T20 World Cup : ५ खेळाडूंच्या खांद्यावर जबाबदारी; पाकिस्तानने केली संघाची घोषणा



कराची : टी-२० विश्वचषकासाठी पाकिस्तानने आपले प्यादे खुले केले आहेत. पाकिस्तानने अंतिम १५ जणांची यादी प्रसिद्ध केली आहे. जे पाकिस्तानला चॅम्पियन बनविण्यासाठी मैदानात उतरतील. पाकने आपल्या संघात फक्त ५ फलंदाजांचा समावेश केला आहे. त्यांच्या व्यतिरिक्त २ यष्टीरक्षक, ४ अष्टपैलू आणि ४ वेगवान गोलंदाजांना संघात स्थान दिले आहे. ३ राखीव खेळाडू संघासोबत असतील. पाकिस्तानचा हा संघ फक्त टी-२० विश्वचषकातच भाग घेणार नाही, तर त्याआधी त्यांना न्यूझीलंड आणि इंग्लंडच्या आव्हानालाही सामोरे जावे लागणार आहे.

टी-२० विश्वचषकात पाकिस्तानचा संघ २४ ऑक्टोबर रोजी दुबईत कट्टर प्रतिस्पर्धी भारताविरुद्ध आपल्या मोहिमेला सुरुवात करणार आहे, पण त्याआधी तो लाहोर आणि रावळपिंडीच्या घरच्या मैदानावर ७ टी-२० सामने खेळेल. हे सर्व सामने २५ सप्टेंबर ते १४ ऑक्टोबर दरम्यान होणार आहेत.

दोन खेळाडूंना लॉटरी
आसिफ अली आणि खुशदिल शाह पाकिस्तानच्या संघात परतले आहेत. या दोन खेळाडूंच्या समावेशामुळे संघाच्या मधल्या फळीला बळकटी मिळाली आहे. देशांतर्गत स्पर्धेतील कामगिरीच्या आधारे या खेळाडूंना टी-२० विश्वचषकाचं तिकीट मिळालं आहे. आसिफने पाकिस्तानसाठी शेवटचा टी-२० सामना या वर्षी एप्रिलमध्ये झिम्बाब्वेविरुद्ध खेळला. त्याचबरोबर खुशदील शाहने या वर्षाच्या सुरुवातीला दक्षिण आफ्रिकेविरुद्ध लाहोरमध्ये खेळला. टी-२० मध्ये आसिफ अलीचा स्ट्राईक रेट १४७ आहे, तर डावखुरा फलंदाज खुशदिल शाहचा स्ट्राइक रेट १३४ आहे.

पाकिस्तान क्रिकेट बोर्डाचे संचालक मुहम्मद वसीम म्हणाले की, संघ निवडताना आम्ही प्रत्येक क्षेत्र व्यापण्याचा प्रयत्न केला आहे. संघात क्षमता, उत्कटता, अनुभव यांचे उत्तम मिश्रण आहे.”

टी-२० विश्वचषकासाठी पाकिस्तानचा १५ सदस्यीय संघ पुढीलप्रमाणे –
बाबर आझम (कर्णधार), शादाब खान, आसिल अली, आझम खान, हॅरिस रौफ, हसन अली, इमाद वसीम, खुशदील शाह, मोहम्मद हफीज, मोहम्मद हसनैन, मोहम्मद नवाज, मोहम्मद रिझवान, मोहम्मद वसीम, शोएब मकसूद, शाहीन शाह आफ्रिदी

राखीव खेळाडू : फखर झमान, उस्मान कादिर, शाहनवाज दहानी



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: