Gopal Mandal: रेल्वे प्रवासात अंतर्वस्त्रावर फिरणाऱ्या आमदारांचं स्पष्टीकरणही ऐका…


हायलाइट्स:

  • तेजस एक्सप्रेसमध्ये अंतर्वस्त्रावर फिरताना दिसले आमदार
  • रेल्वेतील प्रवाशांच्या आक्षेपाला शिवीगाळ करून प्रत्यूत्तर
  • फोटो व्हायरल झाल्यावर आमदार म्हणाले…

पाटणा :तेजस एक्सप्रेस‘मधून प्रवास करताना रेल्वेच्या कोचमध्ये कपडे उतरवून केवळ बनियान आणि अंडरवेअरमध्ये फिरताना दिसलेल्या जेडीयू आमदार गोपाल मंडल यांनी आता स्पष्टीकरण दिलंय. त्यांचे सार्वजनिक ठिकाणी अर्धनग्न अवस्थेतील फोटो सोशल मीडियावर व्हायरल झाले होते.

रेल्वे प्रवासादरम्यान माझं पोट खराब झालं होतं, असं सांगतानाच ‘मी जे बोलतो ते खरंच बोलतो खोटं कधीही बोलत नाही’ अशी पुश्तीही गोपाळ मंडल यांनी मीडियाशी बोलताना जोडली.

राजेंद्र नगर (पाटणा) हून नवी दिल्लीला जाताना ‘तेजस एक्सप्रेस’द्वारे आमदार मंडल प्रवास करत होते. रेल्वे प्रवासादरम्यान अंडरवेअर आणि बनियानमध्ये ते रेल्वेच्या मोकळ्या जागेत फिरताना दिसले. यावर काही प्रवाशांनी आक्षेप घेतला असता आमदार महाशयांनी माघार न घेता उलट प्रवाशांना शिवीगाळानं प्रत्यूत्तर दिल्याचं समोर आलं होतं. आमदारांचे फोटोही व्हायरल झाल्यानं ते सोशल मीडियावरही चर्चेचा विषय ठरले.

आमदार महाशय रेल्वेत अंडरवेअर-बनियानवर, आक्षेपाला शिवीगाळानं प्रत्यूत्तर
Allahabad HC: गाय…ऑक्सिजन घेणारा आणि सोडणारा एकमेव पशू : उच्च न्यायालय
या घटनेविषयी बोलताना गोपाळ मंडल यांनी ‘रेल्वे प्रवासात मी केवळ अंतर्वस्त्र परिधान केले होते, याचं कारण म्हणजे तेव्हा माझं पोट बिघडलं होतं’, असं गोपाळ मंडल यांनी म्हटलंय.

राजेंद्र नगरहून नवी दिल्लीला निघालेली ‘तेजस एक्सप्रेस’ या भांडणा दरम्यान दिलदारनगर स्टेशनवरून पुढे निघाली होती. जेडीयू आमदार गोपाल मंडल रेल्वेच्या कोचमध्ये कपडे उतरवून केवळ बनियान आणि अंडरवेअरमध्ये बसले होते. कोचच्या मधल्या पॅसेजमधून ते याच अवस्थेत रेल्वेच्या टॉयलेटच्या दिशेनंही गेले. काही प्रवाशांनी आक्षेप घेतल्यावर मंडल यांनी शिवीगाळ करत त्यांना प्रत्यूत्तर दिल्याचं रेल्वेतील इतर प्रवाशांचं म्हणणं होतं. यामुळे वाढलेला वाद मिटवण्यासाठी आरपीएफ आणि टीटीईंना हस्तक्षेप करावा लागला.

Covid Death: करोना मृत्यूच्या नुकसान भरपाईसाठी ठोस नीतीचा अभाव, SC नं केंद्राला फटकारलं
Delhi Riots: इतिहासात तपास यंत्रणांच्या अपयशासाठी दिल्ली दंगल ओळखली जाईल : न्यायालय



Source link

Share on facebook
Share on twitter
Share on linkedin
Share on whatsapp
Share on telegram
%d bloggers like this: