प्राप्तिकराचा वेबघोळ भाग-४; ‘विवाद से विश्वास’ गेला कुठे ?


हायलाइट्स:

  • अर्थ मंत्रालयाने विवाद से विश्वास हा उपक्रम सुरू केला.
  • या उपक्रमाला उद्योगजगत तसेच करदाते यांनी चांगला प्रतिसादही दिला.
  • मात्र प्राप्तिकराच्या नव्या वेबसाइटवर विवाद से विश्वास सुविधेचा वापर करण्यासाठी योग्य माहितीचा अभाव दिसून येत आहे.

म. टा. खास प्रतिनिधी, मुंबई : करदात्यांच्या करविषयक तक्रारींचा निपटारा करून करभरणा अधिकाधिक व्हावा यासाठी केंद्रीय अर्थ मंत्रालयाने विवाद से विश्वास हा उपक्रम सुरू केला. या उपक्रमाला उद्योगजगत तसेच करदाते यांनी चांगला प्रतिसादही दिला. मात्र प्राप्तिकराच्या नव्या वेबसाइटवर विवाद से विश्वास सुविधेचा वापर करण्यासाठी योग्य माहितीचा अभाव दिसून येत आहे. या योजनेअंतर्गत भरावे लागणारे फॉर्म ३, ४ व ५ वेबसाइटवर उपलब्धच होत नसल्यामुळे करदाते हवालदिल झाले आहेत.

निवृत्तीवेतनाबाबत जागरुकता; अटल पेन्शन योजनेला तुफान प्रतिसाद, २८ लाख नवीन खाती
प्राप्तिकराच्या नव्या वेबसाइटबाबत एका ज्येष्ठ सीएने मटाला सांगितले की, सनदी लेखापालांची किंवा इन्स्टिट्यूट ऑफ चार्टर्ड अकाउंटन्ट्स ऑफ इंडिया (आयसीएआय) या मध्यवर्ती संस्थेची कोणतीही तक्रार जुन्या वेबसाइटबाबत नव्हती. जुनी वेबसाइट बऱ्यापैकी सुरळीत चालत होती. असे असताना नवीन वेबसाइट करण्याचा घाट सरकारने का घातला तेच कळत नाही. त्यातही असा बदल करताना करदात्यांना योग्य पर्याय देणे हे सरकारचे व सीबीडीटीचे कर्तव्य होते.

वाचा : प्राप्तिकराचा वेबघोळ भाग-३ ; करसेवांचा बोजवारा
आता वेळेत प्राप्तिकर विवरणपत्र न भरल्यामुळे करदात्यांना मानसिक ताण येणे साहजिक आहे. करदात्यांच्या मानसिकतेशी खेळण्याचा सरकारला कोणताही अधिकार नाही. देशाच्या १३० कोटींहून अधिक लोकसंख्येला केवळ सुमारे सात कोटी करदाते सांभाळतात. त्यामुळे करदात्यांचा जीव सरकारने टांगणीला लावून ठेवू नये, याकडेही त्या ज्येष्ठ सीएने लक्ष वेधले.

कोणत्याही जुन्या प्रणालीच्या जागी नवी प्रणाली प्रत्यक्षात आणताना काही पर्यायांची चाचपणी केली जाते. यामध्ये जुनी व नवी प्रणाली समांतररीत्या चालवणे, नवी प्रणाली पूर्ण क्षमतेने सुरू करण्याआधी त्याची चाचणी घेतली जाणे, नवी प्रणाली आणताना नेमक्या कोणत्या अपेक्षा व्यक्त झाल्या होत्या आणि शेवटी प्रत्यक्ष हाती काय आले हे पाहणे या सर्वांवर विचार होणे आवश्यक असते. हे करण्यामध्ये करदात्यांना गृहित धरले गेले असे वाटते. सध्याचा गोंधळ टाळण्यासाठी नवी व जुनी या दोन्ही वेबसाइट सुरू ठेवून यावर्षीची कार्यवाही पूर्ण करता आली असती.

– सीए डॉ. योगेश सातपुते

सोने-चांदीचा भाव ; सोन्यामध्ये घसरण कायम, जाणून घ्या आजचा दर



Source link

Share on facebook
Share on twitter
Share on linkedin
Share on whatsapp
Share on telegram