आजवर फक्त भारताने इंग्लंडला असा झटका दिला होता; ३८ वर्षांनी आता…


नवी दिल्ली: जबरदस्त फॉर्ममध्ये असलेल्या इंग्लंडच्या क्रिकेट संघाला आयसीसी टी-२० वर्ल्डकपच्या सेमीफायनलमध्ये न्यूझीलंडने पराभवाचा धक्का दिला. क्रिकेटच्या इतिहासात इंग्लंडचा असा धक्का याआधी ३८ वर्षापूर्वी भारतीय क्रिकेट संघाने दिला होता.

वाचा- Video: बेयरस्टोची एक चूक इंग्लंडला महागात पडली; याच गोष्टीमुळे न्यूझीलंडने २०१९चा वर्ल्डपक गमावला होता

काल बुधवारी अबुधाबीच्या मैदानावर झालेल्या सामन्यात इंग्लंडने प्रथम फलंदाजी करत १६६ धावा उभ्या केल्या होत्या. उत्तरादाखल न्यूझीलंडला फार चांगली सुरुवात मिळाली नव्हती. इंग्लंडचे पारडे जड होते तरी देखील न्यूझीलंडने बाजी मारली. १६ षटकापर्यंत सामना इंग्लंडच्या हातात होता. पण त्यानंतर जिमी निशम आणि डेरिल मिचेल यांनी धमाकेदार फलंदाजी करत विजय साकारला.

वाचा- स्वत:च्या देशाचा शत्रू झाला हा क्रिकेटपटू; म्हणाला, पाकिस्तान…

टी-२० वर्ल्डकपच्या सेमीफायनलमध्ये पराभूत होण्याची इंग्लंडची ही पहिली वेळ आहे. याआधी त्यांनी २०१० साली सेमीफायनलमध्ये श्रीलंकेचा तर २०१६ मध्ये न्यूझीलंडचा पराभव करून अंतिम फेरी गाठली होती. २०१० साली त्यांनी विजेतेपद मिळवले होते तर २०१६ मध्ये त्यांचा वेस्ट इंडिजने पराभव केला होता. पण यावेळी न्यूझीलंडने २०१६च्या सेमीफायनल आणि २०१९च्या वनडे वर्ल्डकपच्या फायनलमधील पराभवाचा एकत्र बदला घेतला.

वाचा- ऑस्ट्रेलियाविरुद्धच्या सेमीफायनलआधी पाकिस्तानला बसाल झटका; यामुळे होऊ शकतो…

आयसीसी वर्ल्डकपच्या वनडे आणि टी-२०च्या इतिहासात गेल्या ५ सेमीफायनलमधील इंग्लंडचा हा पहिला पराभव आहे. याआधी १९८३ साली वर्ल्डकपमध्ये कपिल देव यांच्या नेतृत्वाखाली भारताने त्यांचा सेमीफायनलमध्ये पराभव केला होता. तेव्हा इंग्लंडने प्रथम फलंदाजी करत २१३ धावा केल्या होत्या आणि भारताने ४ विकेटच्या बदल्यास लक्ष्य पार केले होते.



Source link

Leave a Reply

Your email address will not be published. Required fields are marked *

%d bloggers like this: