बाजाराचे नवनवे उच्चांक; संरक्षण क्षेत्राची बाजारावर मोहिनी


हायलाइट्स:

  • २०२५पर्यंत पाच अब्ज अमेरिकी डॉलरपर्यंत या क्षेत्राचा विस्तार करण्याचा केंद्र सरकारचा विचार आहे.
  • जगात चीननंतर सर्वाधिक सैन्य आपले आहे.
  • ‘राष्ट्रीय सकल उत्पन्ना’त ३.९ टक्के इतके योगदान संरक्षणाचे आहे.

केदार ओक, मुंबई : गेल्या आठवड्यातील ‘ह्रतिक’ आणि ‘सलमान’चा विचार तुम्हाला आवडला असेल, अशी आशा करतो. एकीकडे बाजार नवनवे उच्चांक गाठत असताना गुंतवणूक करायला सांगणे, हे खूप जोखमीचे काम आहे. तरीही बाजारात काय होत आहे, हे सांगणे महत्त्वाचे. या पार्श्वभूमीवर, मुंबई शेअर बाजाराचा निर्देशांक (सेन्सेक्स) ५८,१२९वर आणि राष्ट्रीय शेअर बाजाराचा निर्देशांक (निफ्टी) १७,३२३वर सकारात्मक बंद झाले. या पार्श्वभूमीवर आज संरक्षण क्षेत्राची माहिती घेऊ या.

सलग तिसऱ्या दिवशी उच्चांकी दौड ; सेन्सेक्स आणि निफ्टीची आगेकूच सुरूच
काही दिवसांपूर्वी केंद्र सरकारने काही आकडेवारी जाहीर केली. त्यात ‘जीडीपी’ आणि ‘जीएसटी’बरोबरच अन्य काही क्षेत्रांमध्ये गेल्या वर्षाच्या तुलनेने किती वाढ झाली आहे, याची माहितीही जाहीर केली. ती तूर्तास कुठेही नकारात्मकता दिसू नये, याच उद्देशाने जाहीर केली असे मला वाटते. मूळातच गेल्या वर्षाची तुलना या वर्षाशी करणे पूर्णतः चुकीचे आहे. त्याच्या पूर्वीच्या वर्षाशी (२०१९ -२०२०) तुलना केली असती तर जास्त योग्य ठरले असते. मागील वर्ष आकडेवारीतून काढूनच टाकावे; कारण त्या वर्षाला काही अर्थ नाही. २०१९-२० ची तुलना करता एवढे मात्र निश्चित की, यावर्षी आर्थिक क्षेत्रात जरी वाढ झाली नसली, तरी ती साधारण त्याच पातळीशी धरून आहे. दुसरी बाजारात लक्ष ठेवण्यासारखी गोष्ट म्हणजे गेले आठ महिने परदेशी गुंतवणूकदार, जे विक्रीचा जोर ठेवून कायम होते ते आता खरेदी करताना दिसत आहेत. त्यांची ही खरेदी प्रामुख्याने लार्जकॅपमध्ये असल्याने ‘रिलायन्स’, ‘लार्सन अँड टुब्रो’, ‘एचडीएफसी’, ‘एचडीएफसी बँक’ या समभागांत गेल्या काही दिवसांत तेजी आली आहे. त्याचेच प्रतिबिंब निर्देशांकाच्या वाटचालीत दिसत असून, तो सातत्याने वाढत आहे.

‘एनसीडी’ मध्ये गुंतवणूक संधी; इंडेल मनीचे ५०० कोटींचे अपरिवर्तनीय रोखे
प्रत्येक देशाच्या दृष्टीने हे अत्यंत महत्त्वाचे क्षेत्र आहे. २०२५पर्यंत पाच अब्ज अमेरिकी डॉलरपर्यंत या क्षेत्राचा विस्तार करण्याचा केंद्र सरकारचा विचार आहे. जगात चीननंतर सर्वाधिक सैन्य आपले आहे. ‘राष्ट्रीय सकल उत्पन्ना’त ३.९ टक्के इतके योगदान संरक्षणाचे आहे. त्यानुसार काही कंपन्या आणि त्याचे समभाग सुचवत आहे. त्यासाठी सोबत दिलेला तक्ता पहा. तक्त्यात दिलेल्या आठ मोठ्या कंपन्या सध्या या क्षेत्रात कार्यरत आहेत. पुढील आव्हाने बघता, योग्य संधी मिळताच त्यांत गुंतवणूक करावी. आताचा कल बघता इंडेक्स करेक्शन अपेक्षित आहे. म्हणजे निर्देशांक खालीवर होईल; पण मिडकॅप समभागांत तेजी दिसेल. नफा पदरात पडून नवीन चांगल्या समभागांतील गुंतवणूक चांगला परतावाही देईल.

कंपनीसध्याचा भाव (प्रति समभाग. रु)५२ आठवड्यांतील कमाल/किमान भाव (रु)
अशोक लेलँड१२११३८/१०८
अस्त्र मायक्रो१५७१८७/ १०१
भारत फोर्ज७९२८४६/ ४२७
भारत अर्थमूव्हर्स१,३४३१,५४४/ ५८४
भारत इलेक्ट्रॉनिक१९८१९९/ ८६
भारत डायनॅमिक ३९४४२८/ २८०
लार्सन अँड टुब्रो१,६८६१,७१७/ ८४२
हिंदुस्थान एरोनॉटिक१,३९४



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: