हवाई दलाची उच्च ऑपरेशनल तयारी, त्वरीत कारवाईची क्षमता आणि शांतता काळात आणि ऑपरेशन्स दरम्यान उच्च दर्जाच्या व्यावसायिकतेबद्दल राजनाथ सिंहांनी कौतुक केले. पण देशाच्या सीमेवर (चीनकडून) सुरू असलेल्या तणावाकडे लक्ष केंद्रीत करत राजनाथ यांनी अल्प सूचनांवर तयार राहण्याचे आवाहन केले. देशाच्या सीमेवरील ‘अस्थिर’ परिस्थितीबाबत अल्प सूचनेवर प्रत्युत्तर देण्यासाठी तयार राहण्याची सूचना राजनाथ सिंह यांनी सशस्त्र दलांना दिली.
india china border : ‘१९६२ सारखी युद्धस्थिती होऊ देणार नाही’, चीनचा उल्लेख करत सुप्रीम कोर्टात बोल
हवाई दलाच्या तीन दिवसीय ((१०-१२ नोव्हेंबर) कमांडर्सची कॉन्फरन्स होते. ‘एनस्युरिंग सर्टेनेटी एम्डिस्ट अनसर्टेनेटी’, ही या परिषदेची थीम आहे. तीन दव हवाई दलाचे टॉप कमांडर्स, हवाई दल प्रमुख व्ही. आर. चौधरी, सीडीएस बिपिन रावत आणि इतर लष्करी कमांडर्ससह संरक्षण मंत्रालयाच्या वरिष्ठ अधिकाऱ्यांशी राष्ट्रीय सुरक्षेबाबत सल्लामसलत करत आहेत. राजधानी दिल्लीत वर्षातून दोनदा कमांडर्स कॉन्फरन्स भरते.
r hari kumar : व्हाइस अॅडमिरल आर. हरी कुमार होणार भारतीय नौदलाचे नवे प्रमुख
सैन्याच्या तिन्ही दलांना कॉमन थिएटर कमांडच्या निर्मितीवर भर देण्याची सूचना संरक्षणमंत्र्यांनी केली. तसंच सर्वांचे विचार आणि चिंता यांची दखल घेतली जाईल, असे ते म्हणाले. हवाई दलाने देशात थिएटर कमांडच्या स्थापनेबाबत काही ऑपरेशनल चिंता व्यक्त केल्या होत्या. त्यामुळे संरक्षणमंत्र्यांनी सर्व संबंधितांच्या मतांवर विचारमंथन करण्याचा आग्रह धरला.
हवाई दलाने मल्टी-डोमेन क्षमता विकसित करणे आवश्यक आहे. यामुळे शत्रूच्या कोणत्याही नापाक इराद्याला चोख प्रत्युत्तर देता येईल. एअर चीफ मार्शल यांनी लष्कर आणि नौदल यांच्या संयुक्त प्रशिक्षणावर भर दिला. जेणेकरून भविष्यातील कोणत्याही युद्ध किंवा संघर्षाच्या वेळी सैन्याच्या तिन्ही अंगांच्या (लष्कर, हवाई दल आणि नौदल) लढाऊ शक्तीचा अधिक चांगल्या प्रकारे वापर करता येईल. कोविड महामारीच्या काळातही उत्कृष्ट ऑपरेशनल तयारी केल्याबद्दल हवाई दल प्रमुख व्ही. आर. चौधरी यांनी सर्व कमांडर्सचे अभिनंदन केले.
