हैदराबादः भारताचा दिग्गज खेळाडू विराट कोहली आणि बॉलिवूड अभिनेत्री अनुष्का शर्मा यांच्या मुलीवर बलात्कार करण्याची धमकी देणाऱ्या व्यक्तीला हैदराबादमधून अटक करण्यात आली आहे. मुंबई पोलिसांच्या सायबर सेलने २३ वर्षीय आरोपीला बुधवारी पकडले. त्याला मुंबईत आणले जात आहे. एएनआयने हे वृत्त दिले आहे.

रामनागेश अकुबथिनी असे अटक करण्यात आलेल्या व्यक्तीचे नाव आहे. त्याने आयआयटी हैदराबादमधून बीटेक केले आहे. तो व्यवसायाने अभियंता असून काही काळापर्यंत फूड डिलिव्हरी अॅपसाठी काम करत होता.

कधी दिली होती धमकी?

टी-२० विश्वचषकात भारताला सतत पराभवाला सामोरे जावे लागले. पाकिस्तानपाठोपाठ टीम इंडियालाही न्यूझीलंडकडून सामना गमवावा लागला. यानंतर खेळाडू टीकाकारांच्या निशाण्यावर आले. सोशल मीडियावर काही लोकांनी निषेधाची मर्यादा ओलांडली आणि खेळाडूंच्या कुटुंबीयांना लक्ष्य करण्यास सुरवात केली. गेल्या २४ ऑक्टोबरला झालेल्या सामन्यात भारताचा पाकिस्तानकडून पराभव झाला होता. यानंतर एका अज्ञात सोशल मीडिया अकाउंटवरून विराट कोहलीची मुलगी वामिकाबद्दल अपशब्द वापरून बलात्काराची धमकी देण्यात आली. आरोपीने ट्विट केल्यानंतर अकाऊंट डिलीट करण्यात आले.

sanjay raut : राजकीय चिखलफेक थांबली पाहिजे, महाराष्ट्रावर डाग लागतोयः संजय राऊत

दिल्ली महिला आयोगाने घेतली होती कठोर भूमिका

या प्रकरणी दिल्ली महिला आयोगाच्या प्रमुख स्वाती मालीवाल यांनी कठोर भूमिका घेतली होती. असे काही ट्विट आले आहेत, ज्यात विराटच्या ९ महिन्यांच्या मुलीला बलात्काराची धमकी देण्यात आली होती. या प्रकरणी मालिवाल यांनी दिल्ली पोलिसांच्या सायबर गुन्हे शाखेला पत्र लिहून कारवाईची मागणी केली होती. त्यांनी दिल्ली पोलिसांकडून एफआयआरची माहिती मागितली होती.

bus trolley collision : प्रवासी बसला ट्रेलरची धडक, आगीत १२ जण जिवंत जळाले, PM मोदींकडून मदत घोषित