सोने-चांदीमध्ये मोठी तेजी; चांदी तब्बल १८०० रुपयांनी महागली, जाणून घ्या सोन्याचा भाव


हायलाइट्स:

  • करोनाच्या तिसऱ्या लाटेचा धोका लक्षात घेता कमॉडिटी बाजारात तेजी
  • सोने आणि चांदीच्या किंमतीत मोठी वाढ
  • अमेरिकेतील रोजगाराच्या आकडेवारीकडे गुंतवणूकदारांचे लक्ष लागले आहे.

मुंबई : जागतिक बाजारातील सकारात्मक संकेत आणि करोनाच्या तिसऱ्या लाटेचा धोका लक्षात घेता कमॉडिटी बाजारात सोने आणि चांदीमध्ये मोठी वाढ झाल्याचे दिसून आले आहे. आठवड्याच्या शेवटच्या सत्रात चांदीमध्ये १८६९ रुपयांची वाढ झाली. सोने ४९६ रुपयांनी वधारले.

नवीन फंड आॅफर; मिरे अॅसेचा एस अॅण्ड पी ५०० टॉप फिफ्टी ईटीएफ फंड ऑफ फंड
सोन्याच्या किमतीवर आठवड्याच्या सुरुवातीपासून दबाव असल्याचे दिसून आले होते. एमसीएक्सवर शुक्रवारी सोन्याचा भाव ४७४८७ रुपयांवर बंद झाला. त्यात ४९६ रुपयांची वाढ झाली. तत्पूर्वी सोन्याचा भाव ४७८९५ रुपयांपर्यंत वाढला होता. सोन्याबरोबरच चांदीमध्ये मोठी वाढ झाली आहे. एक किलो चांदीचा भाव ६५१५४ रुपये आहे. त्यात तब्बल १८६९ रुपयांची वाढ झाली आहे. तत्पूर्वी चांदीचा भाव ६५६०५ रुपये इतका वाढला होता.
इंधन दर ; जाणून घ्या तुमच्या शहरातील आजचा पेट्रोल – डिझेलचा भाव
Goodreturns या वेबसाईटनुसार आज शनिवारी मुंबईत २२ कॅरेट सोन्याचा भाव ४६१९० रुपये इतका आहे. २४ कॅरेटचा भाव ४७१९० रुपये झाला आहे. आज दिल्लीत २२ कॅरेट सोन्याचा भाव ४६३४० रुपये इतका झाला आहे. २४ कॅरेटसाठी सोन्याचा भाव ५०५७० रुपये आहे. आज चेन्नईत २२ कॅरेटसाठी ४४९६० रुपये तर २४ कॅरेट सोन्याचा भाव ४९०५० रुपये आहे. त्यात ४९० रुपयांची वाढ झाली. कोलकात्यात आज २२ कॅरेट सोन्याचा भाव ४६६४० रुपये असून २४ कॅरेट सोन्याचा भाव ४९३४० रुपये आहे.

सेन्सेक्स प्रथमच ५८ हजारांवर ; ‘या’ शेअर्समध्ये झाली मोठी वाढ, निफ्टीचा देखील रेकॉर्ड
जागतिक बाजारात शुक्रवारी सोन्याचा भाव प्रती औंस १८११.७९ डॉलर झाला. त्यात ०.१ टक्के वाढ झाली. चांदीचा भाव २३.९२ डॉलर प्रती औंस आहे. त्यात ०.२ टक्के वाढ झाली आहे. अमेरिकेतील रोजगाराच्या आकडेवारीकडे गुंतवणूकदारांचे लक्ष लागले आहे. यापूर्वी केंद्रीय बँक फेडरल रिझर्व्हने व्याजदर वाढीच्या दिशेनं पावले टाकण्याचे संकेत दिले होते. त्यातच डॉलरचे अवमूल्यन झाल्याने सोन्यामध्ये तेजी दिसून आल्याचे कमॉडिटी विश्लेषकांचे म्हणणे आहे.

वाचा : वार्षिक ९.७५ टक्क्यांपर्यंत परतावा; इंडियाबुल्स हाउसिंग फायनान्सचा डिबेंचर्स इश्यू



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: