सर्व संघटनांचे कार्यकर्ते एकूण परिस्थितीचा आढावा घेतील आणि आंदोलन तीव्र करण्यासाठी पुढील निर्णय घेतील, असे परिपत्रकात म्हटंल आहे.

आंदोलनाच्या मागण्या

⦁ सर्व हंगामी कर्मचाऱ्यांना कायम सेवेत सामावून घेऊन पीटीएस च्या रिकाम्या जागा भरण्यात याव्यात
⦁ सर्व पार्ट टाइम सबस्टाफ याना पूर्णवेळ करून सबस्टाफच्या सर्व रिकाम्या जागा भराव्यात
⦁ क्लार्कची पुरेशी भरती त्वरित करण्यात यावी.
⦁ प्रशासकीय बदल्यांचे परिपत्रक व्यवस्थापनाने त्वरित मागे घ्यावे.
⦁ बँक शाखा /एटीएम ठिकाणी सुरक्षा व्यवस्था

कर्मचाऱ्यांची प्रचंड कमतरता
आज बँकेत १२७१ शाखा अशा आहेत जिथे पीटीएस नाहीत तर ६९७ शाखांतून एकही सबस्टाफ नाही तर यातील ४४८ शाखा अशा आहेत जेथे कायमस्वरूपी एकही पीटीएस तसेच सबस्टाफ दोन्ही नाही. दोन्ही जागांवर तात्पुरते, कंत्राटी कर्मचारी काम करत आहेत. बँकेत ५५ शाखा अशा आहेत जिथे एकही क्लार्क नाही तर ७२९ शाखा अशा आहेत जेथे फक्त एकच क्लार्क आहे तर केवळ २ क्लार्क असलेल्या शाखांची संख्या ६६८ आहे. त्याना सगळी कामे करावी लागतात. खेडे विभाग सोडा अगदी शहरातून, महानगरातून देखील एक किंवा दोन क्लार्क असलेल्या अनेक शाखा आहेत. यामुळे नवीन खाते उघडणे, काऊंटरवर सर्व सेवा देणे अशक्य होत असल्याचे कर्मचारी संघटनांनी म्हटलं आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: