तालिबान सरकार स्थापन करणार; ‘या’ सहा देशांना दिले निमंत्रण


काबूल: पंजशीर प्रांतावर निर्णायक ताबा मिळवल्याचा दावा केल्यानंतर तालिबानने आता सरकार स्थापन करण्याच्या हालचालींना वेग दिला आहे. सरकार स्थापना सोहळ्यासाठी सहा देशांना आमंत्रणे पाठवण्यात येणार असल्याचे म्हटले जात आहे. यामध्ये पाकिस्तान, रशिया, इराण, कतार आणि तुर्की या देशांना आमंत्रण असणार आहे. या देशांनी सरकार स्थापनेआधीच तालिबानशी संपर्क साधला असल्याचे म्हटले जात आहे. तालिबानकडून भारताशी संपर्क साधला की नाही, याबाबत कोणतीही माहिती समोर आली नाही.

तालिबान प्रवक्ता जबीउल्ला मुजाहिद याने सरकार स्थापन करण्याची प्रक्रिया एक आठवडा स्थगित केल्याची घोषणा दिली होती. तालिबान एक सर्वसमावेशक आणि आतंरराष्ट्रीय समुदायाला मान्यता मिळेल असे मंत्रिमंडळ स्थापन करण्याच्या प्रयत्नात असल्याचे त्याने म्हटले होते. या सरकारचे नेतृत्व तालिबानचा दुसऱ्या क्रमांकावरील नेता मुल्ला अब्दुल गनी बरादर करणार आहे. तर, तालिबान प्रमुख अखुनझादा हा सर्वोच्च नेता असणार आहे.

पंजशीरमध्ये तालिबान-पाकिस्तानची सरशी?; सालेह, अहमद मसूद अज्ञात स्थळी!

तालिबानला पाकिस्तानेच पोसले; भारताचा स्पष्ट आरोप

चीन तालिबान नियंत्रित करणार?

याआधी तालिबान नेत्यांनी चीन आमच्यासाठी महत्त्वाचा देश असल्याचे म्हटले होते. अफगाणिस्तानच्या पुनर्निमाणासाठी आणि विकासासाठी चीनकडून मोठी अपेक्षा असल्याचे तालिबानी नेत्यांनी म्हटले होते. जबीहुल्ला मुजाहिदने चीनच्या ‘वन बेल्ट, वन रोड’ या महत्त्वाकांक्षी प्रकल्पालाही पाठिंबा दर्शवला होता. या प्रकल्पाद्वारे आफ्रिका, आशिया आणि युरोपशी रेल्वे, रस्ते मार्गाने जोडला जाणार आहे. मुजाहिदने रशियासोबतही चांगले संबंध स्थापित करणार असल्याचे म्हटले होते. रशिया या भागातील महत्त्वपूर्ण देश असल्याचे त्याने म्हटले होते.

अफगाणिस्तानचा सर्वोच्च नेता होणारा मुल्ला अखुनझादा आहे तरी कोण?

पाकिस्तानचे हक्कानीला झुकते माप?

पाकिस्तानकडून हक्कानी नेटवर्कला झुकते माप दिले जात असल्याची चर्चा आहे. तालिबानच्या सरकारमध्ये हक्कानी नेटवर्कला महत्त्वाची जबाबदारी मिळावी असे प्रयत्न पाकिस्तानकडून सुरू आहेत. तालिबान सरकार स्थापन करण्यासाठी असलेले मतभेद दूर करण्यासाठी पाकिस्तान आयएसआय प्रमुखांनी अफगाणिस्तानचा दौरा केला असल्याचे म्हटले जात आहे.



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: