infosys tax portal issue : ‘इन्फोसिसने नक्षलवाद्यांना मदत केली’, पांचजन्यमधील लेखातून आरोप; RSS ने लेखावरून हात झटकले


नवी दिल्लीः पांचजन्यमध्ये प्रकाशित झालेल्या एका लेखावरून राष्ट्रीय स्वयंसेवक संघाने (RSS) हात झटकले आहेत. माहिती-तंत्रज्ञान कंपनी इन्फोसिसद्वारे ( infosys tax portal issue ) चालवण्यात येत असलेल्या टॅक्स-फायलिंग वेबसाइटच्या घोळामागे देशाविरोधातील कट असल्याचं लेखात म्हटलं होतं.

इन्फोसिसवरील लेखावरून RSS चे प्रवक्ते सुनील आंबेकर यांनी ट्वीट केलं आहे. पांचजन्यमध्ये प्रकाशित ( panchjanya article critical of infosys ) इन्फोसिसवरील लेख हा लेखकाचे व्यक्तिगत विचार आहेत, असं आंबेरकर यांनी ट्वीटमध्ये म्हटलं आहे.
भारतीय कंपनी म्हणून इन्फोसिसचे देशाच्या प्रगतीत महत्त्वाचे योगदान आहे. इन्फोसिसद्वारे चालवण्यात येत असलेल्या वेबसाइटसंबंधी काही मुद्दे असू शकतात. पांचजन्यमध्ये इन्फोसिसवर लेख प्रकाशित झाला आहे. या लेखात लेखकाचे वैयक्तीक विचार आहेत. पांचजन्य हे संघाचे मुखपत्र नाही. तसंच या लेखात व्यक्त केलेल्या विचारांशी संघाचा संबंध जोडू नये, असं सुनिल आंबेरकर यांनी ट्वीटमध्ये म्हटलं आहे.

टॅक्स भरण्यासाठी चालवण्यात येत असलेल्या वेबसाइटमधील तांत्रिक घोळावरून गेल्या महिन्यात केंद्रीय अर्थमंत्री निर्मला सीतारामन यांनी तीव्र नाराजी व्यक्त केली होती. तसंच सर्व समस्या दूर करण्यासाठी त्यांनी ही वेबसाइट चालवणाऱ्या इन्फोसिस कंपनीला १५ सप्टेंबरपर्यंतचा कालावधी दिला. सलग दोन दिवस टॅक्स फाइल करण्यासाठी वेबसाइट ठप्प असल्याच्या कारणावरून सीतारामन यांनी इन्फोसिसच्या सीईओना बोलावले होते. वेबसाइट लाँच होऊन अडीच महिने होऊनही त्यात तांत्रिक उणिवा असल्याने सरकार आणि करदाते दोन्ही समस्यांचा सामना करत असल्याचं सीतारामन म्हणाल्या. तसंच इन्फोसिसने या प्रकरणी स्पष्टीकरण द्यावं, असं त्यांनी सांगितलं.

इन्फोसिसने जीएसटी आणि आयकर भरण्यासाठी विकसित केलेल्या वेबसाइटमध्ये तांत्रिक त्रुटीमुळे देशाच्या अर्थव्यवस्थेत करदात्यांच्या विश्वासाला ठेच पोहोचली आहे. इन्फोसिसच्या माध्यमातून भारतविरोधातील शक्ती देशाच्या आर्थिक हितांना ठेच पोहोचवण्याचा प्रयत्न करत आहेत का? असा सवाल पांचजन्यमधील लेखातून करण्यात आला. पण इन्फोसिसने मागील काळात नक्सवलादी, डावे आणि टुकडे-टुकडे गँगला मदत केली, असा आरोपही लेखातून करण्यात आला.

nandkumar baghel : मुख्यमंत्र्यांच्या वडिलांविरोधात FIR दाखल, ब्राह्मणांविरोधात वक्तव्य भोवलं

टॅक्स पोर्टलमधील घोळ हा राष्ट्रीय चिंतेचा विषय आहे आणि जो कुणी यासाठी जबाबदार असेल त्याला उत्तरदायी ठरवलं पाहिजे, असं पांचजन्यचे संपादक हितेश शंकर यांनी म्हटलंय. इन्फोसिस ही एक मोठी कंपनी आहे आणि विश्वासार्हतेमुळे ही कंपनी सरकारच्या महत्त्वाच्या योजना संभाळत आहे, असं संपादक हितेश शंकर म्हणाले.

Mukhtar Abbas Naqvi: तालिबानला भारतातल्या मुस्लिमांची चिंता करण्याची गरज नाही, भारताचं प्रत्यूत्तर



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: